آیانلیق 1:5 - مُقادِّس کیتاب

^5-6 اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 1:5 Iomraidhean Croise

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

مَتّیٰ 28:18

عیسی هِم اُلارینگ یانینا گِلیپ:‏ ‏«‏آسماندا و یِرده هِمّه ایختییارلیق مانگا بِریلدی.‏

یوحنا 13:1

پِسَح بایرامی یاقینلادی.‏ عیسی بو دونیَه‌دِن آیریلیپ، آتاسینینگ یانینا گیتمِلی ساغادینینگ گِلِندیگینی بیلیَردی.‏ عیسی بو دونیَه‌ده اُزونینگکیلِری هِمیشه سُیدی، اُلاری آخیرقی گونه چِنلی سُیدی.‏

یوحنا 13:34

سیزه بیر تَزه حُکوم بِریَرین:‏ بیری-بیرینگیزی سُیونگ.‏ مِنینگ سیزی سُیشوم یالی، سیز-ده بیری-بیرینگیزی سُیونگ.‏

یوحنا 15:9

آتامینگ مِنی سُیشی یالی، مِن-ده سیزی سُیدوم.‏ مِنینگ سُیگیمده قالینگ.‏

یوحنا 18:37

پیلاتُس اُنگا:‏ ‏«‏دییمِک، سِن پادیشاه-دا؟»‏ دییدی.‏ عیسی اُنگا:‏ ‏«‏پادیشاهدیغیمی اُزونگ آیدیپ دورسونگ.‏ مِن حاقیقاتا شاهاتلیق اِتمِک اوچین دُغدیم، شُنونگ اوچین هِم دونیَه گِلدیم.‏ حاقیقاتینگ طارافداری بُلان هِر بیر آدام مانگا قولاق آسار»‏ دییّپ جُغاپ بِردی.‏

یوحنا 3:11

سانگا دُغروسینی آیدیارین، بیز بیلِنیمیزی آیدیاریس، گُرِنیمیزه شاهاتلیق اِدیَریس، اِمّا سیز بیزینگ شاهاتلیغیمیزی قابول اِتمِیَرسینگیز.‏

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

یوحنا 3:32

اُل گُرِنینه، اِشیدِنینه شاهاتلیق اِدیَر، یُنه اُنونگ شاهاتلیغینی هیچ کیم قابول اِتمِیَر.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

رِسول‍لار 26:23

اُلار هِم مسیحینگ قینچیلیق گُرمِلیدیگینی، اَوَّلکی بُلوپ اُلومدِن دیرِلیپ، اُز خالقینا و باشغا میلِّتلِره خودایینگ نورینی اِعلان اِتمِلیدیگینی آیان اِدیپدیلِر.‏»‏

رومیلار 3:25

خودای اُز عادالاتینی گُرکِزمِک اوچین عیسی مسیحی قربانی حُکمونده ایبِریپ، اُنونگ دُکولِن قانینینگ اوستو بیلِن ایمان گِتیریَنلِری اُزی بیلِن یاراشدیردی.‏ خودای اُزالقی زاماندا اِدیلِن گونَه‌لِردِن گِچدی.‏ ایندی بُلسا عیسی مسیحه ایمان گِتیریَن هِر کِسی آقلایار.‏ و شِیدیپ، اُل اُزونینگ عادالاتلیدیغینی تاصدیق اِدیَر.‏

رومیلار 8:37

یُنه بیز اُزومیزی سُییَنینگ اوستو بیلِن بو قینچیلیقلارینگ بارینی یِنگیَریس.‏

۱ قُرِنتُس‌لار 6:11

سیزینگ-ده کَبیرلِرینگیز اُزال شُلار یالیدینگیز.‏ یُنه سیز تانگریمیز عیسی مسیحینگ آدی بیلِن و خوداییمیزینگ روحونینگ اوستو بیلِن یووولدینگیز و خودایینگ تاقوالی خالقی بُلوپ، پَکلِندینگیز.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

اِفِسُسلار 2:4

اِمّا گونَه‌لِریمیز سِبَپلی اُلی هِم بُلساق، رِحمدارلیغا بای خودای اُزونینگ اولی سُیگوسینی گُرکِزیپ، بیزی مسیح بیلِن بیلِلیکده دیرِلتدی.‏ سیز خودایینگ مِرحِمِتی بیلِن نِجات تاپدینگیز.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

