فیلیپیلِر 3:9 - مُقادِّس کیتاب

⁹ مِن شِریغاتا دایانیان اُز تاقوالیغیما دَل، شِیله بُلسا مسیحه بُلان ایمانا دایانیان، ایمانینگ اوستو بیلِن خودایدان بُلان تاقوالیغا اِیه بُلاسیم گِلیَر.‏

فیلیپیلِر 3:9 Iomraidhean Croise

مَتّیٰ 9:13

یُنه سیز گیدینگ-ده ‏”‏مِن قربانلیق دَل-ده، رِحمدارلیق ایسلِیَرین“‏ دییِن سُزونگ مَعنیسینی اُورِنینگ، سِبَبی مِن دُغری آداملاری دَل-ده، گونَه‌کَرلِری توبا چاغیرماغا گِلدیم»‏ دییدی.‏

رومیلار 1:17

خوش خابار خودایینگ آداملاری نَدیپ تاقوالی حاساپلایاندیغینی آیان اِدیَر.‏ اُل ایمان گِتیریَنلِری، هاووا، دینگه ایمان گِتیریَنلِری آقلایار.‏ چونکی مُقادِّس یازغیلاردا:‏ ‏«‏تاقوالی آدام ایمان بیلِن یاشار»‏ دییّپ یازیلاندیر.‏

رومیلار 10:10

چونکی تویس یورِکدِن ایمان گِتیریَن آدام آقلانار و آغزی بیلِن ایقرار اِدیَن هِم نِجات تاپار.‏

رومیلار 16:7

مِنینگ بیلِن زینداندا بُلان قارینداشلاریم آندرونیکوس بیلِن یونیاسا سالام آیدینگ.‏ اُلار رِسول‍لارینگ آراسیندا آد-آبرای قازانیپ، مسیحه مِندِن اُنگ ایمان گِتیریپدیلِر.‏

رومیلار 5:21

اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر.‏ شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق.‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

۱ قُرِنتُس‌لار 1:30

چونکی سیز عیسی مسیح بیلِن دینگه خودایینگ اوستو بیلِن بیرلِشِنسینگیز.‏ عیسی مسیح بیزینگ اوچین خودایینگ حِکمِتینی، یَعنی تاقوالیغیمیز، مُقادِّسلیگیمیز و آزادلیغیمیز بُلدی.‏

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

غَلاطیه‌لِر 2:16

آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏

فیلیپیلِر 3:6

دین اوغرونداقی قایرات دییسِنگیز، کِلیسا آزار بِردیم.‏ شِریغاتا دایانیان تاقوالیق دییسِنگیز، عایپسیزدیم.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

تیتوس 3:5

بیز دُغرولیغا دایانیپ اِدِن ایشلِریمیزینگ اوستو بیلِن دَل-ده، اُنونگ رِحم-شِپاقاتینینگ اوستو بیلِن نِجات بِریلدیک.‏ خودای بیزی مُقادِّس روحونگ اوستو بیلِن اویتگِدیپ، قایتادان دُغلوشینگ اوستو بیلِن پَکلِدی.‏

عِبرانیلار 6:18

شِیلِلیکده، خودای بیزه ایکی زات:‏ هِم واعدا بِردی، هِم قاسام ایچدی.‏ مونونگ ایکیسی هِم اویتگِمِیَندیر، سِبَبی خودای هیچ واقت یالان آیتمایار.‏ شُنونگ اوچین هِم، بیز خودایدا پِناه گِتیریپ، اُزومیزه بِرلِن اومیدا قاییم یاپیشیپ گُوونلیک تاپیاریس.‏

یعقوب 3:2

بیزینگ هِمَّه‌میز هِم کَن خاطا اِدیَریس.‏ اِمّا اِگِر بیری سُزونده خاطا اِتمَن، دیلینی ساقلاپ بیلیَن آدام بُلسا، کَمیل بُلوپ، هِمّه بِدِنینه ساقچیلیق اِدیپ بیلیَندیر.‏

۲ پِطرُس 1:1

عیسی مسیحینگ خیدماتچیسی و رِسولی مِن شمعون پِطرُسدان خوداییمیز و هِم نِجات بِریَنچیمیز عیسی مسیحینگ عادالاتلیغینینگ اوستو بیلِن بیزینگ ایمانیمیز یالی قیماتلی ایمانا اِیه بُلانلارا دُغایی سالام!‏

۱ یوحنا 3:4

گونَه اِدیَن آدام شِریغاتی پُزیاندیر.‏ سِبَبی گونَه اِتمِک شِریغاتا قارشی چیقماق آخیری.‏