فیلیپیلِر 1:27 - مُقادِّس کیتاب

²⁷ اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

فیلیپیلِر 1:27 Iomraidhean Croise

مَتّیٰ 12:25

اِمّا عیسی اُلارینگ فیکرلِرینی بیلیپ، شِیله دییدی:‏ ‏«‏ایچینده بُلونیشیک بُلان پادیشاهلیق دارغار، اُز ایچیندِن بُلونِن شَهر یا-دا اُی قاییم دوروپ بیلمِز.‏

رِسول‍لار 2:46

اُلار یورِکلِری بیر بُلوپ، هِر گون عیباداتخانادا ییغناناردیلار.‏ اُیدِن اُیه میهمانچیلیغا باریپ، چُرِگی بُلوشیپ اییَّردیلِر.‏ چین یورِکدِن شاتلانیپ اییمیتلِرینی پایلاشاردیلار.‏

رِسول‍لار 24:24

بیرنَچه گوندِن سُنگ بُلسا، فِلیکس اُز یَهودی آیالی دروسیلا بیلِن گِلدی-ده، پولسی چاغیرتدی و عیسی مسیحه گِتیرِن ایمان حاقدَکی اُنونگ گورّونگلِرینی دینگلِدی.‏

رِسول‍لار 4:32

ایماندارلار بیر یورِک و بیر جاندیلار.‏ اُلارینگ هیچ بیری اُز مال-مولکینه-ده مِنینگکی دییمِیَردی، هِمّه زاتلاری اُرتاقدی.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

رومیلار 1:5

خودای بیزه عیسی مسیحینگ اوستو بیلِن مِرحِمِت اِدیپ، رِسولّیغا سایلادی.‏ اُل مونی هِمّه میلِّتلِرینگ خودایا ایمان گِتیریپ، اُنگا موطیع بُلماغی، عیسی مسیحینگ آدینینگ بِییکلِنمِگی اوچین اِتدی.‏

رومیلار 1:9

مِن خودایینگ اُغلی باراداقی خوش خاباری یایرادیپ، خودایا جان-تِندِن خیدمات اِدیَرین، سیزینگ اوچین گیجه-گوندیز دُغا اِدیَرین.‏ مونگا خودایینگ اِدیل اُزی شاهاتدیر.‏

رومیلار 10:8

شِیله-ده، ایمانا دایانیپ آقلانیان یُلی:‏ ‏«‏بو سُز سانگا یاقیندیر، اُل سِنینگ آغزینگدا و یورِگینگدِدیر»‏ دییَّر.‏ بو سُز بُلسا بیزینگ واغیظ اِدیَن ایمانیمیز حاقدَکی خاباردیر.‏

رومیلار 15:16

مِنی عیسی مسیحینگ خیدماتکَری حُکمونده یَهودی دَل‍لِرینگ آراسینا ایبِردی.‏ مِن اُلارا خوش خاباری واغیظ اِدیپ، اُز کاهینلیق بِرگیمی بِرجای اِدیَرین.‏ شِیدیپ، بو میلِّتلِر مُقادِّس روحونگ اوستو بیلِن خودایینگ مُقادِّس اِدیلِن و اُنونگ حالایان صاداقاسی بُلار.‏

رومیلار 15:29

سیزینگ یانینگیزا بارانیمدا بُلسا، بیلِلیکده گِچیرجِک واقتیمیزی عیسی مسیحینگ بُلدان-بُل بِرِکِت بِرجِگینه اینانیارین.‏

۱ قُرِنتُس‌لار 1:10

اِی عزیزلِر، مِن سیزه تانگریمیز عیسی مسیحینگ آدیندان یالباریارین:‏ بیری-بیرینگیز بیلِن راضیلاشیقلی بُلونگ.‏ آرانگیزدا بُلونیشیکلِره یُل بِرمَنگ، فیکرلِرینگیز و ایسلِگلِرینگیز بیر بُلسون.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۲ قُرِنتُس‌لار 13:11

شونلوقدا، اِی عزیزلِر، شاتلانینگ!‏ اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ.‏ شُندا سُیگی و پاراحاتلیق خودایی سیزینگ بیلِن بُلار.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۲ قُرِنتُس‌لار 9:13

سیزینگ بو کُمِگینگیز عیسی مسیح باراداقی خوش خابارا صادیقدیغینگیزی بِلّی اِدیَر.‏ سیز اِلده بارینگیزی اُلارا و بِیلِکی ایماندارلارا ساخیلیق بیلِن بِریَرسینگیز.‏ اینه، شولارینگ باری اوچین ایماندارلار خودایی بِییکلِندیرِرلِر.‏

غَلاطیه‌لِر 1:7

باشغا بیر خوش خابار یُقدور.‏ یُنه کَبیر آداملار سیزی بولاشدیریپ، مسیحینگ خوش خابارینی چالیشدیرجاق بُلیارلار.‏

اِفِسُسلار 1:13

ایندی سیز هِم حاقیقات سُزونی، یَعنی نِجات تاپماق باراداقی خوش خاباری اِشیدیپ، مسیحه ایمان گِتیردینگیز.‏ شُنگا گُرَه-ده خودایینگ واعدا بِرِن مُقادِّس روحی بیلِن مُهورلِندینگیز.‏

