اِفِسُسلار 5:3 - مُقادِّس کیتاب

³ اِمّا سیزینگ آرانگیزدا زیناکَرلیک، آخلاقسیزلیق، حِریصچیلیک اِدیَن بُلماسین.‏ بِیله زاتلار مُقادِّسلِره گِلیشمِیَر.‏

اِفِسُسلار 5:3 Iomraidhean Croise

مَتّیٰ 15:19

آدامینگ یورِگیندِن تِلِکه فیکرلِر، قاتل‍لیق، زیناکَرلیک، آخلاقسیزلیق، اُغورلیق، یالان شاهاتلیق و تُهمِت چیقیاندیر.‏

لوقا 12:15

سُنگرا اُلارا:‏ ‏«‏خاباردار بُلونگ!‏ اُزونگیزی هِر هیلی آچگُزلیکدِن قُرانگ، سِبَبی اینسانینگ یاشایشی اُنونگ مال-مولکونینگ بُلّوغینا باغلی دَلدیر»‏ دییدی.‏

لوقا 16:14

پولی سُییَن فَریسی‌لِر بو سُزلِری اِشیدیپ، عیسانی ماسغارا اِتمَگه باشلادیلار.‏

رِسول‍لار 15:20

قایتام، اُلارا نامه یازیپ، شِیله آیدایلینگ:‏ ‏”‏بُتلارا هُدورلِنِن قربانلیق اِتینی اییمِکدِن، زینادان، داماغی چالینمادیق حایوانینگ اِتیندِن و قانیندان داش دورونگ“‏.‏

رِسول‍لار 20:33

مِن هیچ کیمینگ پولونا یا-دا لِباسینه گُز تیکمِدیم.‏

رومیلار 1:29

اُلارینگ قالبی هِر هیلی یامانلیقدان، تِلِکه‌لیکدِن، آچگُزلیکدِن و آخلاقسیزلیقدان دُلیدیر.‏ اُلار باخیل، قاتل، داعواچی، آلدییانچی و بِدنییِتدیر.‏ اُلار کِپچی،

رومیلار 16:2

اُنی مسیحینگ حاقی اوچین، ایماندارلارا گِلیشیَن هیلی میهمان آلینگ، هِمّه مَحتَجلیکلِرینده کُمِک بِرینگ.‏ چونکی اُل کَن آداملارا، شُل حاساپدا مانگا-دا نَچه گِزِک کُمِک اِتدی.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

۱ قُرِنتُس‌لار 10:8

اُلارینگ کَبیرلِری یالی آخلاقسیزلیق اِتمَیلینگ، چونکی بیر گونده اُلارینگ ییگریمی اوچ مونگوسی اُلدی.‏

۱ قُرِنتُس‌لار 5:1

سیزینگ آرانگیزداقی آخلاقسیزچیلیق بارادا گورّونگ یایرادی.‏ بولار یالی آخلاقسیزلیغی حتّیٰ بُت‌پَرَستلِر-ده اِدیَن دَلدیر!‏ سیزینگ بیرینگیز اُز اُوِی اِنه‌سی بیلِن یاتیپ-توریارمیش.‏

۱ قُرِنتُس‌لار 6:13

سیز:‏ ‏«‏اییمیت قارین اوچین، قارین-دا اییمیت اوچیندیر و خودای اُلارینگ ایکیسینی هِم یُق اِدِر»‏ دییّپ دُغری آیدیارسینگیز.‏ اِمّا بِدِن زینا اِتمِک اوچین دَل-ده، مسیحه خیدمات اِتمِک اوچین بِرلِندیر و مسیح هِم بِدِنیمیز اوچین ایشلِیَندیر.‏

۱ قُرِنتُس‌لار 6:18

زینادان قاچینگ.‏ آدام هِر هیلی گونَه اِتسه-ده، اُل اُنونگ بِدِنینینگ داشیندادیر.‏ اِمّا زینا اِدیَن اُز بِدِنینه قارشی گونَه اِدیَندیر.‏

۲ قُرِنتُس‌لار 12:21

مِن یانینگیزا بارانیمدا، خوداییم مِنی اُوونگیزده اوتاندیرمادان قُرقیارین.‏ اُزال گونَه اِدیپ، اِدِن آخلاقسیزلیقلاری، زینالاری و آزماقلاری اوچین توبا اِتمِدیکلِرینگ کَنسی یانگا یاس توتمالی بُلارمیقام دییّپ قُرقیارین.‏

اِفِسُسلار 5:12

اُلارینگ اِدیَن اُغرین ایشلِری حاقدا حتّیٰ دیله گِتیرمِک-ده عاییپدیر.‏

اِفِسُسلار 5:5

شونی بیلیپ قُیونگ:‏ هیچ بیر زیناکَرینگ، آخلاقسیزینگ یا-دا حِریصچینینگ مسیحینگ و خودایینگ پادیشاهلیغیندا میراثی یُقدور.‏ چونکی شِیله آداملار بُت‌پَرَستلِر بیلِن دِس-دِنگدیر

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

کولُسیلِر 3:5

شُنونگ اوچین هِم دونیِوی طِبیغاتینگیزا دِگیشلی بُلان آزماغی، زیناکَرلیگی، پَکسیزلیگی، حارام کِیپی، تِلِکه هُوِسلِری و بُت‌پَرَستلیک بیلِن دِنگ حاساپلانیان حِریصچیلیگی اُلدورینگ.‏

