فیلیپیلِر 3:10 - مُقادِّس کیتاب

^10-11 مِن مسیحینگ اُزونی، اُنونگ دیرِلیشینینگ گویجونی بیلِسیم گِلیَر.‏ مسیحینگ چِکِن ظولوم-سوتِملِرینه شِریک بُلوپ، اُنونگ اُلومینه مِنگزَپ، اُلومدِن دیریلیشه یِتِسیم گِلیَر.‏

فیلیپیلِر 3:10 Iomraidhean Croise

مَتّیٰ 20:23

عیسی اُلارا:‏ ‏«‏سیز مِنینگ ایچجِک کَسَمدِن ایچِرسینگیز، اِمّا سیزه ساغیمدا یا سُلومدا اُتورماغا اِجازا بِرمِک مِنینگ اِلیمده دَل.‏ بو جایلاری آتام کیملِر اوچین تاییارلان بُلسا، شُلار اوچیندیر»‏ دییدی.‏

یوحنا 10:18

جانیمی مِندِن هیچ کیم آلمایار، اُزوم فِدا اِدیَرین.‏ مِن جانیمی فِدا اِتمَگه-ده، اُنی قایتادان آلماغا-دا ایختییاریم بار.‏ مِن بو تابشیریغی آتامدان آلدیم.‏»‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

رومیلار 8:17

شِیلِلیکده، اِگِر فِرزِنتلِری بُلان بُلساق، اُندا میراثداری هِم بُلیاندیریس.‏ خودایینگ میراثدارلاری بُلیان بُلساق، اُندا عیسی مسیح بیلِن هِم میراثدار بُلیاندیریس.‏ بیز عیسی مسیحینگ گُرِن عاذاپلارینا شِریک بُلیان بُلساق، اُندا اُنونگ بِییکلیگینَه هِم شِریک بُلاریس.‏

رومیلار 8:29

چونکی خودای اُلاری اُووندِن سایلاپ-سِچدی و ‏«‏مِنینگ اُغلوما مِنگزِسینلِر»‏ دییّپ، اُنگدِن بِلَّپ قُیدی.‏ اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.‏

رومیلار 8:36

سِبَبی مُقادِّس یازغیلاردا:‏ ‏«‏بیز هِر گون سِنینگ اوچین اُلدوریلیَریس، داماغی چالینجاق قُیون یالی حاساپلانیاریس»‏ دییّپ یازیلاندیر.‏

۲ قُرِنتُس‌لار 1:10

خودای بیزی اُلومینگ پِنجِسیندِن آزاد اِتدی و یِنه-ده آزاد اِدِر.‏ بیزینگ اوچین اِدیَن دُغالارینگیزینگ اوستو بیلِن اُنونگ بیزی یِنه-ده آزاد اِتجِکدیگینه اومید باغلایاریس.‏ شُندا کَن آداملارینگ دُغاسینا جُغاپ حُکمونده بیزه بِرلِن مِرحِمِت اوچین کَن آداملار خودایا شوکور اِدِرلِر.‏

۲ قُرِنتُس‌لار 1:5

چونکی عیسی مسیحینگ عاذاپلارینینگ دورموشیمیزدا آرتیشی یالی، اُنونگ اوستو بیلِن خودایدان آلیان تِسِلّیمیز-ده آرتیاندیر.‏

۲ قُرِنتُس‌لار 13:4

عیسی مسیح اِجیزلیکده صلیبه چویلِنِن بُلسا-دا، ایندی خودایینگ قودراتینینگ اوستو بیلِن یاشایاندیر.‏ اِدیل شُنونگ یالی بیز هِم مسیحینگ اِجیزلیگینه شِریک بُلماق بیلِن، سیزینگ اوغرونگیزدا خودایینگ قودراتینینگ اوستو بیلِن مسیحینگ یاشاییشینا هِم شِریکدیریس.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 6:17

موندان بِیلَک هیچ کیم مانگا شو زاتلار باباتدا اِذیِت بِرمِسین!‏ سِبَبی مِنینگ بِدِنیمده عیسی مسیحه باغلیدیغیمی گُرکِزیَن یارالار جایی باردیر.‏

اِفِسُسلار 4:13

مونونگ نِتیجه‌سینده هِمَّه‌میز ایماندا بیر بُلوپ، خودایینگ اُغلونی تانیپ-بیلیپ، مسیح یالی یِتیشیپ دُلی کَمیلّیگه یِتِریس.‏

فیلیپیلِر 3:8

هاووا، مِن تانگریم عیسی مسیحینگ اولی مِرتِبه‌سینی تانیماغینگ خاطیراسینا هِمّه زادی زییان حاساپلایارین.‏ مِن اُنونگ خاطیراسینا هِمّه زاتدان گِچیپ، مسیحی قازانیپ و اُنونگ بیلِن قاییم بیریگمِک اوچین بولارینگ بارینی چُپ-چُر حاساپلایارین.‏

کولُسیلِر 1:24

مِن سیزینگ اوغرونگیزدا گُریَن قینچیلیقلاریما بِگِنیَرین.‏ بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.‏

کولُسیلِر 2:13

اُوال سیز سونِّتسیز بُلان اُوالقی طِبیغاتینگیزدا گونَه‌لِرینگیزده اُلودینگیز.‏ ایندی بُلسا خودای هِمّه گونَه‌لِرینگیزی باغیشلاپ، سیزی مسیح بیلِن بیله دیرِلتدی.‏

کولُسیلِر 3:1

شِیلِلیکده، مسیح بیلِن دیرِلِندیگینگیزه گُرَه، آسمانداقی زاتلاری آغتارینگ.‏ مسیح آسماندا خودایینگ ساغیندا اُتوراندیر.‏

۱ پِطرُس 1:3

تانگریمیز عیسی مسیحینگ آتاسی خودایا اُوگیلِر بُلسون!‏ اُل اُز بِییک مِرحِمِتینه گُرَه، عیسی مسیحینگ اُلومدِن دیرِلمِگینینگ اوستو بیلِن بیزی تَزه دُغولماغا و دیری اومیدینا قاوشوردی.‏

۲ پِطرُس 1:13

مِن ایندی یاشایان آز واقتلایین چادیریمدان، یَعنی بِدِنیمدِن گیدیَنچَم، بولاری یادینگیزا سالماق بیلِن سیزینگ فیکرینگیزی آچیپ دورماغی دُغری بیلیَرین.‏

۱ یوحنا 2:3

اِگِر خودایینگ حُکوملِرینی بِرجای اِدیَن بُلساق، اُندا بیز خودایی تانییاندیغیمیزی بیلیَریس.‏

۱ یوحنا 2:5

اِمّا خودایینگ سُزونی بِرجای اِدیَن آدامدا اُنونگ سُیگوسی حاقیقاتدان هِم کَمیلدیر.‏ اینه، بیز خودای بیلِن یاشایاندیغیمیزی شِیدیپ بیلیَریس.‏

آیانلیق 1:18

مِن دیریدیرین.‏ اُلودیم، یُنه، اینه، ایندی اِبِدیلیک دیریدیرین.‏ اُلومینگ-ده، اُلولِر دونیَه‌سینینگ-ده آچاری مِندِدیر.‏