اِفِسُسلار 2:8 - مُقادِّس کیتاب

⁸ چونکی سیز ایمانینگ اوستو بیلِن و خودایینگ مِرحِمِتی بیلِن نِجات تاپیلدینگیز.‏ بو سیزینگ اُز تاقالّانگیز بیلِن بُلمادی، دینگه خودایینگ ناغماتیدیر.‏

اِفِسُسلار 2:8 Iomraidhean Croise

مَتّیٰ 16:17

عیسی اُنگا شِیله دییدی:‏ ‏«‏نَهیلی خوشواقت سِن، اِی یونانینگ اُغلی شمعون!‏ بو سیری سانگا آیان اِدِن اینسان دَل-ده، آسمانداقی آتامدیر.‏

مَتّیٰ 20:9

شِیلِلیکده، اُیلَن ساغات بَشلِرده گِلِنلِرینگ هِر بیری بیر کوموش سِکّه آلیار.‏

مَرقُس 16:16

ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.‏

لوقا 7:50

عیسی بُلسا آیالا:‏ ‏«‏سِنی ایمانینگ نِجات بِردی، آرقایین گیدیبِر»‏ دییدی.‏

یوحنا 3:36

اُغلا ایمان گِتیرِن آدام اِبِدی یاشایشا اِیه بُلیار، اِمّا ایمان گِتیرمِیَن اِبِدی یاشایشا قاووشماز، اُندان باشغا اُل خودایینگ غاضابینا دوچار بُلیار.‏»‏

یوحنا 4:10

عیسی اُنگا:‏ ‏«‏سِن خودایینگ ناغماتینی و اُزونگدِن سو دیلَنینگ کیمدیگینی بیلسِدینگ، اُزونگ اُندان سو دیلَردینگ، اُل-دا سانگا یاشاییش سووونی بِرِردی»‏ دییدی.‏

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

یوحنا 6:35

عیسی اُلارا شِیله دییدی:‏ ‏«‏یاشاییش چُرِگی مِندیرین، مِنینگ یانیما گِلِن آصلا آجیقماز، مانگا ایمان گِتیرِن آصلا سوساماز.‏

یوحنا 6:37

آتامینگ مانگا بِرِن آداملارینینگ باری مِنینگ یانیما گِلِر، مِن اُز یانیما گِلِنلِری آصلا کُومارین.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

یوحنا 6:44

اِگِر مِنی ایبِرِن آتانینگ اُزی گِتیرمِسه، هیچ کیم مِنینگ یانیما گِلیپ بیلمِز.‏ یانیما گِلِن آدامی بُلسا، مِن آخیرات گون دیرِلدِرین.‏

یوحنا 6:65

اُل:‏ ‏«‏آتانینگ اُزی گِتیرمِسه، هیچ کیم مِنینگ یانیما گِلیپ بیلمِز دییّپ، مِن سیزه شُنونگ اوچین آیتدیم»‏ دییدی.‏

رِسول‍لار 14:27

انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر.‏

رِسول‍لار 15:11

یُق!‏ بیز اُزومیزینگ هِم، اُلارینگ هِم تانگریمیز عیسانینگ مِرحِمِتی بیلِن نِجات تاپیاندیغیمیزا اینانیاریس.‏»‏

رِسول‍لار 16:14

بیزی دینگلَپ اُتورانلارینگ آراسیندا لیدییه آدلی بیر سُوداگَر آیال هِم باردی.‏ اُل تیاتیرا شَهریندِن بُلوپ، ارغوان پارچالار ساتیاردی.‏ بو آیال خودایا عیبادات اِدیَردی.‏ پولسینگ سُزلِرینه قولاق آسماق اوچین، خودای اُنونگ یورِگینی آچدی.‏

رِسول‍لار 16:31

اُلار هِم:‏ ‏«‏تانگریمیز عیسی ایمان گِتیر، اُزونگ-ده، هِمّه اُی-ایچِرینگ-ده نِجات تاپارلار»‏ دییدیلِر.‏

رومیلار 10:14

یُنه تانگری عیسی ایمان گِتیرمِدیک آداملار، اُنی نَدیپ چاغیرسین؟ اُل بارادا اِشیتمِدیک آداملار، اُنگا نَدیپ ایمان گِتیرسین؟ مسیحینگ خوش خاباری بارادا واغیظ اِدیلمِسه، آداملار نَدیپ اِشیتسین؟

