فیلیپیلِر 4:8 - مُقادِّس کیتاب

⁸ نِتیجه‌ده، اِی عزیزلِر، حاقیقی، حُرماتا میناسیپ، دُغری، پَک، قاوی گُرونیَن و تعریفلانیان نَمه بار بُلسا، شُل بارادا فیکرلِنینگ.‏ هاووا، یاخشی و اُومِگه میناسیپ زاتلار بارادا فیکرلِنینگ.‏

فیلیپیلِر 4:8 Iomraidhean Croise

مَتّیٰ 22:16

هیرودیسینگ طارافدارلارینینگ بیرنَچه‌سینی اُنونگ یانینا ایبِردیلِر.‏ اُلار عیسادان:‏ ‏«‏اُستاد!‏ بیز سِنینگ دُغرودیغینگی، خودایینگ یُلونی حاقیقات بیلِن اُورِدیَندیگینگی، هیچ کیمه طارافدارلیق اِتمِیَندیگینگی بیلیَریس، سِبَبی سِن آداملارینگ دِرِجه‌سینه باقمایارسینگ.‏

مَرقُس 6:20

سِبَبی هیرودیس یحیانینگ دُغری هِم مُقادِّس آدامدیغینی بیلیپ، اُندان قُرقاردی و اُنی قُریدی.‏ اُنی دینگلِدیگیچه، پِریشان بُلیاردی، اِمّا شُندا-دا هُوِس بیلِن دینگلَردی.‏

لوقا 16:15

عیسی اُلارا شِیله دییدی:‏ ‏«‏سیز اُزونگیزی آداملارینگ یانیندا آقلایارسینگیز، اِمّا خودای یورِگینگیزی بیلیَندیر.‏ آداملارینگ آراسیندا یُقاری ساییلیان زات خودایینگ یانیندا ییگرِنجیدیر.‏

لوقا 2:25

شُل واقت اورشلیمده شمعون آدلی بیر دُغری و تاقوالی آدام یاشایاردی.‏ اُل اسرائیل خالقینینگ آزاد اِدیلمِگینه قاراشیاردی، مُقادِّس روح اُنونگ اوستوندِدی.‏

لوقا 23:50

مِجلِس آداملاریندان یوسف آدلی بیر آدام باردی.‏ اُل قاوی هِم دُغری آدامدی.‏

یوحنا 7:18

کیم اُزوندِن آیدیان بُلسا، اُزونی بِییک توتیاندیر.‏ کیم اُزونی ایبِرِنه بِییک توتیان بُلسا، حاقیقاتی آیدیاندیر، اُندا ناحاقلیق یُقدور.‏

رِسول‍لار 10:22

اُلار:‏ ‏«‏بیزی اَفسَر کُرنیلیوس ایبِردی.‏ اُل دُغری و خودایا عیبادات اِدیَن آدام، یَهودی خالقینینگ آراسیندا هِم اُنونگ آبرایی اولودیر.‏ خودایینگ بیر پِریشده‌سی اُنگا:‏ ‏”‏پِطرُسی اُیونگه چاغیریپ، اُنونگ آیتجاق سُزلِرینی دینگله“‏ دییّپ آیتدی»‏ دییدیلِر.‏

رِسول‍لار 22:12

‏«‏اُل یِرده حَنانیا آدلی دیندار و هِم شِریغاتا باغلی بیر آدام یاشایاردی.‏ دمشق‌دَکی هِمّه یَهودیلِرینگ آراسیندا اولی حُرماتی باردی.‏

رِسول‍لار 6:3

اِی عزیزلِر، اُز آرانگیزدان یِدی آدامی سایلانگ.‏ اُلار مُقادِّس روحدان و حِکمِتدِن دُلی، آدلی-آبرایلی آداملار بُلسونلار.‏ بو خیدماتی شُلارا تابشیرالینگ.‏

رومیلار 13:13

عایش-عِشرِت، سِرخُشلوق، زیناکَرلیک، آخلاقسیزلیق، باخیلچیلیق و داعوا-جِنجِل اِتمَن، گِلینگ گوندیزدَکیلِر یالی میناسیپ یُلدا اِدِبلی یاشایلینگ.‏

رومیلار 13:3

یاخشی ایش اِدیَنلِر دُولِت یُلباشچیلاریندان قُرقمایارلار.‏ اُلاردان یامان ایش اِدیَنلِر قُرقیاندیرلار.‏ دُولِتدِن قُرقمان یاشاسینگ گِلیَرمی؟ یاخشی ایشلِری اِت، شُندا دُولِت سِنی تعریفلار.‏

رومیلار 14:18

کیم عیسی مسیحه شِیله خیدمات اِدیَن بُلسا، خودایی خُشنود اِدیپ، آداملارینگ طارافیندان هِم قابول اِدیلِر.‏

