اِفِسُسلار 4:6 - مُقادِّس کیتاب

⁶ هِمّه‌لِرینگ آتاسی خودای-دا بیر، هِمّه زاتدان اوستون، هِمّه زادینگ اوستو بیلِن و هِمّه زاتدا بُلاندیر.‏

اِفِسُسلار 4:6 Iomraidhean Croise

مَتّیٰ 6:13

بیزی وِسوِسه‌لِردِن داش ساقلا و بیزی شِیطاندان آزاد اِت.‏ ‏[‏پادیشاهلیق، قودرات و بِییکلیک اِبِدی سِنینگکیدیر.‏ اَمین.‏]‏

مَتّیٰ 6:9

شُنونگ اوچین، شِیله دُغا اِدینگ:‏ اِی آسمانداقی آتامیز!‏ آدینگ مُقادِّس بُلسون!‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 17:26

مانگا بُلان سُیگینگ اُلاردا-دا بُلسون، مِن هِم اُلاردا بُلایین دییّپ، سِنینگ آدینگی اُلارا تانیتدیم و تانیتماغی دُوام اِدِرین.‏»‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

رومیلار 11:36

چونکی هِمّه بارلیق خودایدان بُلوپ، اُنونگ اوستو بیلِن و اُنونگ اوچیندیر!‏ اُنگا اِبِدی بِییکلیک بُلسون!‏ اَمین!‏

۱ قُرِنتُس‌لار 12:6

عِمِل‍لِر هِم هِر هیلیدیر، اِمّا هِر کیمده هِمّه زادی اِدیَن شُل بیر خودایدیر.‏

۱ قُرِنتُس‌لار 8:6

اِمّا بیزینگ اوچین یِکه خودای، یَعنی آتا باردیر، هِمّه زادینگ باشلانچیسی اُلدور.‏ بیز اُنونگ اوچین یاشایاندیریس.‏ بیزینگ اوچین یِکه حُکومدار عیسی مسیح بار، هِمّه زات هِم اُنونگ اوستو بیلِن یارادیلاندیر و بیز اُنونگ اوستو بیلِن یاشایاندیریس.‏

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

اِفِسُسلار 1:21

خودای مسیحی هِمّه حُکومدارلیقدان، ایختییارلیقدان، گویچ-قودراتدان و آقالیقدان، شِیله هِم دینگه بو زاماندا دَل، اُندان باشغا گِلجِک زاماندا-دا توتولجاق هِر بیر آددان خاص یُقاری قُیدی.‏

اِفِسُسلار 2:22

سیز هِم خودایینگ مُقادِّس روحونینگ اوستو بیلِن مِسکِنی بُلماق اوچین، هِمَّه‌نگیز بیرلیکده مسیحده بینا اِدیلیَرسینگیز.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

اِفِسُسلار 6:23

آتامیز خودایدان، تانگریمیز عیسی مسیحدِن دُغانلاریمیزا پاراحاتلیق، ایمان و سُیگی دیلِیَرین.‏

۱ یوحنا 3:24

خودایینگ حُکوملِرینی بِرجای اِدیَن آدام خودای بیلِن، خودای هِم اُنونگ بیلِن یاشایاندیر.‏ خودایینگ بیزینگ بیلِن یاشایاندیغینی اُنونگ هِر بیریمیزه بِرِن روحوندان بیلیَریس.‏