آیانلیق 21:4 - مُقادِّس کیتاب

⁴ اُل اُز خالقینینگ گُزلِرینینگ هِر بیر گُزیاشینی سوپورِر.‏ ایندی نه اُلوم، نه-ده یاس، نه ناله، نه-ده دِرد بُلار.‏ چونکی اُوالقی زاتلار گِچیپ گیتدی.‏»‏

آیانلیق 21:4 Iomraidhean Croise

مَتّیٰ 24:35

آسمان هِم یِر اُتِر، یُنه مِنینگ سُزلِریم آصلا اُتمِز.‏»‏

۱ قُرِنتُس‌لار 15:26

یُق اِدیلمِلی دوشمانلارینگ اینگ سُنگقوسی هِم اُلومدیر.‏

۱ قُرِنتُس‌لار 7:31

بو دونیَه‌نینگ ایشلِرینه مِشغول کیشیلِر-ده اُز واقتینی اُلارا گِچیرمِسین.‏ چونکی بو دونیَه‌نینگ یاغدایی گِچیپ باریاندیر.‏

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

۲ قُرِنتُس‌لار 6:17

شِیلِلیکده، قودراتلی-گویچلی خودای شِیله دییَّر:‏ ‏«‏اُلارینگ آراسیندان چیقینگ-دا اُلاردان آیریلینگ.‏ نِجیس زاتلارا اِل دِگیرمَنگ، و شُندا مِن سیزی قابول اِدِرین.‏»‏ ‏«‏مِن سیزه آتا بُلارین، سیز هِم مِنینگ اُغول-قیزلاریم بُلارسینگیز.‏»‏

عِبرانیلار 12:27

‏«‏یِنه بیر گِزِک»‏ دییِن واعدا تیترِجِک زاتلارینگ، یَعنی یارادیلان زاتلارینگ آرادان آیریلجاقدیغینی و چایقانماز زاتلارینگ اِبِدی تیترِمِجِکدیگینی بیلدیردیَر.‏

۲ پِطرُس 3:10

اِمّا تانگری عیسانینگ گِلجِک گونی اُغری کیمین گِلِر.‏ شُندا آسمان اولی گوپوردی سِس بیلِن ییتیپ گیدِر، آسمان جیسیملِری یانیپ دارغار، یِر و اُندا اِدیلِن هِمّه ایشلِر اَشکَر بُلار.‏

۱ یوحنا 2:17

دونیَه و اُنونگ هُوِسلِری گِچِر گیدِر، اِمّا خودایینگ اِراداسینی بِرجای اِدیَن آدام اِبِدی یاشار.‏

آیانلیق 20:13

دِریا اُزوندَکی اُلولِری ایزینا بِردی.‏ اُلوم و اُلولِر دونیَه‌سی-ده اُزوندَکی اُلولِری ایزینا بِردی.‏ اُلارینگ هِر بیرینه اِدِن ایشلِرینه گُرَه قاضیلیق اِدیلدی.‏

آیانلیق 20:14

اُنسُنگ اُلوم و اُلولِر دونیَه‌سی یانیپ دوران دِریاچا زینگیلدی.‏ اینه، بو اُدلی دِریاچا ایکینجی اُلومدیر.‏

آیانلیق 21:1

اُنسُنگ مِن بیر تَزه آسمان بیلِن بیر تَزه یِر گُردوم.‏ چونکی اُوالقی آسمان و یِر آیریلیپدی.‏ ایندی هیچ بیر دِریا هِم یُقدی.‏

آیانلیق 22:3

بو شَهرده ایندی آصلا لَعنِت بُلماز.‏ خودایینگ و قوزینینگ تاختی بو شَهرده بُلار، و خودایینگ خیدماتکَرلِری اُنگا خیدمات اِدِرلِر.‏

آیانلیق 7:17

چونکی تاختینگ اُرتاسیندا دوران قوزی اُلاری باقار و اُلاری یاشاییش سووونینگ چِشمه‌لِرینه اَکیدِر.‏ و خودای اُلارینگ گُزیاشلارینینگ هِر دامجاسینی سوپورِر.‏»‏