آیانلیق 22:5 - مُقادِّس کیتاب

⁵ شَهرده گیجه آصلا بُلماز، و نه چیراغینگ ایشیغی، نه-ده گونونگ نوری گِرِک بُلار، سِبَبی تانگری خودای اُلارا یاغتیلیق سِچِر.‏ و اُلار اِبِدیلیک پادیشاهلیق اِدِرلِر.‏

آیانلیق 22:5 Iomraidhean Croise

مَتّیٰ 19:28

عیسی اُلارا:‏ ‏«‏سیزه دُغروسینی آیدیارین، هِمّه زادینگ تَزه‌لِنِن زامانی اینسان اُغلی اُز بِییک تاختیندا اُتوراندا، مِنینگ ایزیما دوشِن سیز هِم اُن ایکی تاختدا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

مَتّیٰ 25:46

بولار اِبِدی جِزا، دُغری آداملار بُلسا اِبِدی یاشایشا یِتِرلِر.‏»‏

رومیلار 5:17

چونکی بیر آدامینگ گونَه‌سینینگ اوستو بیلِن و شُل آدامینگ اوستو بیلِن اُلوم حُکوم سوروپ باشلادی.‏ اِمّا خودایینگ اِندازاسیز مِرحِمِتی بیلِن آقلانما ناغماتینینگ بُلّوغینی آلانلارینگ باری ایندی بیر آدام، یَعنی عیسی مسیحینگ اوستو بیلِن اِبِدی یاشاییشدا حُکوم سورِرلِر.‏

۲ تیموتاوس 2:12

زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

آیانلیق 11:15

یِدینجی پِریشده سورنایینی چالدی.‏ آسماندان:‏ ‏«‏دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی.‏ خودای اِبِدیلیک پادیشاهلیق اِتجِکدیر»‏، دییّپ قیغیریان قاتی سِسلِر اِشیدیلدی.‏

آیانلیق 18:23

چیراغلارینگ نوری ایندی یاغتیلیق بِرمِز، اُیلِنیَن ییگیت و گِلنینگ سِسی ایندی سِندِن اِشیدیلمِز.‏ سِنینگ تاجِرلِرینگ دونیَه‌نینگ بِییک آداملاریدی و سِنینگ جادوگَرلیگینگ هِمّه میلِّتلِری یُلدان چیقاردی.‏

آیانلیق 20:4

اُنسُنگ مِن تاختلاری و اُلارینگ اوستونده اُتورانلاری گُردوم.‏ اُلارا قاضیلیق اِتمِکلیک ایختییاری بِریلدی.‏ موندان باشغا-دا، مِن عیسی مسیح و خودایینگ خوش خاباری حاقدا شاهاتلیق اِدِنلِری اوچین باشلاری کِسیلِن آداملارینگ روحونی گُردوم.‏ اُلار جاناوارا و اُنونگ مُجِسِّمه‌سینه سِجده اِتمَندیرلِر و مانگلایینا یا-دا اِل‍لِرینه اُنونگ عالاماتینی باسدیرماندیرلار.‏ اُلار دیرِلیپ، مسیح بیلِن مونگ ییل پادیشاهلیق اِتدیلِر.‏

آیانلیق 20:6

اَوَّلکی دیرِلیشده پایی بُلان خوشواقت و مُقادِّسدیر!‏ ایکینجی اُلوم اُلارا گویجی یِتمِز.‏ اُلار خودایینگ و مسیحینگ کاهینلاری بُلوپ، اُنونگ بیلِن مونگ ییل پادیشاهلیق اِدِرلِر.‏

آیانلیق 21:11

اُل خودایینگ بِییکلیگِندِن دُلوپ، بیر خاص جواهیر یالی، و ییلدیراپ دوران یَشم یالی پارلایاردی.‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