اِفِسُسلار 1:15

شُنگا گُرَه تانگریمیز عیسی بُلان ایمانینگیزی و خودایینگ هِمّه خالقینا بُلان سُیگینگیزی اِشیدِنیم بَری، سیزینگ اوچین خودایا بیرسیخلی شوکور اِدیپ، دُغالاریمدا سیزی دیلیمدِن دوشورِمُق.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

فیلیپیلِر 1:5

چونکی سیز اَوَّلکی گوندِن تا شو واقتا چِنلی خوش خاباری یایراتماقدا شِریکدینگیز.‏

فیلیپیلِر 2:12

شُندا، اِی عزیزلِریم، مِن یانینگیزداقام، سیز خودایینگ سُزونه موطیع‌دینگیز.‏ اِمّا مِنینگ یُقلوغیمدا هِم موطیع بُلماغینگیز خاص-دا مُهِمدیر.‏ خودایینگ حوضوریندا قُرقی و تیترِمه بیلِن، اُز نِجات تاپانینگیز اوچین یاخشی ایشلِری عِمِل اِدینگ.‏

فیلیپیلِر 2:24

مِنینگ تیز واقتدا یانینگیزا بارجاقدیغیم باباتدا مسیح مِنی هِم ایناندیریار.‏

فیلیپیلِر 3:18

مِن اُزال مونی سیزه نَچه گِزِک آیدیپدیم.‏ ایندی بُلسا گُزیاش اِدیپ، یِنه آیدیارین:‏ مسیحینگ صلیبینه دوشمان بُلوپ یاشایانلار کَندیر.‏

فیلیپیلِر 3:20

اِمّا بیز واطانیمیز آسماندا بُلوپ، نِجات بِریَنچی تانگریمیز عیسی مسیحینگ شُل یِردِن گِلِرینه صابیرسیزلیق بیلِن قاراشیاندیریس.‏

فیلیپیلِر 4:1

شونلوقدا، اِی سُیگولی دُستلاریم، مسیحده قاییم دورونگ!‏ مِن قارا گُزونگیزه زاردیرین.‏ عزیزلِریم، سیز مِنینگ شاتلیغیم و باشیمینگ تاجیسینگیز.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

کولُسیلِر 1:4

سِبَبی بیز سیزینگ عیسی مسیحه بُلان ایمانینگیز و هِمّه مُقادِّسلِره گُرکِزِن سُیگینگیز حاقیندا اِشیتدیک.‏

۱ تِسالونیکیلِر 3:6

اِمّا یانینگیزدان شو واقت گِلِن تیموتاوس سیزینگ ایمانینگیز و سُیگینگیز بارادا قاوی خابارلار گِتیردی.‏ اُل بیزی هِمیشه یاخشیلیقدا یادلایاندیغینگیزی، سیزی گُرِسیمیزینگ گِلشی یالی، سیزینگ-ده بیزی قاتی کویسِیَندیگینگیزی گورّونگ بِردی.‏

۱ تِسالونیکیلِر 4:1

اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

۱ تیموتاوس 1:11

هاووا، پَک خودای مانگا اینانیپ بِرِن بِییک خوش خاباری اِدیل شِیله اُورِدیَندیر.‏

۱ تیموتاوس 1:19

ایماندا قاییم دوروپ، وِجدانینگی پَک ساقلا.‏ کَبیر آداملار وِجدانلارینی آیاق آشاق قُیاندیغی اوچین، ایمانلاری قایا اورلان کِشتی کیمین آورام-آورام بُلدی.‏

۲ تیموتاوس 4:7

مِن قاوی اوروشچی کیمین اوروشدیم، یاریشی بیتیردیم و ایمانی قُریدیم.‏

تیتوس 2:10

اُلاردان زات اُغورلاماسینلار، قایتام هِر زاتدا خاص وِفالی بُلسونلار.‏ شِیدیپ، اُلار نِجات بِریَنچیمیز خودایینگ تَعلیماتینینگ هِر طارافدان عجاییپدیغینی تاصدیقلارلار.‏

یعقوب 3:18

پاراحاتلیق دُرِدیَنلِر پاراحاتچیلیق تُخومینی سِپیپ، تاقوالیق حاصیلینی اُریارلار.‏

۲ پِطرُس 3:11

هِمّه زات شِیدیپ دارغاجاق بُلسا، اُندا سیزینگ نَهیلی آداملار بُلماغینگیز گِرِک؟ خودایینگ گونونه قاراشیپ، اُنی چالاسیملاشدیریپ، مُقادِّس یاشاییشدا و تاقوالیقدا گِزمِلیسینگیز.‏ اُل گون آسمان یانیپ یُق بُلار، آسمان جیسیملِری یانیپ اِرَر.‏

۲ پِطرُس 3:14

شُنگا گُرَه-ده، اِی عزیزلِر، بولارا قاراشیاندیغینگیز اوچین، خودایینگ ناظاریندا پاراحاتلیقدا یاشاپ، پَک و عایپسیز بُلماغا چالیشینگ.‏

یهودا 1:3

اِی عزیزلِر، مِن سیزه خودایینگ مِنی و سیزی نَهیلی نِجات بِرِندیگی بارادا یازماغی خاص دُغری بیلیَردیم.‏ اِمّا مونگا دِرِک خودایینگ اُز مُقادِّس خالقینا بیر گِزِک و هِمیشه‌لیک تابشیران ایمانی اوغروندا سیزی چالیشماغا قووات بِریپ یازماغیمینگ خاص-دا واجیپدیغینا گُز یِتیردیم.‏