رومیلار 2:29

یُق، یورِکدِن یَهودی بُلان آدام حاقیقی یَهودیدیر.‏ شِریغاتا گُرَه دَل-ده، مُقادِّس روحا گُرَه یورِکدِن بُلان سونِّت حاقیقی سونِّتدیر.‏ حاقیقی یَهودینینگ اُوگوسی آداملاردان دَل-ده، خودایداندیر.‏

۱ قُرِنتُس‌لار 4:5

شُنگا گُرَه-ده، بِلّی بُلان واقت یِتیَنچَه، هیچ کیمینگ اوستوندِن حُکوم چیقارمانگ.‏ مسیح گِلیَنچَه قاراشینگ.‏ اُل قارانگقیلیقداقی گوزگین زاتلاری یاغتیلیغا چیقارار، آداملارینگ یورِگیندَکی نییِتلِرینی آیان اِدِر.‏ شُندا هِر کِس خودایدان اُز اِدِنینه لاییق اُوگوسینی آلار.‏

۲ قُرِنتُس‌لار 13:7

بیز سیزینگ یامان ایشلِری اِتمِزلیگینگیز اوچین خودایا دُغالار اِدیَریس.‏ شِیتمِک بیلِن، بیز اُزومیزی ایمتِحاندان گِچِن حُکمونده گُرکِزمِک ایسلَمزُق.‏ تِرسینه، بیز ایمتِحاندان گِچمِدیک بُلوپ گُرونمِگیمیزده-ده، سیز یاخشی ایشلِری اِتسِنگیز، شُل بُلیاندیر.‏

۲ قُرِنتُس‌لار 6:8

آداملار بیزه حُرماتغُیسالار-دا و کیچِلتسِلِر-ده، تُهمِت اورسالار-دا، اُوسِلِر-ده – بیز هِر حالدا خودایا خیدمات اِدیَریس.‏ اُلار بیزی یالانچی حاساپلایارلار، اِمّا بیز حاقیقاتی آیدیاریس.‏

۲ قُرِنتُس‌لار 8:18

تیتوسینگ یانی بیلِن ایماندار دُغانیمیزی هِم ایبِریَریس.‏ اُنونگ خوش خاباری یایراتماقداقی خیدماتی اوچین، اُنی هِمّه کِلیسالار سیلایاندیر.‏

۲ قُرِنتُس‌لار 8:21

سِبَبی بیز دینگه خودایینگ ناظاریندا دَل، شِیله بُلسا اینسانلارینگ ناظاریندا هِم دُغری ایشلِمَگه ایخلاص بیلِن چالیشیاندیریس.‏

غَلاطیه‌لِر 5:22

اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

اِفِسُسلار 4:25

ایندی یالان آیتمانگ-دا، هِر بیرینگیز اُز هِمسایانگیزا حاقیقاتی آیدینگ.‏ چونکی بیزینگ هِمَّه‌میز بیر بِدِنینگ بُلوملِریدیریس.‏

اِفِسُسلار 5:9

دُغرودان هِم، نورینگ میوه‌سی هِر هیلی یاخشیلیقدان، تاقوالیقدان و حاقیقاتدان عیباراتدیر.‏

اِفِسُسلار 6:14

شِیلِلیکده، حاقیقاتی بیلینگیزه قوشاق اِدیپ داقینینگ، تاقوالیغی اِگنینگیزه زِره اِدیپ گِینینگ.‏

فیلیپیلِر 3:1

شونلوقدا، اِی عزیزلِریم، قُی، شاتلیغینگیزینگ باشلایان یِری مسیح بُلسون!‏ سیزه شیندی یازیانیمی نَچه گِزِک یازماق مانگا قین دَل.‏ بو سیزی قُریماق اوچیندیر:‏

کولُسیلِر 4:5

مسیحه ایمان گِتیرمِدیکلِر بیلِن هِم واقتینگیزی حِکمِتلی گِچیرینگ و فُرصَتی اِلدِن بِرمَنگ.‏

۱ تِسالونیکیلِر 4:12

شُندا مسیحه ایمان گِتیرمِیَنلِر سیزه حُرمات قُیارلار.‏ سیز هیچ کیمدِن هیچ زادا زار بُلمارسینگیز.‏

۱ تیموتاوس 2:2

راحات و کِپ-گورّونگسیز، تاقوالی و اِدِبلی یاشاپ بیلِر یالی، پادیشاهلار و ایختییارلیلارینگ هِمّه‌سی اوچین دُغا اِدینگ.‏

۱ تیموتاوس 3:11

شُنونگ یالی، کِلیسانینگ خیدماتچی آیال‍لاری هِم حُرماتلانیان، غیبات اِتمِیَن، تِرسینه، اُز نِفسینی ساقلایان و هِر زاتدا اِمین بُلمالیدیر.‏

