اِفِسُسلار 3:9 - مُقادِّس کیتاب

⁹ هِمّه زادی یارادان خودای قادیمدان بَری بو سیری اُز حوضوریندا ییغشیریپ ساقلادی، بو سیرینگ مَعنیسینینگ نَمِدیگینی ایندی هِر بیر اینسانا اَشکَر اِتمِکلیک مانگا بِریلدی.‏

اِفِسُسلار 3:9 Iomraidhean Croise

مَتّیٰ 10:27

قارانگقیلیقدا سیزه نَمه آیتسام، شُنی یاغتیلیقدا آیدینگ.‏ قولاغینگیزا آیدانیمی تاملارینگ اوستوندِن اِعلان اِدینگ.‏

مَتّیٰ 13:35

بو پیغامبار سِبَپلی آیدیلان شو سُزونگ بِرجای بُلماغی اوچیندی:‏ ‏«‏مِن سیزه میثال آیدیپ بِرِیین، دونیَه‌نی یارادیلان بَری گوزگین قالان سیرلاری بِیان اِدِیین.‏»‏

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

مَتّیٰ 28:19

شُنونگ اوچین هِم گیدینگ-ده، هِمّه میلِّتلِری مِنینگ شَگیردیم اِدینگ، اُلاری آتا، اُغول و مُقادِّس روحونگ آدیندان تَعمید بِرینگ.‏

لوقا 24:47

شِیله هِم توبا اِدیپ، گونَه‌لِرینینگ باغیشلانماغی باراداقی خوش خاباری اورشلیمدِن باشلاپ، هِمّه میلِّتلِره اُنونگ آدیندان واغیظ اِدیلمِلیدیر.‏

یوحنا 10:30

مِن و آتام بیردیریس»‏ دییّپ جُغاپ بِردی.‏

یوحنا 5:17

اِمّا عیسی اُلارا:‏ ‏«‏مِنینگ آتام شو گونه چِنلی ایشلَپ گِلیَر، مِن هِم ایشلِیَرین»‏ دییّپ جُغاپ بِردی.‏

یوحنا 5:19

عیسی اُلارا شِیله جُغاپ بِردی:‏ ‏«‏سیزه دُغروسینی آیدیارین، آتاسینینگ اِدِن زاتلارینی گُرمِسه، اُغول اُز-اُزوندِن هیچ زات اِدیپ بیلمِز.‏ آتاسی نَمه اِتسه، اُغول-دا شُنی اِدیَندیر.‏

رِسول‍لار 15:18

بولار قادیمدان معلیمدیر.‏

رومیلار 11:25

اِی عزیزلِر، سیز مَغرور بُلماز یالی، شو سیردان خابارلی بُلماغینگیزی ایسلِیَرین.‏ خودای باشغا میلِّتلِردِن سایلانلارینینگ بارینی نِجات بِریَنچَه، کَبیر اسرائیل‌لارینگ یورِگی یومشاماز.‏

۱ قُرِنتُس‌لار 2:7

بیز خودایینگ سیرلی و گوزگین ساقلانان حِکمِتینی آیدیاریس.‏ خودای بو حِکمِتی بیزینگ هِم اُنونگ بِییکلیگینَه شِریک بُلماغیمیز اوچین، اُنی دونیَه یارادیلمازدان اُنگ قارار اِدیپدی.‏

اِفِسُسلار 1:4

اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی.‏ بو اُنونگ گُونوندِن توروپ، اِراداسی بیلِن بُلدی.‏

اِفِسُسلار 3:2

اُز مِرحِمِتینی سیز یَهودی دَل‍لِره یِتیرمِک اوچین، خودایینگ مانگا آیراتین تابشیریق بِرِندیگینی، اِلبِتّه، اِشیدِنسینگیز.‏

اِفِسُسلار 6:19

هِر گِزِک کِپلَنیمده، گِرِکلی سُزلِر بِریلسین دییّپ، مِنینگ اوچین هِم خودایا دُغا اِدینگ.‏ شُندا مِن خوش خابارینگ سیرینی قُرقمان اِعلان اِدِرین.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 3:3

چونکی سیز اُلِنسینگیز، یاشاییشینگیز بُلسا مسیح بیلِن بیله خودایدا گوزگِنِندیر.‏

کولُسیلِر 4:3

بیزینگ اوچین هِم دُغا اِدینگ:‏ خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین.‏ اینه، شُنونگ اوچین هِم مِن زینداندادیرین.‏

۲ تِسالونیکیلِر 2:13

اِی تانگری عیسی طارافیندان سُیولیَن عزیزلِر!‏ سیز نِجات تاپیپ بیلِرینگیز یالی، خودای سیزی اُزالدان سایلادی.‏ سیز مُقادِّس روحونگ اوستو بیلِن پَکلِنیپ، حاقیقاتا بُلان ایمانینگیز سِبَبی نِجات تاپدینگیز.‏ شُنگا گُرَه-ده، بیز هِمیشه سیزینگ اوچین خودایا شوکور اِتمِلیدیریس.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۲ تیموتاوس 4:17

یُنه خودای مِنی یِکه قُیمادی.‏ خوش خابارینگ مِنینگ اوستوم بیلِن کَمیل واغیظ اِدیلیپ، هِمّه میلِّتلِرینگ هِم اُنی اِشیتمِگی اوچین، اُل مانگا گویچ-قووات بِردی.‏ شِیلِلیکده خودای مِنی اُلومینگ پِنجِسیندِن آزاد اِتدی.‏

تیتوس 1:2

خودایینگ بو یُلی باقی یاشاییش اومیدینی بِریَر.‏ سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،

۱ پِطرُس 1:20

مسیح دونیَه یارادیلمازدان اُنگ بِلِّنِن هِم بُلسا، سیزینگ خاطیرانگیزا بو زامانلارینگ آخیریندا آیان بُلدی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 14:6

سُنگرا مِن آسماندا اوچوپ یُرِن بیر پِریشدَه‌نی گُردوم.‏ اُل یِر یوزونده یاشایانلارا:‏ هِر میلِّته و طایفا، هِر دیله و هِر خالقا اِعلان اِتجِک بُلوپ، اِبِدی خوش خاباری گِتیریَردی.‏

آیانلیق 17:8

سِنینگ گُرِن جاناوارینگ بیرواقتلار باردی، یُنه ایندی یُق، و هِلَک بُلمازیندان اُنگ دویپسوز قوییدان چیقار.‏ یِر یوزونینگ یاشایانی، یَعنی دونیَه یارادیلانی بَری آدلاری یاشاییش دِفتِرینه یازیلمادیقلار بو جاناواری گُرِنلِرینده حایران قالارلار، سِبَبی اُل بیرواقتلار باردی، ایندی یُق، یُنه یِنه گِلِر.‏

آیانلیق 4:11

‏«‏یا تانگری خوداییمیز!‏ سِن بِییکلیگَه، حُرماتا و قودراتا میناسیپسینگ.‏ هِمّه زادی سِن یارادانسینگ.‏ هِمّه‌سی اِرادانگا گُرَه دُرِدیلدی و یارادیلدی»‏ دییَّرلِر.‏