۱ تِسالونیکیلِر 4:3

خودایینگ ایسلِگی شولاردیر:‏ مُقادِّس بُلونگ، زینا اِتمَنگ.‏

۱ تِسالونیکیلِر 4:7

چونکی خودای بیزی آخلاقسیزلیغا دَل-ده، مُقادِّس دورموشدا یاشاماغا چاغیردی.‏

۱ تیموتاوس 2:10

اُز یاخشی ایشلِرینه آوادانلانسینلار.‏ اُز تاقوالیدیقلارینی ایقرار اِدیَن آیال‍لارا شِیله اِتمِک یاراشیاندیر.‏

۱ تیموتاوس 3:3

عاراقخُر دَل و اوروشیان بُلمالی دَل-ده، میلاییم، داعوا-جِنجِلدِن داش دوریان، پولا قیزمایان آدام بُلمالیدیر.‏

۱ تیموتاوس 6:10

سِبَبی پول هُوِسی هِمّه بِلا-قاضانینگ سِبَبیدیر.‏ کَبیر آداملار اُنونگ عشقینا دوشوپ، ایماندان آزاشدیلار، اُزلِرینی کَن دِردلِره دوچار اِتدیلِر.‏

۲ تیموتاوس 3:2

آداملار دینگه اُزونی سُییَن، پولا هُوِسلی، اُزونی اُویَن، مَغرور، خودایا دیل یِتیریَن، اِنه-آتاسینا قولاق آسمایان، قادیر بیلمِز، دُغری بُلمییان،

تیتوس 1:11

اُلارینگ آغزینی باغلاماق گِرِک.‏ چونکی اُلار کِلیسالاردا اُورِتمِسیز زاتلاری اُورِدیپ، ماشغالالاری دویبوندِن دارغادیارلار.‏ اینگ یامان-دا، اُلار بولاری حاقسیز قازانماق اوچین اُورِدیَرلِر.‏

تیتوس 1:7

چونکی کِلیسانینگ باشلیقچیسی خودایا خیدمات اِدیَر.‏ شُنگا گُرَه-ده، اُل عایپسیز بُلمالیدیر.‏ اُل اُزدییِنلی، قاهارجانگ، عاراقخُر، اوروشیان بُلمالی دَل، حارام قازانچینگ ایزینا دوشمِیَن،

تیتوس 2:3

شُنونگ یالی، قارّی آیال‍لار هِم غیباتا، شِرابا یورِگینی بِرمَن، تِرسینه، خودایینگ خالقینا گِلیشیَن یُلدا یاشاپ، هِمّه‌لِره یاخشی زاتلاری اُورِتمِکلِرینی ناصیحاتلا.‏

عِبرانیلار 12:16

هیچ کیم آخلاقسیزلیق ایش اِتمِسین، ایلکینجی حاقینی بیر اُقارا آشا ساتان عیسو یالی خودایا حُرماتسیزلیق اِتمِسین.‏

۱ پِطرُس 5:2

چُپانلارینگ اُز سوروسینه باغیشی یالی، سیز هِم خودایینگ اُزونگیزه اینانانلاری بارادا فیکر اِدینگ.‏ مونی مِجبورلیق بیلِن دَل-ده، یورِگینگیز بیلِن اِدینگ.‏ اُلاردان پِیدالانماق اوچین دَل-ده، عشق و مِیل بیلِن قاراوولچیلیق اِدینگ.‏

۲ پِطرُس 2:10

باشغادا-دا، تِلِکه هُوِسلِرینه کُوالاشیپ، خودایینگ حُکومدارلیغینی اَهمییِت بِرمِیَنلِری-ده نَمه اِتجِگینی اُل بیلیَندیر.‏ بِیله آداملار اُزلِرینی باتیر بیلیپ، مَغرور بُلیارلار و آسمانداقی گویچلِره یامانلاماقدان قُرقمایارلار.‏

۲ پِطرُس 2:14

اُلارینگ زینادان گُزلِری دُیمایار، هیچ واقت گونَه‌نی بِس اِتمِیَرلِر.‏ اُلار اویتگَپ دوریان آداملاری دوزاغا دوشوریپ آزدیریارلار.‏ اُلارینگ قالبی آچگُزلیگه بِجِرلیپ، لَعنِتلِنِن آداملاردیر.‏

۲ پِطرُس 2:3

آچگُزلیکدِن یانگا بو یالان مُعلِّملِر اُز یالان حِکایاتلاری بیلِن سیزدِن پِیدالانانلار.‏ شُنونگ اوچین اُلارینگ جِزاسی قادیمدان تاییار دوراندیر و هِلَکچیلیگی بُلسا گیجَه قالماز.‏

آیانلیق 2:14

یُنه سانگا قارشی بیرنَچه آیتجاق زادیم بار.‏ سیزینگ آرانگیزدا بَلعامینگ تَعلیماتینگ ایزینا دوشیَنلِر بار.‏ بَلعام اسرائیل خالقینی گونَه‌نینگ تُرونا سالماغینگ یُلونی بالاقا اُورِتدی.‏ شِیدیپ، اسرائیل خالقی بُتا بِرلِن قربانلیغی اییّپ، زینا اِتدی.‏

آیانلیق 2:21

مِن اُنگا توبا اِتمَگه واقت بِردیم، اِمّا اُل آخلاقسیزلیغیندان یوز اُورِسی گِلِنُق.‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

آیانلیق 22:15

اِمّا ‏”‏ایتلِر“‏، جادوگَرلِر، زیناکَرلِر، قاتل‍لار، بُت‌پَرَستلِر، یالانی سُیوپ و اُنی عِمِل اِدیَنلِر شَهرینگ داشیندا قالارلار.‏

آیانلیق 9:21

اُلار آدام اُلدورمِکلِریندِن، جادوگَرلیکلِریندِن، زینادان و اُغورلیقلاریندان دَنمِدیلِر و توبا گِلمِدیلِر.‏