آیانلیق 2:3 - مُقادِّس کیتاب

³ سِن قایراتلیسینگ، مِنینگ اوغرومدا کَن قینچیلیقلارا جیدادینگ و یادامادینگ.‏

آیانلیق 2:3 Iomraidhean Croise

مَرقُس 15:21

شُل واقت قیرِوانلی شمعون دییِن بیر آدام اِکینچیلیگیندِن گِلیَردی.‏ اُل اسکندر بیلِن روفوسینگ آتاسیدی.‏ سِربازلار اُنی توتوپ، عیسانینگ صلیبینی گُتِرمَگه مِجبور اِتدیلِر.‏

لوقا 14:27

کیم اُز صلیبینی گُتِریپ، مِنینگ ایزیما دوشمِسه، مِنینگ شَگیردیم بُلوپ بیلمِز.‏

لوقا 18:1

سُنگرا عیسی شَگیرتلِرینه اُلارینگ هِمیشه خودایا دُغا اِدیپ، آصلا روحدان دوشمِزلیگینگ ضِرورلیغی حاقدا بیر میثال آیدیپ بِردی:‏

لوقا 21:19

جیداپ دورونگ، شُندا جانینگیزی نِجات بِرِرسینگیز.‏

لوقا 5:5

شمعون اُنگا:‏ ‏«‏اُستاد!‏ تامام گیجه جان یاقدیق-دا، هیچ زات توتوپ بیلمِدیک، یُنه سِنینگ سُزونگ خاطیراسینا تُرلاری یِنه زینگایلینگ»‏ دییدی.‏

لوقا 8:15

قاوی یِره سِپیلِنلِر بُلسا، سُزی اِشیدیپ، اُنی یاخشی هِم پَک یورِکده ساقلایانلاردیر.‏ اُلار صابیرلیلیق بیلِن میوه بِریَندیرلِر.‏

یوحنا 15:21

اُلار سیزه بو زاتلارینگ هِمّه‌سینی مِنینگ آدیم اوچین اِدِرلِر، سِبَبی اُلار مِنی ایبِرِنی تانیمییارلار.‏

رومیلار 12:12

اومیدینگیزینگ باردیغینا بِگِنینگ، قینچیلیقلارا جیداملی بُلونگ و دُغا-دا قاییم دورونگ.‏

رومیلار 16:12

مسیح اوچین آرمان-یادامان زَحمِت چِکیَن آیال دُغانلاریمیز تریفینا و تریفوسا سالام آیدینگ.‏ مسیح اوچین کَن زَحمِت چِکیَن عزیز آیال دُغانیمیز پِرسیسه هِم سالام آیدینگ.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

رومیلار 8:25

اِگِر بیز گُرمِیَن زادیمیزا اومید باغلاساق، اُندا صابیرلیق بیلِن قاراشیاندیریس.‏

۱ قُرِنتُس‌لار 13:7

سُیگی هِمّه زاد بیلِن چیقیشیاندیر، اِلمیداما اینانیاندیر.‏ سُیگی هیچ هاچان اومیددان دوشیَن دَلدیر و هِر حالدا جیدایاندیر.‏

۱ قُرِنتُس‌لار 16:16

سیز هِم شِیله آداملارا و اُلار بیلِن ایشلَپ زَحمِت چِکیَنلِرینگ هِر بیرینه قولاق آسینگ.‏

۲ قُرِنتُس‌لار 10:15

بیز اُز اِندازامیزدان داشاردا باشغالارینگ اِدِن ایشی بیلِن-ده قووانمایاریس.‏ تِرسینه، سیزینگ ایمانینگیز گیتدیگیچه اُسوپ، سیزینگ آرانگیزداقی ایشیمیز خاص-دا یُقاری دِرِجه-ده اُسِر دییّپ اومید اِدیَریس.‏

