آیانلیق 15:4 - مُقادِّس کیتاب

⁴ اِی خودای، سِندِن قُرقماجاق و آدینی بِییکلِندیرمِجِک بارمی نَمه؟ چونکی مُقادِّس یِکِجه سِنسینگ!‏ هِمّه میلِّتلِر حوضورینگا گِلِرلِر و سانگا عیبادات اِدِرلِر.‏ چونکی عادالاتلی ایشلِرینگ آیان بُلدی.‏»‏

آیانلیق 15:4 Iomraidhean Croise

رومیلار 15:9

هاووا، عیسی مسیح مونی یَهودی دَل میلِّتلِرینگ هِم خودایی اُنونگ مِرحِمِتی اوچین بِییکلِندیرسینلِر دییّپ اِتدی.‏ چونکی مُقادِّس یازغیلاردا شِیله یازیلاندیر:‏ ‏«‏مونونگ اوچین میلِّتلِر آراسیندا سانگا اُوگی آیدارین و سِنینگ آدینگا آیدیم آیدارین.‏»‏

۱ پِطرُس 1:16

سِبَبی:‏ ‏«‏مُقادِّس بُلونگ، چونکی مِن مُقادِّسدیرین»‏ دییلیپ یازیلاندیر.‏

آیانلیق 11:15

یِدینجی پِریشده سورنایینی چالدی.‏ آسماندان:‏ ‏«‏دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی.‏ خودای اِبِدیلیک پادیشاهلیق اِتجِکدیر»‏، دییّپ قیغیریان قاتی سِسلِر اِشیدیلدی.‏

آیانلیق 14:7

اُل قاتی سِس بیلِن شِیله دییَّردی:‏ ‏«‏خودایدان قُرقونگ!‏ اُنی بِیگِلدینگ!‏ چونکی اُنونگ قاضیلیق اِتجِک ساغادی گِلدی!‏ یِری، آسمانی، دِریا و چِشمه‌لِرینی یارادانا سِجده اِدینگ!‏»‏

آیانلیق 16:5

مِن سولارا ایختییاری بار پِریشدَه‌نینگ شِیله دییِنینی اِشیتدیم:‏ ‏«‏اِی حَضیر بار و گِچمیشده بُلان مُقادِّس خودای!‏ سِن شو حُکومی چیقارماق بیلِن عادالاتلیدیغینگی آیان اِتدینگ.‏

آیانلیق 16:7

مِن قربانلیق جاییندان بیر سِسینگ:‏ ‏«‏هاووا، اِی تانگری، قودراتلی-گویچلی خودای، سِنینگ حُکوملِرینگ حاق و عادیلدیر»‏ دییّپ جُغاپ بِرِنینی اِشیتدیم.‏

آیانلیق 19:2

چونکی اُنونگ قاضیلیغی دُغری و عادیلدیر:‏ زیناسی بیلِن دونیَه‌نی آزدیران اولی فاحیشه‌نی اُل مَحکوم اِتدی و خیدماتکَرلِرینی اُلدورِن فاحیشه‌دِن اُلارینگ اِنتِقامینی آلدی.‏»‏

آیانلیق 19:8

اُنگا گِیینمَگه نِفیس و ییلدیراپ دوران پَک کِتِندِن لِباس بِریلدی.‏»‏ بو لِباس خودایینگ خالقینینگ تاقوالی ایشلِریدیر.‏

آیانلیق 3:7

‏«‏فیلادِلفیه‌دَکی کِلیسانینگ پِریشده‌سینه شونی یاز:‏ ‏«‏بو خابار مُقادِّس و حاقیقی بُلانداندیر.‏ اُل داوود پیغامبار آچارینینگ اِیه‌سیدیر.‏ اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز.‏ اینه، اُل شِیله دییَّر:‏

آیانلیق 4:8

بو دُرت جانلی جاندارلارینگ هِر بیرینینگ آلتی قاناتی باردی.‏ اُلارینگ هِمّه یِری، حتّیٰ قاناتلارینینگ آشاغی-دا گُزلِردِن دُس-دُلودی.‏ اُلار گیجه-گوندیز ایزینی اوزمَن:‏ ‏«‏قودراتلی-گویچلی تانگری خودای مُقادِّس، مُقادِّس، مُقادِّسدیر، اُل اُزال باردی و حَضیر هِم بار و گِلِجِکده هِم بُلجاقدیر»‏، دییّپ قایتالایارلار.‏

آیانلیق 6:10

اُلار قاتی سِس بیلِن قیغیریپ:‏ ‏«‏اِی مُقادِّس و حاقیقی خودای!‏ سِن یِر یوزونینگ یاشایانلارینی هاچان حُکوم اِدیپ، بیزینگ قانیمیز اوچین اُلاردان اِنتِقام آلجاق؟»‏ دییّپ سُرادیلار.‏