آیانلیق 2:18 - مُقادِّس کیتاب

¹⁸ ‏«‏تیاتیراداقی کِلیسانینگ پِریشده‌سینه شونی یاز:‏ ‏«‏گُزلِری آلاولایان اُد یالی، آیاقلاری میس یالی ییلدارایان خودایینگ اُغلی شِیله دییَّر:‏

آیانلیق 2:18 Iomraidhean Croise

مَتّیٰ 17:5

اُل هِنیز کِپلَپ دورقا، یاغتی بیر بولوت اُلارینگ اوستونی اُرتدی.‏ بولوتدان بیر سِس گِلیپ:‏ ‏«‏بو مِنینگ عزیز اُغلومدیر، مِن اُندان کَن راضیدیرین.‏ اُنگا قولاق آسینگ»‏ دییدی.‏

مَتّیٰ 27:54

عیسی قاراوول‍لیق اِدیپ دوران اَفسَر بیلِن یانینداقی سِربازلار یِر تیترِمَنی، بُلان بِیلِکی زاتلاری گُرِنلِرینده، قُرقا دوشوپ:‏ ‏«‏دُغرودان-دا، بو خودایینگ اُغلی میشدیق!‏»‏ دییدیلِر.‏

مَتّیٰ 3:17

شُندا آسماندان گِلِن بیر سِس:‏ ‏«‏بو مِنینگ عزیز اُغلومدیر.‏ مِن اُندان کَن راضیدیرین»‏ دییدی.‏

لوقا 1:35

پِریشده اُنگا:‏ ‏«‏مُقادِّس روح سِنینگ اوستونگه اینِر، بِییک خودایینگ قودراتی سِنینگ اوستونگه کُلِگه سالار.‏ شُنونگ اوچین هِم دُغجاق چاغا مُقادِّس ساییلانار، اُنگا خودایینگ اُغلی دییلِر.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 1:49

ناتاناییل اُنگا:‏ ‏«‏اُستاد، سِن خودایینگ اُغلوسینگ!‏ سِن اسرائیل‌ینگ پادیشاهسیسینگ!‏»‏ دییدی.‏

یوحنا 10:36

اُندا نَمه مِنی خودایینگ اُغلی دییِنیم اوچین کُفر آیدیان حاساپلایارسینگیز؟ مِنی بُلسا آتام اُزی اوچین سایلاپ-سِچیپ، دونیَه ایبِردی.‏

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

یوحنا 3:18

اُنگا ایمان گِتیرِن مَحکوم بُلماز.‏ اِمّا ایمان گِتیرمِدیگه شو واقت مَحکوم اِدیلِندیر، سِبَبی اُل خودایینگ یِکِجه اُغلونا ایمان گِتیرمِدی.‏

یوحنا 5:25

مِن سیزه دُغروسینی آیدیارین، خودایینگ اُغلونینگ سِسینی اُلولِرینگ-ده، اِشیتجِک واقتی گِلِر، بو واقت ایندی گِلدی.‏ اُنونگ سِسینی اِشیدِنلِر یاشار.‏

رِسول‍لار 16:14

بیزی دینگلَپ اُتورانلارینگ آراسیندا لیدییه آدلی بیر سُوداگَر آیال هِم باردی.‏ اُل تیاتیرا شَهریندِن بُلوپ، ارغوان پارچالار ساتیاردی.‏ بو آیال خودایا عیبادات اِدیَردی.‏ پولسینگ سُزلِرینه قولاق آسماق اوچین، خودای اُنونگ یورِگینی آچدی.‏

رِسول‍لار 8:36

اُلار یُلدا باریارقا، بیر سولی یِرینگ اوستوندِن گِلدیلِر.‏ آغتا آدام:‏ ‏«‏اینه، بو یِرده سو بار.‏ مِنینگ تَعمید آلماغیما نَمه قینچیلیق بار؟»‏ دییدی.‏ ‏[‏

رومیلار 1:4

خودای تانگریمیز عیسی مسیحی اُلومدِن دیرِلدیپ، اُنی مُقادِّس روحدان دُلدوردی و شِیدیپ، اُنونگ خودایینگ قودراتلی اُغلودیغی تاصدیقلاندی.‏

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

آیانلیق 1:11

اُل سِس:‏ ‏«‏گُریَنلِرینگی طوماردا یاز و اُنی یِدی کِلیسایا:‏ اِفِسُسا، اِزمیره، پِرغاموسا، تیاتیرا، ساردِسه، فیلادِلفیه و لائودیکیه ایبِر»‏ دییدی.‏

آیانلیق 2:1

‏«‏اِفِسُسداقی کِلیسانینگ پِریشده‌سینه شونی یاز:‏ ‏«‏یِدی ییلدیزی ساغ اِلینده ساقلایان، یِدی قیزیلدان چیراغدانینگ آراسیندا گِزیَن شِیله دییَّر:‏

آیانلیق 2:24

اِمّا سیزه، یَعنی تیاتیراداقی ایزابِلینگ بو تَعلیماتینگ ایزینا دوشمِدیکلِرینگ و ‏”‏شِیطانینگ سیرلاری“‏ دییّلیَنلِری بیلمِیَنلِرینگ بارینا شونی آیدیارین:‏ اِگِر ایمانینگیزی مِن گِلیَنچَم ساقلاسانگیز، سیزینگ اوستونگیزه باشغا زات یوکلِمِرین.‏