فیلیپیلِر 1:7 - مُقادِّس کیتاب

⁷ مِن زینداندا بُلسام-دا، خوش خاباری قُریپ-ساقلاپ و اُنی تاصدیق اِتسِم-ده، سیزینگ هِمَّه‌نگیز خودایینگ مانگا بِرِن مِرحِمِتینده شِریکسینگیز.‏ شُنونگ اوچین-ده مِن سیز باباتدا شِیله فیکرلِنمَگَه حاقلیدیرین.‏ چونکی یورِگیمینگ دویبونده جایینگیز بار آخیرین!‏

فیلیپیلِر 1:7 Iomraidhean Croise

رِسول‍لار 20:23

اِمّا مُقادِّس روح مانگا هِر شَهرده زیندانا و قینچیلیقلارا دوچار بُلجاقدیغیمی بیلدیریَر.‏

رِسول‍لار 21:33

شُل واقت سِردار قُلای گِلیپ، پولسی زیندان اِتدی و قُشا زینجیرلار بیلِن باغلاماغی تابشیردی.‏ سُنگرا اُل:‏ ‏«‏بو آدام کیم؟ اُل نَمه اِتدی؟»‏ دییّپ سُرادی.‏

۱ قُرِنتُس‌لار 13:7

سُیگی هِمّه زاد بیلِن چیقیشیاندیر، اِلمیداما اینانیاندیر.‏ سُیگی هیچ هاچان اومیددان دوشیَن دَلدیر و هِر حالدا جیدایاندیر.‏

۱ قُرِنتُس‌لار 9:23

مِن بولارینگ بارینی خوش خابارینگ بِرِکِتلِرینه شِریک بُلوپ بیلِریم یالی، خوش خابارینگ خاطیرینا اِدیَرین.‏

۲ قُرِنتُس‌لار 3:2

یُق!‏ بیزینگ تانیتما نامه‌میز سیزسینگیز!‏ بو نامه بیزینگ یورِکلِریمیزه یازیلاندیر.‏ اُل هِمّه‌لِره معلیمدیر، اُنی هِمّه‌لِر اُقیپ-دا بیلیَر.‏

۲ قُرِنتُس‌لار 7:3

مِن بولاری سیزی عاییپلاماق اوچین آیدامُق.‏ سِبَبی اُزال هِم آیدیشیم یالی، یورِگیمیزینگ دویبونده جایینگیز باردیر، بیز یاشاساق-دا، اُلسِک-ده بیله بُلاریس.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

اِفِسُسلار 3:1

شو سِبَپلی مِن پولس سیز یَهودی دَل‍لِر اوچین عیسی مسیحینگ اوغروندا زینداندا بُلدوم.‏ مِن سیزینگ اوچین خودایا دُغا اِدیَرین.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

اِفِسُسلار 6:20

سِبَبی مِن خوش خابار اوچین زینجیرلار بیلِن باغلانان سِفیریدیرین.‏ مونی قُرقمان، بُلمالیسی یالی اِعلان اِدیپ بیلمِگیم اوچین دُغا اِدینگ.‏

فیلیپیلِر 1:12

ایندی بُلسا، اِی عزیزلِر، سیزه شولاری معلیم اِدِسیم گِلیَر:‏ مِنینگ باشیما دوشِن عاذاپلار دُغرودان-دا خوش خابارینگ یایراماغینا کُمِک اِتدی.‏

فیلیپیلِر 1:13

شونلوقدا، مِنینگ مسیح سِبَپلی زیندان اِدیلِندیگیم ‌کُشگی قُریپ ساقلایانچیلارینا و بِیلِکیلِرینگ بارینا معلیم بُلدی.‏

فیلیپیلِر 1:14

مِنینگ بو زیندانلیغیم ایمانداقی دُغانلاریمینگ هِمّه‌سینی قوواتلاندیردی.‏ اُلار قُرقمان، باتیرلیق بیلِن خودایینگ سُزونی آیدیارلار.‏

فیلیپیلِر 1:5

چونکی سیز اَوَّلکی گوندِن تا شو واقتا چِنلی خوش خاباری یایراتماقدا شِریکدینگیز.‏

فیلیپیلِر 2:22

اِمّا تیموتاوس‌ینگ صادیقلیغی سیزه معلیمدیر.‏ اُل مانگا خوش خابارینگ یایراماقینا اِدیل اُغلونگ اُز آتاسینا خیدمات اِدیشی یالی خیدمات اِتدی.‏

