فیلیپیلِر 2:2 - مُقادِّس کیتاب

² اُندا مِنینگ بِگِنجیمینگ اوستونی یِتیرینگ:‏ فیکردِش بُلونگ، بیری-بیرینگیزی دِنگ دِرِجه‌ده سُیونگ، روحونگیز و ماقصادینگیز بیر بُلسون.‏

فیلیپیلِر 2:2 Iomraidhean Croise

یوحنا 3:29

گِلین دامادا دِگیشلیدیر.‏ دامادینگ دُستی بُلسا، گِلمِسینه قاراشیپ، اُنونگ سِسینی اِشیدِنینده خاص شاتلانیاندیر.‏ اِدیل شُنونگ یالی مِنینگ شاتلیغیم-دا ایندی کَمیل بُلدی.‏

رِسول‍لار 1:14

اُلارینگ هِمّه‌سی بیر یِره اویشوپ، ایزینی اوزمَن دُغا اِدیَردیلِر.‏ اُلارینگ آراسیندا آیال‍لار هِم عیسانینگ اِنه‌سی مریم و عیسانینگ دُغانلاری هِم باردی.‏

رِسول‍لار 2:1

پِنتیکاست گونی هِمّه ایماندارلار بیر یِره ییغنانیشیپ اُتیردیلار.‏

رِسول‍لار 2:46

اُلار یورِکلِری بیر بُلوپ، هِر گون عیباداتخانادا ییغناناردیلار.‏ اُیدِن اُیه میهمانچیلیغا باریپ، چُرِگی بُلوشیپ اییَّردیلِر.‏ چین یورِکدِن شاتلانیپ اییمیتلِرینی پایلاشاردیلار.‏

رِسول‍لار 5:12

رِسول‍لار خالق آراسیندا اِنچِمه عالاماتلار و مُعجِزه‌لِر گُرکِزیَردیلِر.‏ هِمّه ایماندارلار بیر بُلوپ عیباداتخاناداقی سلیمانینگ اِیوانیندا اویشِردیلِر.‏

رومیلار 12:16

بیری-بیرینگیز بیلِن اُنگشوقلی بُلونگ.‏ مَغرور بُلمانگ، یُقسیز آداملار بیلِن دُست بُلونگ، اُزونگیزی بِیلِکیلِردِن عاقیلّی سایمانگ.‏

۱ قُرِنتُس‌لار 1:10

اِی عزیزلِر، مِن سیزه تانگریمیز عیسی مسیحینگ آدیندان یالباریارین:‏ بیری-بیرینگیز بیلِن راضیلاشیقلی بُلونگ.‏ آرانگیزدا بُلونیشیکلِره یُل بِرمَنگ، فیکرلِرینگیز و ایسلِگلِرینگیز بیر بُلسون.‏

۲ قُرِنتُس‌لار 13:11

شونلوقدا، اِی عزیزلِر، شاتلانینگ!‏ اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ.‏ شُندا سُیگی و پاراحاتلیق خودایی سیزینگ بیلِن بُلار.‏

۲ قُرِنتُس‌لار 2:3

شُنگا گُرَه-ده، بارانیمدا مِنی شاتلاندیرمالی آداملار گُونومی غاملاندیرماسین دییّپ، شُل نامه‌نی یازدیم.‏ مِنینگ شاتلیغیما سیزینگ-ده شاتلانجاقدیغینگیزا قاتی اینانیارین.‏

۲ قُرِنتُس‌لار 7:7

بیز دینگه تیتوسینگ گِلمِگیندِن دَل، شِیله بُلسا اُنگا بِرِن تِسِلّینگیز بارادا اِشیدیپ-ده، تِسِلّی تاپدیق.‏ اُل سیزینگ مِنی کویسِیَندیگینگیز، هِیوِره کَن قینانجینگیز و مانگا بُلان اولی ایخلاصینگیز بارادا گورّونگ بِرِنده، شاتلیغیم اُنگکودِن-ده آرتدی.‏

فیلیپیلِر 1:4

سیزینگ هِمَّه‌نگیز اوچین شاتلانیپ، هِمیشه خودایا دُغا اِدیَرین.‏

فیلیپیلِر 2:16

یاشاییش بِریَن سُزی قاییم توتونگ.‏ شُندا مِن بیدِرِک یِره زَحمِت چِکمَندیگیم، عاذابیمینگ پوچا چیقماندیغی باباتدا مسیحینگ گِلجِک گونونده قابارلانیپ بیلِرین.‏

فیلیپیلِر 2:20

تیموتاوس هِم اِدیل مِن یالی سیز باباتدا شِیله ایخلاصلی و شِیله وِفادار.‏ اُندان باشغا ایبِرمَگه شِیله آدامیم-دا یُق.‏

فیلیپیلِر 4:2

مِن اِفودیِدِن و سینتیخیدِن یالباریارین:‏ مسیحده ایلالاشیقلی بُلونگ.‏

کولُسیلِر 2:5

سِبَبی مِن آرانگیزدا بُلماسام-دا، یورِگیم سیزینگ بیلِندیرین.‏ سیزینگ تِرتیب-دوزگونلیدیگینگیزی و مسیحه بُلان قاییم ایمانینگیزی گُروپ شاتلانیارین.‏

۲ تِسالونیکیلِر 2:13

اِی تانگری عیسی طارافیندان سُیولیَن عزیزلِر!‏ سیز نِجات تاپیپ بیلِرینگیز یالی، خودای سیزی اُزالدان سایلادی.‏ سیز مُقادِّس روحونگ اوستو بیلِن پَکلِنیپ، حاقیقاتا بُلان ایمانینگیز سِبَبی نِجات تاپدینگیز.‏ شُنگا گُرَه-ده، بیز هِمیشه سیزینگ اوچین خودایا شوکور اِتمِلیدیریس.‏

۲ تیموتاوس 1:4

مِن خوشلاشماقلیق فُرصَتینداقی گُزیاشلارینگی یادلایارین، شاتلیقدان دُلماق اوچین سِنینگ بیلِن دیدارلاشماغی ایسلِیَرین.‏

فیلیمون 1:20

شُنگا گُرَه-ده، اِی دُغان، خودایینگ حاقی اوچین مانگا یاردیم اِت.‏ مسیحینگ خاطیراسی اوچین گُونومی تَزه‌لِندیر.‏

۲ یوحنا 1:4

اِی حُرماتلی آیال، آتامیز خودایینگ حُکومی یالی، بیرنَچه فِرزِنتلِرینگ حاقیقاتا گُرَه یاشایاندیغینی گُروپ، قاتی شاد بُلدوم.‏ ایندی سانگا بیر خاییشیم بار:‏ بیری-بیریمیز بیلِن سُیگوده یاشایلینگ.‏ مِن سانگا بیر تَزه حُکوم یازامُق، بو اُزال-باشدان بیزه معلیم بیر حُکومدیر.‏

۳ یوحنا 1:4

مِنینگ اوچین فِرزِنتلِریمینگ حاقیقاتا گُرَه یاشایاندیقلارینی اِشیتمِکدِن اولی شاتلیق یُقدور.‏