کولُسیلِر 1:18

بِدِنینگ، یَعنی کِلیسانینگ باشی اُلدور.‏ هِمّه زاتدا یُقارقی جای آلسین دییّپ، باشلانان دُوری-ده، اَوَّلکی بُلوپ اُلومدِن دیرِلِن-ده اُلدور.‏

۱ تیموتاوس 6:13

هِمّه زادا یاشاییش بِریَن خودایینگ حوضوریندا و حاکیم پُنتیوس پیلاتُسینگ اُوونده دینگه قاوی ایقرار اِدِن عیسی مسیحینگ حوضوریندا سانگا شولاری تابشیریارین:‏

۱ تیموتاوس 6:15

خودای پَک و یِکه حُکومداردیر، اُل پادیشاهلارینگ پادیشاهسی، خودایلارینگ خودایسی، اُلمِزلیگینگ یِکه اِیه‌سیدیر.‏ اُل اینسانینگ گُزی یِتمییَن نوردا یاشایار، اُنی هیچ بیر اینسان گُرمِدی، گُروپ-ده بیلمِز.‏ اُل عیسی مسیحی اُز بِلَّن واقتیندا ایبِرِر.‏ حُرمات و قودرات باقی اُنونگقی بُلسون!‏ اَمین.‏

عِبرانیلار 10:29

شِیله بُلسا، خودایینگ اُغلونی آیاق آشاغینا سالانا اُندان-دا آغیر جِزانینگ قاراشیاندیغینی گُز اُوونه گِتیریپ گُرونگ!‏ مسیحینگ عَهد قانی بیلِن پَکلِنیپ، سُنگرا مونی نِجیس حاساپلایانینگ و مِرحِمِت روحونی بیحُرمات اِدیَنینگ حالی نَهیلی بُلار؟

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

۱ پِطرُس 1:19

تِرسینه، خودایینگ عایپسیز هِم پَک قربانلیق قوزوسی بُلان مسیحینگ قیماتلی قانینینگ اوستو بیلِن نِجات تاپاندیرسینگیز.‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

آیانلیق 11:15

یِدینجی پِریشده سورنایینی چالدی.‏ آسماندان:‏ ‏«‏دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی.‏ خودای اِبِدیلیک پادیشاهلیق اِتجِکدیر»‏، دییّپ قیغیریان قاتی سِسلِر اِشیدیلدی.‏

آیانلیق 11:3

‏«‏مِن ایکی شاهادیمی ایبِرِرین.‏ اُلار هِم پالاس گِینیپ، بیر مونگ ایکی یوز آلتمیش گونلَپ نبوّت اِدِرلِر.‏»‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

آیانلیق 19:11

سُنگرا مِن آچیلان آسمانی و اُل یِرده دوران بیر آق آتی گُردوم.‏ آتا مینیپ اُتوران اِمین و حاقلی دییّپ آدلاندیریلیاردی.‏ اُل عادیل حُکوم چیقاریاندیر و عادالاتلی جِنگ اِدیَندیر.‏

آیانلیق 19:16

اُنونگ دُنوندا و بودوندا ‏«‏پادیشاهلارینگ پادیشاهسی و تانگریلارینگ تانگریسی»‏ دییِن آد یازیلاندیر.‏

آیانلیق 2:13

سِنینگ نیرِده یاشایانینگی بیلیَرین، شِیطانینگ تاختی هِم شُل یِردِدیر.‏ اِمّا مونگا باقمازدان، سِن مانگا وِفادار بُلوپ قالانسینگ.‏ سِن حتّیٰ اُز شَهرینگده، هاووا، شِیطانینگ یاشایان شَهرینده اِمین شاهاتیم آنتیپاسینگ اُلدوریلِن گونلِرینده-ده مانگا بُلان ایمانینگدان دَنِن دَلسینگ.‏

آیانلیق 3:14

‏«‏لائودیکیه‌دَکی کِلیسانینگ پِریشده‌سینه شونی یاز:‏ ‏«‏اِمین و حاقیقی شاهات، خودایینگ یارادانلارینینگ باشی، اَمین دییّپ آدلاندیریلیان شِیله دییَّر:‏

آیانلیق 7:14

مِن:‏ ‏«‏اِی آقام، مونی سِن بیلیَنسینگ!‏»‏ دییّپ جُغاپ بِردیم.‏ یاشولی:‏ ‏«‏بولار شُل اولی عاذابی باشدان گِچیرِنلِر.‏ اُلار اُز لِباسلارینی قوزینینگ قانی بیلِن یوووپ، اُلاری دیم-آق اِتدیلِر.‏