آیانلیق 14:4 - مُقادِّس کیتاب

⁴ بولار عُمورلِرینده آیالا یاناشمان، اُز پَکلیگینی ساقلایاردی.‏ بولار قوزی نیرَه گیتسه، اُنونگ ایزینا دوشیَنلِردی.‏ بولار اینسانلارینگ آراسیندان ساتین آلینیپ و اَوَّلکی حاصیل حُکمونده خودایا و قوزا باغیش اِدیلِنلِردی.‏

آیانلیق 14:4 Iomraidhean Croise

مَتّیٰ 19:12

کَبیر آداملار عُمور بُیی آغتادیرلار، کَبیرلِری بُلسا آداملار طارافیندان آغتا اِدیلِندیر.‏ باشغا بیرلِری بُلسا، آسمانینگ پادیشاهلیغینینگ خاطیراسینا هیچ کیم بیلِن بیرلِشمِیَر.‏ مونی قابول اِدیپ بیلِن قابول اِتسین»‏ دییدی.‏

مَتّیٰ 25:1

‏«‏شُل واقت آسمانینگ پادیشاهلیغی اُن قیزینگ چیراغلارینی آلیپ، دامادی قارشیلاماغا چیقیشلاری باراداقی واقا مِنگزِیَندیر.‏

مَتّیٰ 8:19

شُندا دین عُلَمالارینگ بیری گِلیپ:‏ ‏«‏اُستاد، سِن نیرَه گیتسِنگ، مِن هِم سِنینگ ایزینگا دوشجِک»‏ دییدی.‏

یوحنا 10:27

مِنینگ قُیونلاریم سِسیمه قولاق آسیار، مِن هِم اُلاری تانییارین، اُلار مِنینگ ایزیما دوشیَرلِر.‏

یوحنا 12:26

کیم مانگا خیدمات اِتمِک ایسلِیَن بُلسا، ایزیما دوشسین.‏ مِن نیرِده بُلسام، مِنینگ خیدماتکَریم-ده شُل یِرده بُلار.‏ مانگا خیدمات اِدِن آدامی آتام حُرماتلار.‏

یوحنا 13:37

پِطرُس اُنگا:‏ ‏«‏آقام، نَمه اوچین مِن سِنینگ بیلِن حَضیر گیدیپ بیلمِرین؟ مِن سِنینگ اوچین جانیمی فِدا اِتمَگه-ده تاییار»‏ دییدی.‏

یوحنا 8:12

عیسی یِنه-ده خالقا یوزلِنیپ:‏ ‏«‏دونیَه‌نینگ نوری مِندیرین.‏ مِنینگ ایزیما دوشِن قارانگقیلیقدا گِزمِز، اُندا یاشاییش نوری بُلار»‏ دییدی.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

۱ قُرِنتُس‌لار 16:15

اِی عزیزلِر، سیز اِستیفانینگ اُی-ایچِرسینی تانییارسینگیز.‏ اُلارینگ آخائیه‌ده اَوَّلکی بُلوپ عیسی مسیحه ایمان گِتیرِندیکلِرینی و ایماندارلارا جان-تِندِن خیدمات اِدیَندیکلِرینی هِم بیلیَنسینگیز.‏ شُنگا گُرَه-ده، سیزدِن شونی خاییش اِتمِکچی:‏

۱ قُرِنتُس‌لار 6:20

چونکی سیز باهالی ساتین آلنانسینگیز.‏ شُنگا گُرَه-ده، اُز بِدِنینگیز بیلِن خودایی بِییکلِندیرینگ.‏

۱ قُرِنتُس‌لار 7:28

یُنه اُیلِنسِنگ-ده، بو گونَه دَلدیر.‏ گِلین بُلمادیق قیز هِم دورموشا چیقسا گونَه دَلدیر.‏ اِمّا دورموش قورانلار بو دورموشدا کَن قینچیلیقلارا دوچار بُلارلار.‏ مِن سیزی شُلاردان قُریماق ایسلِیَرین.‏

۲ قُرِنتُس‌لار 11:2

مِن سیزی خودایینگ ایخلاصیلیغی بیلِن ایخلاص اِدیَندیرین.‏ سِبَبی مِن سیزی پَک قیز حُکمونده مسیحه هُدورلِمِک اوچین دینگه بیر اَرَه نییِتلِدیم.‏

اِفِسُسلار 1:14

خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر.‏ بولارینگ باری خودایا جِلال گِتیریَر.‏

اِفِسُسلار 5:27

اُل مونی اُز حوضورینا کیرلی، ییغریق یا-دا کِم دَل-ده، بِییکلیکدَه مُقادِّس هِم عایپسیز بیر یاغتی کِلیسانی گِتیرمِک اوچین اِتدی.‏

۱ تیموتاوس 4:3

اُلار اُیلِنمِگی، دورموشا چیقماغی قاداغان اِدیَرلِر.‏ خودایینگ یارادان نَز-نیغماتلارینینگ کَبیرینی اییمِزلیگی تابشیریارلار.‏ یُنه خودای بو نَز-نیغماتلاری حاقیقاتی بیلیَن ایماندارلارینگ شوکور بیلِن اییمِکلِری اوچین یاراتدی آخیرین.‏

عِبرانیلار 12:23

خودایینگ ایلکینجی فِرزِنتلِرینینگ جِماغاتینا قُلایلاشدینگیز، اُلارینگ آدلاری آسماندا یازیلاندیر.‏ هِمّه‌سینینگ قاضیسی بُلان و تاقوالی آداملارینگ روحلارینی کَمیلّیگه یِتیرِن خودایینگ حوضورینا گِلدینگیز.‏

یعقوب 1:18

یارادانلارینینگ آراسیندا اُنونگ بیرینجی میوه‌سی بُلماغیمیز اوچین، خودای حاقیقات سُزونینگ اوستو بیلِن بیزه تَزه یاشاییش بِرمِگی قارار اِتدی.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

آیانلیق 21:22

مِن بو شَهرده عیباداتخانا گُرمِدیم.‏ چونکی قودراتلی-گویچلی خودای و قوزی شَهرینگ عیباداتخاناسیدیر.‏

آیانلیق 21:23

شَهری یاغتیلاندیرماق اوچین گون یا-دا آی گِرِک دَل.‏ چونکی شَهری خودایینگ بِییکلیگی یاغتیلاندیریار و قوزی هِم اُنونگ چیراغیدیر.‏

آیانلیق 3:4

یُنه ساردِسده اُز لِباسینی کیرلِتمِدیک بیرنَچه آدام بار.‏ اُلار مِنینگ بیلِن آق لِباسلارا گِینیپ گِزِرلِر، سِبَبی مونگا میناسیپدیرلار.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