فیلیپیلِر 4:14

هِر هیلی بُلسا-دا، مِنینگ قینچیلیقلاریما شِریک بُلوپ، یاقشیلیق اِتدینگیز.‏

فیلیپیلِر 4:15

اِی فیلیپیلِر!‏ مِن مَقدونیه‌دِن چیقیپ قایدیپ، خوش خاباری اَوَّل واغیظ اِدیپ باشلان زامانیمدا سیزینگ کِلیسانگیزدان باشغا کِلیسا مانگا مادّی کُمِگینی بِرِن دَلدیر.‏ مونی سیزینگ اُزونگیز-ده بیلیَنسینگیز.‏

فیلیپیلِر 4:3

اِی مِنینگ وِفالی یُلداشیم، سانگا-دا یالباریارین:‏ بو آیال‍لارا کُمِک اِت.‏ اُلار مِن، اِکلِمِنتُس و یاشاییش دِفتِرینه آدلاری یازیلان بِیلِکی هِمکَرلِریم بیلِن بیرلیکده خوش خاباری یایراتماقدا تاقالّا بیلِن ایشلِدیلِر.‏

کولُسیلِر 4:18

مِن پولس بو سالامی اُز اِلیم بیلِن یازیارین.‏ مِنینگ زینداندادیغیمی یاددان چیقارمانگ.‏ خودایینگ مِرحِمِتی سیزه یار بُلسون!‏

کولُسیلِر 4:3

بیزینگ اوچین هِم دُغا اِدینگ:‏ خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین.‏ اینه، شُنونگ اوچین هِم مِن زینداندادیرین.‏

۱ تِسالونیکیلِر 5:5

سیزینگ بارینگیز نورا و گوندیزه دِگیشلی فِرزِنلِریسینگیز.‏ بیز قارانگقا یا گیجَه دِگیشلی دَلدیریس.‏

۲ تیموتاوس 1:8

شُنونگ اوچین-ده، عیسی مسیح بارادا شاهاتلیق اِتمَگه اوتانما.‏ اُنونگ خاطیراسینا زیندان اِدیلِنلیگیمدِن-ده اوتانما.‏ تِرسینه، خودایینگ بِریَن گویجی بیلِن خوش خابارینگ اوغروندا گُریَن زَحمِتلِریمه شِریک بُل.‏

۲ تیموتاوس 2:9

مِن خوش خابارینگ اوغروندا زَحمِت بارینی گُروپ، جِنایاتچی کیمین دانگیلیپ قُییلدیم.‏ اِمّا خودایینگ سُزونی دانگیپ قُیوپ بُلیان دَلدیر!‏

فیلیمون 1:13

خوش خابار اوغروندا زیندان اِدیلِن زامانیمدا سِنینگ یِرینگه مانگا خیدمات اِتسین دییّپ، اَوَّل اُنی اُز یانیمدا آلیپ قالماقچیدیم.‏

عِبرانیلار 3:1

شُنونگ اوچین هِم، اِی مِنینگ بیلِن بیله خودای طارافیندان چاغیریلان مُقادِّس عزیزلِر، هِمّه فیکرینگیز عیسادا بُلسون!‏ اُل بیزینگ ایقرار اِدیَن رِسول و باش کاهینیمیزدیر.‏

۱ پِطرُس 4:13

تِرسینه، مسیحینگ چِکِن عاذاپلارینا شِریک بُلیان یالی شاتلانینگ.‏ اُنونگ بِییکلیگی آیان بُلاندا، شاتلیغینگیزینگ اِندازاسی بُلماز.‏

۱ پِطرُس 5:1

مِن مسیحینگ چِکِن عاذاپلارینینگ شاهادی و اُنونگ آیان بُلجاق بِییکلیگینینگ شِریکی حُکمونده آرانگیزداقی اُزوم یالی یاشولیلاردان شولاری خاییش اِدیَرین:‏

۲ پِطرُس 1:13

مِن ایندی یاشایان آز واقتلایین چادیریمدان، یَعنی بِدِنیمدِن گیدیَنچَم، بولاری یادینگیزا سالماق بیلِن سیزینگ فیکرینگیزی آچیپ دورماغی دُغری بیلیَرین.‏

۱ یوحنا 3:14

بیز اُزومیزینگ اُلومدِن یاشایشا قاوشاندیغیمیزی بیلیَریس، سِبَبی دُغانلاریمیزی سُییَریس.‏ دُغانینی سُیمِیَن آدام اُلومینگ پِنجِسینده قالیاندیر.‏