آیانلیق 2:13 - مُقادِّس کیتاب

¹³ سِنینگ نیرِده یاشایانینگی بیلیَرین، شِیطانینگ تاختی هِم شُل یِردِدیر.‏ اِمّا مونگا باقمازدان، سِن مانگا وِفادار بُلوپ قالانسینگ.‏ سِن حتّیٰ اُز شَهرینگده، هاووا، شِیطانینگ یاشایان شَهرینده اِمین شاهاتیم آنتیپاسینگ اُلدوریلِن گونلِرینده-ده مانگا بُلان ایمانینگدان دَنِن دَلسینگ.‏

آیانلیق 2:13 Iomraidhean Croise

مَتّیٰ 10:23

سیزی بیر شَهرده اِذیِت بِرسِلِر، بِیلِکیسینه قاچینگ.‏ سیزه دُغروسینی آیدیارین، اینسان اُغلی گِلیَنچَه، سیز اسرائیل‌ینگ هِمّه شَهرلِرینه آیلانیپ چیقیپ بیلمِرسینگیز.‏

مَتّیٰ 24:9

‏«‏سُنگرا سیزی آزار بِرمِکلِره سِزاوار اِدِرلِر، اُلدورِرلِر، مِنینگ آدیم سِبَپلی هِمّه میلِّتلِر سیزدِن ییگرِنِرلِر.‏

مَتّیٰ 4:10

عیسی اُنگا:‏ ‏«‏یُق بُل، شِیطان!‏ ‏”‏تانگری خودایینگیزا سِجده اِدینگ، یِکه اُنگا خیدمات اِدینگ“‏ دییّپ یازیلاندیر»‏ دییدی.‏

لوقا 21:17

مِنینگ آدیم سِبَپلی هِمّه‌لِر سیزی ییگرِنِر.‏

رِسول‍لار 22:20

سِنینگ شاهادینگ اِستیفان اُلدوریلِنده، مِن هِم شُل یِردِدیم.‏ بو ایشی دُغری بیلدیم و اُنی اُلدورِنلِرینگ لِباسلارینی ساقلادیم“‏ دییدیم.‏

رِسول‍لار 9:14

سِنینگ آدینگی آغزان هِر بیر آدامی زیندان اِتمَگه اُنونگ بو یِرده-ده یُلباشچی کاهینلاردان ایختییار نامه‌سی بار.‏»‏

۱ تِسالونیکیلِر 5:21

هِر زادی ایمتِحان اِدیپ گُرونگ.‏ قاوی زادی قاییم ساقلانگ.‏

۱ تیموتاوس 5:8

هِر کیم اُز دُغان-قارینداشلارینینگ، خاص-دا اُز ماشغالاسینینگ فیکرینی اِتمِیَن بُلسا، ایماندان دَندیگیدیر.‏ شِیله آدام ایمانسیزدان هِم بِتِردیر.‏

۲ تیموتاوس 1:13

سانگا اُورِدِن دُغری تَعلیماتیمی نِمونه حُکمونده قاییم توتوپ، عیسی مسیحینگ بِریَن ایمانینا و سُیگوسینَه قاتی یاپیش.‏

۲ تیموتاوس 2:12

زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

عِبرانیلار 10:23

ایندی ایقرار اِدِن اومیدیمیزی شِکلِنمَن قاییم ساقلایلینگ، چونکی واعدا بِرِن خودای اِمیندیر.‏

عِبرانیلار 3:6

اِمّا عیسی مسیح خودایینگ اُیونه اُغول حُکمونده اِمیندیر.‏ اِگِر قایراتیمیزی و قووانیان اومیدیمیزی ساقلاماغی باشارساق، بیز خودایینگ اُیودیریس.‏

یعقوب 2:7

سیزینگ دِگیشلی بُلان خودایینگیزینگ بِییک آدینا دیل یِتیریَنلِر هِم بایلار دَلمی نَمه؟

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 11:3

‏«‏مِن ایکی شاهادیمی ایبِرِرین.‏ اُلار هِم پالاس گِینیپ، بیر مونگ ایکی یوز آلتمیش گونلَپ نبوّت اِدِرلِر.‏»‏

آیانلیق 12:11

اُلار قوزینینگ قانینینگ اوستو بیلِن و اُز شاهاتلیقلارینینگ اوستو بیلِن شِیطانی یِنگدیلِر.‏ حتّیٰ اُلوم قُرقوسی اوستلِرینه قُرقی سالسا-دا، جانلارینی قایغیرمادیلار.‏

آیانلیق 13:2

گُرِن جاناواریم پَلَنگه مِنگزِیَردی.‏ اِمّا آیاقلاری خِرسینگ آیاقلاری یالی و آغزی بُلسا آرسلانینگ آغزی یالیدی.‏ اژدها بو جاناوارا اُز گویجونی، تاختینی و اولی ایختییارینی بِردی.‏

آیانلیق 14:12

شُنگا گُرَه-ده، خودایینگ حُکوملِرینی بِرجای اِدیپ، عیسی مسیحه وِفادار بُلوپ قالیانلار صابیرلی بُلمالیدیر.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

آیانلیق 17:6

اُنسُنگ آیال خودایینگ خالقینینگ و عیسانینگ شاهاتلارینینگ قانینی ایچیپ، سِرخُش بُلانینی گُردوم.‏ مونی گُروپ، قاتی حایران قالدیم.‏

آیانلیق 2:2

مِن سِنینگ هِمّه اِدِنلِرینگی، شُل حاساپدا زَحمِت چِکِندیگینگی و قایراتلیدیغینگی بیلیَرین.‏ سِنینگ یامان آداملاری ییگرِنیَندیگینگی هِم بیلیَرین.‏ سِن اُزلِرینی رِسول دییَنلِری ایمتِحان اِدیپ، اُلارینگ یالان رِسولدیقلارینی اَشکَر اِتدینگ.‏

آیانلیق 3:11

‏«‏مِن باسیم بارارین.‏ تاجینگی هیچ کیم آلماز یالی، ایمانینگی قاییم ساقلا.‏

آیانلیق 3:3

اِشیدِنلِرینگی و اُورِنِنلِرینگی یادا سال، اُلاری بِرجای اِت-ده توبا گِل.‏ اُیانماسانگ، بیر اُغری یالی بارارین.‏ مِنینگ هایسی ساغاتدا اوستونگه بارجاغیمی-دا بیلمَن قالارسینگ.‏