۲ قُرِنتُس‌لار 11:23

مسیحینگ خیدماتکَرلِریمی؟ دیوانالار یالی شونی دییَّرین:‏ مِن اُلاردان-دا کَنرَکدیرین!‏ مِن اُلاردان خاص کَن زَحمِت چِکدیم، زیندانلارا-دا اُلاردان نَچه گِزِک-ده کَن دوشدوم.‏ یِنجیلمِکده-ده اُلاردان کَن اورلوپ-یِنجیلدیم.‏ اُلار بیلِن دِنگِشدیریلِنده اُلوم خاطاری بیلِن نَچه گِزِک یوزبه-یوز بُلدوم.‏

۲ قُرِنتُس‌لار 4:1

خودای مِرحِمِت اِدیپ، بیزه بو خیدماتی بِردی و شُنونگ اوچین-ده، یورِگیمیز ساویمایار.‏

۲ قُرِنتُس‌لار 4:16

شُنگا گُرَه-ده، بیزینگ یورِگیمیز ساویمایار.‏ بیزینگ داشقی گُرنوشیمیز کُهنه‌لسه-ده، ایچکی گُرنوشیمیز گونبه-گون تَزه‌لِنیَندیر.‏

۲ قُرِنتُس‌لار 5:9

اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

۲ قُرِنتُس‌لار 6:5

اورلوپ-یِنجیلمِلِرده، زیندان اِدیلمِلِرده، فیتنه‌لِرده، آغیر ایشلِرده، اوقوسیز گیجه‌لِرده و آچلیغدا صابیر-طاقاتلیق بیلِن جیدایاریس.‏

غَلاطیه‌لِر 6:2

بیری-بیرینگیزه حِمایاتچی بُلونگ.‏ شِیله اِتسِنگیز، مسیحینگ یُلونی بِرجای اِتدیگینگیز بُلار.‏

غَلاطیه‌لِر 6:9

یاخشیلیق اِتمِکدِن یادامایلینگ.‏ اِگِر روحدان دوشمِسِک، اُز واقتیندا اُراریس.‏

فیلیپیلِر 2:16

یاشاییش بِریَن سُزی قاییم توتونگ.‏ شُندا مِن بیدِرِک یِره زَحمِت چِکمَندیگیم، عاذابیمینگ پوچا چیقماندیغی باباتدا مسیحینگ گِلجِک گونونده قابارلانیپ بیلِرین.‏

فیلیپیلِر 4:3

اِی مِنینگ وِفالی یُلداشیم، سانگا-دا یالباریارین:‏ بو آیال‍لارا کُمِک اِت.‏ اُلار مِن، اِکلِمِنتُس و یاشاییش دِفتِرینه آدلاری یازیلان بِیلِکی هِمکَرلِریم بیلِن بیرلیکده خوش خاباری یایراتماقدا تاقالّا بیلِن ایشلِدیلِر.‏

کولُسیلِر 1:11

قُی، اُل سیزی بِییک قودراتی بیلِن قوواتلاندیرسین.‏ سیزینگ صابیر-طاقاتلی بُلوپ، هِمّه زادا جیداماغینیز اوچین گویچ-قووات بِرسین.‏

۱ تِسالونیکیلِر 1:3

ایمانینگ حاصیلی بُلان ایشینگیزی، سُیگودِن عِمِله گِلِن زَحمِتینگیزی، تانگریمیز عیسی مسیحه باغلان اومیدینگیزدان دُرَن جیدامینگیزی آتامیز خودایینگ اُوونده بیرسیخلی یادلایاریس.‏

۱ تِسالونیکیلِر 2:9

اِی عزیزلِریم، بیزینگ چِکِن آغیر زَحمِتیمیز، گُرِن جِفالاریمیز یادینگیزدادیر.‏ خوش خاباری سیزه واغیظ اِدِن زامانیمیزدا هیچ کیمه آغرام سالماجاق بُلوپ، گیجه-گوندیز ایشلِدیک.‏

۱ تِسالونیکیلِر 5:12

ایندی بُلسا، اِی عزیزلِر، سیزدِن شولاری خاییش اِتمِکچی:‏ آرانگیزدا زَحمِت چِکیَنلِرینگ، مسیح یُلوندا سیزه باشچیلیق اِدیَنلِرینگ، و ناصیحات بِریَنلِرینگ قادیرینی بیلینگ.‏

