فیلیپیلِر 2:1 - مُقادِّس کیتاب

¹ شونلوقدا، اِگِر مسیح بیلِن بُلماق سیزی گُوونلیک بِریَن بُلسا، اُنونگ سُیگوسیندِن تِسِلّی تاپیان بُلسانگیز، مُقادِّس روحا شِریک بُلسانگیز، رِحم و شِپاقاتینگیز بار بُلسا،

فیلیپیلِر 2:1 Iomraidhean Croise

لوقا 2:25

شُل واقت اورشلیمده شمعون آدلی بیر دُغری و تاقوالی آدام یاشایاردی.‏ اُل اسرائیل خالقینینگ آزاد اِدیلمِگینه قاراشیاردی، مُقادِّس روح اُنونگ اوستوندِدی.‏

یوحنا 14:18

‏«‏مِن سیزی یِتیم قُیمارین، یِنه یانینگیزا قایدیپ گِلِرین.‏

یوحنا 14:27

مِن سیزه پاراحاتلیق قُیوپ باریارین، اُز پاراحاتلیغیمی سیزه بِریَرین.‏ مِن مونی دونیَه‌نینگ بِرشی یالی بِرمِیَرین.‏ یورِگینگیز غوصّا باتماسین، قُرقمانگ.‏

یوحنا 17:13

ایندی مِن سِنینگ یانینگا باریارین.‏ اُلار مِنینگ شاتلیغیمدان دُلسون دییّپ، بولاری اُلارا هِنیز بو دونیَه‌دِکَم آیدیارین.‏

رِسول‍لار 2:46

اُلار یورِکلِری بیر بُلوپ، هِر گون عیباداتخانادا ییغناناردیلار.‏ اُیدِن اُیه میهمانچیلیغا باریپ، چُرِگی بُلوشیپ اییَّردیلِر.‏ چین یورِکدِن شاتلانیپ اییمیتلِرینی پایلاشاردیلار.‏

رِسول‍لار 4:32

ایماندارلار بیر یورِک و بیر جاندیلار.‏ اُلارینگ هیچ بیری اُز مال-مولکینه-ده مِنینگکی دییمِیَردی، هِمّه زاتلاری اُرتاقدی.‏

رومیلار 5:5

شِیله اومید بیزی اوتاندیرماز، سِبَبی بِرلِن مُقادِّس روحونگ اوستو بیلِن یورِگیمیز خودایینگ سُیگوسیندِن دُلوپ-آقیار.‏

رومیلار 8:26

روح هِم اِجیزلیگیمیزده بیزه کُمِک بِریَر، سِبَبی بیز حتّیٰ نَهیلی و نَمه بارادا دُغا اِتمِلیدیگیمیزی هِم بیلمِیَریس.‏ اِمّا روحونگ اُزی سُز بیلِن بِیان اِدیپ بُلماجاق ناله‌لِر بیلِن بیزینگ اوچین تُوِلّا اِدیَر.‏

۱ قُرِنتُس‌لار 12:13

چونکی بیز کیم بُلساق-دا:‏ یَهودیمی، یَهودی دَلمی، قولمی، آزادمی – تَفاوُتی یُق، باریمیز بیر بِدِن بُلماق اوچین، بیر مُقادِّس روحا تَعمیدلِندیک.‏ بیزینگ باریمیز بیر مُقادِّس روحی قابول اِتدیک.‏

۱ قُرِنتُس‌لار 15:31

تانگریمیز عیسی مسیحینگ حوضوریندا سیزه بُلان قووانجیمدان قاسام ایچیَرین:‏ مِن هِر گون اُلوم بیلِن یوزبه-یوز بُلیارین.‏

۱ قُرِنتُس‌لار 3:16

اُندا سیز اُزونگیزینگ خودایینگ عیباداتخاناسیدیغینگیزی و آرانگیزدا خودایینگ روحونینگ یاشایاندیغینی بیلمِیَرسینگیزمی نَمه؟

۲ قُرِنتُس‌لار 13:14

قُی، تانگریمیز عیسی مسیحینگ مِرحِمِتی، خودایینگ سُیگوسی و مُقادِّس روحونگ قاتناشیغی سیزینگ هِمَّه‌نگیزده بُلسون!‏

۲ قُرِنتُس‌لار 2:14

یُنه خودایا شوکور!‏ اُل مسیحینگ اوستونلیک یُلوندان بیزی اِلمیداما یُریدیَر.‏ خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.‏

غَلاطیه‌لِر 4:6

سیز اُغولّیغا قابول اِدیلِنینگیز اوچین، خودای اُزونی ‏«‏آبّا!‏ آتام!‏»‏ دییّپ چاغیریان اُغلونینگ روحونی بیزینگ یورِکلِریمیزه ایبِردی.‏

غَلاطیه‌لِر 5:22

اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

اِفِسُسلار 4:4

سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر.‏

فیلیپیلِر 1:8

مِن سیزی عیسی مسیحینگ سُیگوسی بیلِن گُرمَگه زاردیغیما خودایینگ اِدیل اُزی شاهاتدیر.‏

فیلیپیلِر 3:3

بیز مُقادِّس روح بیلِن خودایا عیبادات اِدیپ، عیسی مسیحه قووانیاریس و اُز اینسانلیغیمیزا دایانمایاریس.‏ شُنگا گُرَه-ده حاقیقی سونِّتلیلِر بیزدیریس!‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

کولُسیلِر 3:12

شُنونگ اوچین هِم، اِی خودایینگ سایلان مُقادِّس هِم عزیز خالقی!‏ رِحم-شِپاقات، مِهرِبانلیق، فُروتَنلیک، میلاییملیق و صابیر-طاقاتلیق بیلِن گِیینینگ.‏

عِبرانیلار 6:18

شِیلِلیکده، خودای بیزه ایکی زات:‏ هِم واعدا بِردی، هِم قاسام ایچدی.‏ مونونگ ایکیسی هِم اویتگِمِیَندیر، سِبَبی خودای هیچ واقت یالان آیتمایار.‏ شُنونگ اوچین هِم، بیز خودایدا پِناه گِتیریپ، اُزومیزه بِرلِن اومیدا قاییم یاپیشیپ گُوونلیک تاپیاریس.‏

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۱ یوحنا 3:24

خودایینگ حُکوملِرینی بِرجای اِدیَن آدام خودای بیلِن، خودای هِم اُنونگ بیلِن یاشایاندیر.‏ خودایینگ بیزینگ بیلِن یاشایاندیغینی اُنونگ هِر بیریمیزه بِرِن روحوندان بیلیَریس.‏

۱ یوحنا 4:12

هیچ کیم هیچ هاچان خودایی گُرِن دَلدیر.‏ اِمّا بیز بیری-بیریمیزی سُییَن بُلساق، اُندا خودای بیزینگ بیلِن یاشایاندیر، اُنونگ سُیگوسی قالبیمیزا کَمیل یِرلِشِندیر.‏

۱ یوحنا 4:16

خودایینگ بیزه بُلان سُیگوسینه گُز یِتیریپ، بو سُیگَه اینانیاریس.‏ خودای سُیگودیر.‏ سُیگوده یاشایان آدام خودای بیلِن، خودای هِم اُنونگ بیلِن یاشایاندیر.‏