رومیلار 10:17

شونلوقدا، ایمان اِشیتمِکدِن، هاووا، عیسی مسیح حاقدَکی خوش خاباری اِشیتمِکدِن دُرِیَندیر.‏

رومیلار 4:16

شُنگا گُرَه-ده، بِرلِن واعدانی ایمانینگ اوستو بیلِن آلیپ بُلیاندیر.‏ واعدا مِرحِمِتلی سُوغات بُلوپ، ابراهیمینگ هِمّه نِسلینه – دینگه شِریغاتا اِیه بُلانلارا دَل، شِیله بُلسا ابراهیم یالی ایمان گِتیریَنلِرینگ بارینا دِگیشلیدیر.‏ مُقادِّس یازغیدا خودایینگ ابراهیما:‏ ‏«‏سِنی کَن میلِّتلِرینگ آتاسی اِتدیم»‏ دییشی یالی، ابراهیم خودایینگ ناظاریندا هِمَّه‌میزینگ آتامیزدیر.‏ سِبَبی اُل اُلولِری دیرِلدیَن و یُق زاتلاری بارلیغا چاغیریان خودایا ایمان گِتیردی.‏

رومیلار 4:5

اِمّا خودایسیزلاری آقلایان خودایا ایمان گِتیریَن آدام هیچ ایش اِتمِسه-ده، ایمان گِتیریَندیگی اوچین خودایینگ حوضوریندا آقلانیاندیر.‏

رومیلار 9:16

شُنونگ اوچین-ده، سایلانیپ-سِچیلمه آدامینگ ایسلِگینه یا-دا تاقالّاسینا دَل-ده، خودایینگ مِرحِمِتینه باغلیدیر.‏

غَلاطیه‌لِر 3:14

هاووا، عیسی مسیح اُزونینگ اوستو بیلِن بولارینگ بارینی ابراهیما بِرلِن بِرِکِتی یَهودی دَل‍لِره هِم یایراماغی اوچین، ایمانینگ اوستو بیلِن واعدا بِرلِن مُقادِّس روحی آلیپ بیلمِگیمیز اوچین اِتدی.‏

غَلاطیه‌لِر 3:22

اِمّا مُقادِّس یازغیلارینگ اِعلان اِتمِگینه گُرَه، بیزینگ هِمَّه‌میز گونَه دانگیلاندیریس.‏ خودای بُلسا بیزه واعدا بِرِنینی عیسی مسیحه ایمان گِتیریَنیمیز اوچین هُدورلِیَر.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

فیلیپیلِر 1:29

چونکی سیزه یِکه مسیحه ایمان گِتیرمِک دَل، اُندا اُنونگ خاطیراسینا قینچیلیق چِکمِک هِم بِرلِندیر.‏

کولُسیلِر 2:12

سیز تَعمیدده مسیح بیلِن بیله گُمیلدینگیز و اُنی اُلومدِن دیرِلدِن خودایینگ قودراتینا ایمان گِتیریپ، مسیح بیلِن بیرلیکده دیرِلدینگیز.‏

۲ تِسالونیکیلِر 1:9

اُلار تانگری عیسانینگ حوضوریندان و اُنونگ قودراتینینگ بِییکلیگیندِن ماحروم اِدیلیپ، اِبِدی هِلَکچیلیک جِزاسینی چِکِرلِر.‏

عِبرانیلار 6:4

کیم اُنگ بیر گِزِک خودایدان نورلانیپ، آسمانینگ ناغماتینی آلاندان سُنگرا، شِیله هِم مُقادِّس روحا شِریک بُلوپ، خودایینگ خوش خابارینینگ یاخشیلیغینی دادیپ، گِلجِکّی زامانینگ قودراتینی گُرِندِن سُنگرا، خودایدان یوز اُوروپ، یُلدان چیقسا، اُنی تَزه‌دِن توبا گِتیرمِک مومکین دَل.‏ سِبَبی اُل آدام خودایینگ اُغلونی قایتادان صلیبه چویلَپ، ایله رُسوا اِدیَندیر.‏

۱ پِطرُس 1:5

سیز ایمانینگیزینگ اوستو بیلِن خودایینگ قودراتی بیلِن تا نِجات تاپیانچانگیز قُریلیانسینگیز.‏ بو نِجات آخیرقی گونلِرده آیان بُلماغا تاییاردیر.‏