۲ تِسالونیکیلِر 3:13

اِمّا سیز بُلسا، اِی عزیزلِر، یاخشیلیق اِتمِکده یادامانگ.‏

۲ تِسالونیکیلِر 3:5

قُی، تانگری عیسی یورِکلِرینگیزی خودایی سُیمَگه و مسیحه صادیق بُلماغا دُغری یُلا سالسین.‏

۲ تِسالونیکیلِر 3:8

هیچ کیمینگ چُرِگینی مُفت اییمِدیک.‏ قایتام، سیزینگ هیچ بیرینگیزه آغرام سالماجاق بُلوپ، گیجه-گوندیز ایشلَپ، زَحمِت چِکدیک.‏

۱ تیموتاوس 4:10

شُل سِبَپلی زَحمِت چِکیپ، قاتی ایخلاص اِدیَریس، چونکی بیز هِمّه آداملارینگ، خاص-دا ایماندارلارینگ نِجات بِریَنچیسی بُلان دیری خودایا بیل باغلایاریس.‏

۱ تیموتاوس 5:17

کِلیسانی قاوی دُلاندیریان یاشولیلار، خاص-دا واغیظ اِدیپ، تَعلیماتی اُورِتمِکده زَحمِت چِکیَنلِر، ایکی بارابار حُرماتا لاییق گُرولسین.‏

عِبرانیلار 10:36

صابیر-طاقاتلی بُلوپ، خودایینگ اِراداسینی بِرجای اِدینگ، شُندا خودایینگ واعداسینا قاوشارسینگیز.‏

عِبرانیلار 12:1

اینه، بیزینگ اِطرافیمیزی قاپلاپ آلان شِیله اولی بولوت شاهاتلارینگ بارلیغینا گُرَه، قینچیلیق دُرِدیَن هِر هیلی یوکی و بُینومیزدان یاپیشان گونَه‌لِری زینگایلینگ-دا، اُوومیزده دوران یاریشدا صابیرلیق بیلِن یُرتِیلینگ.‏

عِبرانیلار 13:13

گِلینگ، بیز هِم اُنونگ جیدان رُسوا اِدیلمِلِرینه جیداپ، اُردوگاهدان داشاری، اُنونگ یانینا گیدِیلینگ.‏

عِبرانیلار 6:10

خودای عادالاتلیدیر، چونکی اُل سیزینگ بیتیرِن ایشینگیزی، اُنونگ خالقینا اِدِن و اِدیَن خیدماتینگیز بیلِن اُزونه بُلان سُیگینگیزی یاددان چیقارماز.‏

عِبرانیلار 6:12

یالتالیغا یوز اورمانگ، قایتام، ایمان هِم صابیر-طاقاتینگ اوستو بیلِن خودایینگ واعدالارینی میراث آلانلاردان نِمونه آلینگ.‏

عِبرانیلار 6:15

شِیلِلیکده، ابراهیم صابیر-طاقات بیلِن قاراشیپ، بِرلِن واعدا یِتدی.‏

۲ پِطرُس 1:6

بیلیمده نِفسینگی ساقلاماقلیغی، نِفسینگی ساقلاماقلیقدا صابیرلیغی، صابیرلیقدا تاقوالیغی،

آیانلیق 1:9

عیسی مسیحینگ شَگیردی حُکمونده عاذاپلارا، خودایینگ پادیشاهلیغینا و جیداملیلیغا شِریکینگیز بُلان مِن یوحنا دُغانینگیز پاتموس دییِن جِزیره‌دِدیم.‏ مِن خودایینگ سُزینی واغیظ اِدیپ و عیسی مسیح حاقدا شاهاتلیق اِدِنیم سِبَپلی بو جِزیره تَبعید اِدیلیپدیم.‏

آیانلیق 3:10

سِن تابشیریقلاریمی بِرجای اِدیپ، ایماندا قاییم دوردونگ.‏ شُنگا گُرَه-ده، یِر یوزونینگ یاشایانلارینی ایمتِحان اوچین هِمّه دونیَه‌نینگ اوستوندِن اینجِک ایمتِحان زامانیندا سِنی قُرارین.‏