۱ تیموتاوس 3:4

اُل اُز اُیونی قاوی دُلاندیرمالی، فِرزِنتلِرینینگ حُرماتینی قازانیپ، اُلارا اُز دییِنینی اِتدیرمِلیدیر.‏

۱ تیموتاوس 4:12

یاش ییگیت بُلانینگ اوچین سانگا هیچ کیم اَسگِرمِزلیک اِتمِسین.‏ سِن هِم سُزده، یاشاییشدا، سُیگوده، ایماندا و پَکلیکده ایمان گِتیرِنلِره نِمونه بُل.‏

۱ تیموتاوس 5:10

شِیله دول آیال ایل آراسیندا اُز یاخشی ایشلِری بیلِن تانیلمالی:‏ فِرزِنتلِرینی کِمالا گِتیرِن، میهمانسُیِر، ایمانداقی دُغانلارینا خیدمات اِدِن و قینچیلیق ایچیندَکیلِره یاردیم بِرِن و هِمیشه یاخشیلیق اِتمَگه تاییار بُلمالیدیر.‏

۱ تیموتاوس 5:2

قارّی آیال‍لارا اُز اِنه‌نگ یالی، یاش آیال‍لارا اُز آیال دُغانلارینگ یالی گُروپ، اُلارا پَک یورِکدِن ناصیحات بِر.‏

تیتوس 1:8

شِیله بُلسا میهمانسُیِر، یاخشیلیغی قاووریان، فَهیملی، عادالاتلی، تاقوالی و نِفسینه قاییم دوریان بُلمالیدیر.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

تیتوس 2:2

قارّی آداملارا میلاییم، حُرماتا میناسیپ، اُز نِفسینی ساقلایان بُلسونلار و ایمان، سُیگی و صابیر-طاقات باباتدا قاوی بُلماقلارینی ناصیحاتلا.‏

تیتوس 2:7

یاخشی ایشلِرینگ بیلِن اُلارا هِمّه زاتدا نِمونه بُل.‏ تَعلیماتی صاپ یورِکدِن اِدِبلیلیک بیلِن اُورِت،

تیتوس 3:14

ایماندارلار هِم نِتیجه‌سیز یاشاماز یالی، مَحتَجلِره یاردیم بِرمِگینگ اوستو بیلِن یاخشیلیق اِتمِگی عادات اِدینسینلِر.‏

عِبرانیلار 11:2

آتا-بابالاریمیز ایمانینگ اوستو بیلِن خودایی خُشنود اِتدیلِر.‏

عِبرانیلار 13:18

بیزینگ اوچین دُغا اِدینگ.‏ بیز وِجدانیمیزینگ آراسّادیغینا اینانیاریس و هِمّه طارافدان هِمیشه حُرماتا میناسیپ بُلوپ یاشاماق ایسلِیَریس.‏

یعقوب 1:27

آتامیز خودایینگ ناظاریندا پَک هِم عاییبسیز دیندارلیق یِتیملِرینگ و دول آیال‍لارینگ قین گونونده خابارینی آلماقدان عیباراتدیر و شِیله هِم بو دونیَه‌نینگ یامانلیغیندان اُزونگی داش ساقلاماقدیر.‏

یعقوب 3:17

اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر.‏ اُل مِرحِمِتدِن و خاییرلی عِمِل‍لِردِن دُلودیر.‏ شِیله حِکمِت طارافدارلیق و ایکی‌یوزلیلیک اِتمِیَر.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 2:12

ایمانسیزلارینگ آراسیندا قاوی و دُغری یاشانگ.‏ شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر.‏

۱ پِطرُس 4:8

هِمّه زاتدان مُهِم بیری-بیرینگیزی تویس یورِکدِن سُیونگ، سِبَبی سُیگی کَن گونَه‌لِرینگ اوستونی اُرتیَندیر.‏

۲ پِطرُس 3:1

اِی عزیزلِر، ایندی سیزه بو ایکینجی نامه‌نی یازیارین.‏ بو ایکی نامه‌دا-دا پَک فیکرلی بُلمالیدیغینگیزی یادلاتماق بیلِن دوشونجَنگیزی توروزیارین.‏

۱ یوحنا 3:18

عزیز بالالار، حاقیقی سُیگیمیزی یُنه بیر قوری کِپ بیلِن دَل-ده، دُغرولیق یوزونده و عِمِلده گُرکِزِیلینگ.‏

۱ یوحنا 3:3

اُنگا اومید باغلایان هِر بیر آدام مسیحینگ پَک بُلشی یالی، اُزونی پَک ساقلار.‏

۱ یوحنا 4:1

عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ.‏ اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ.‏ سِبَبی دونیَه‌ده اِنچِمه یالان نِبیلِر گُروندی.‏