اِفِسُسلار 2:3 - مُقادِّس کیتاب

³ بیر واقتلار بیزینگ هِمَّه‌میز شُلار یالی یاشاماغی عادات اِدیندیک.‏ بیز اینسان طِبیغاتینینگ هُوِسلِرینه، ایسلِگلِرینه و فیکرلِرینینگ ایزینا دوشدیک.‏ شِیلِلیکده، بیز-ده بِیلِکیلِر یالی، اینسان طِبیغاتیمیزا گُرَه، خودایینگ غاضابینا دوچار بُلان آداملاردیق.‏

اِفِسُسلار 2:3 Iomraidhean Croise

مَرقُس 4:19

اِمّا دونیَه‌نینگ قایغیلاری، بایلیغا کُوالاشما و باشغا هُوِسلِر آرا گیریپ، سُزی بُغیار، شُنونگ اوچین سُز حاصیل بِرمِیَر.‏

یوحنا 1:13

اُلار نه تِن، نه اینسان ایسلِگیندِن، نه-ده اِرکِک هُوِسیندِن دُغوپدیلار، اُندان باشغا، خودای طارافیندان دُغلان فِرزِنتلِردیر.‏

یوحنا 8:44

سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

رِسول‍لار 14:16

گِچِن زاماندا خودای هِمّه خالقلارا اُز یُل‍لارینا گُرَه یُریمَگه اِجازا بِردی.‏

رومیلار 1:24

شُنونگ اوچین خودای اُلاری یورِکلِرینینگ گونَه‌لی هُوِسلِرینینگ اِدِن-اِتمیشلِرینه تابشیردی.‏ شو سِبَپدِن اُلار بیری-بیرینینگ بِدِنلِرینی آبرایسیز ایشلِری بیلِن بیحُرمات اِتدیلِر.‏

رومیلار 11:30

سیز هِم بیرواقتلار خودایا موطیع دَلدینگیز.‏ اِمّا اسرائیل‌لارینگ موطیع‌سیزلیغینینگ اوستو بیلِن خودایینگ سیزه مِرحِمِت اِدیشی یالی، اُلار-دا سیزه اِدیلِن مِرحِمِته یِتجِک بُلوپ، خودایا موطیع بُلمایارلار.‏

رومیلار 13:14

اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.‏

رومیلار 2:14

شِریغات یَهودی دَل‍لِره بِریلمِدی.‏ یُنه اُلار طِبیغاتا گُرَه شِریغات عِمِل‍لِرینگ ایزینا دوشوپ، بو شِریغاتینگ ایسلِگلِرینی بِرجای اِدِنلِرینده، شِریغاتی بیلمِسِلِر-ده، قاوی و یامان ایشلِری بیلینیَندیکلِرینی گُرکِزیَرلِر.‏

رومیلار 5:10

چونکی دوشمانقاق اُغلونینگ اُلومینینگ اوستو بیلِن خودای بیلِن یاراشان بُلساق، ایندی یاراشانیمیزدان سُنگ اُنونگ یاشاییشینینگ اوستو بیلِن نِجات تاپیلجاغیمیز هِم گورّونگسیزدیر.‏

رومیلار 5:9

شُنگا گُرَه-ده، مسیحینگ قانی بیلِن آقلانان بُلساق، اُنونگ اوستو بیلِن خودایینگ غاضابیندان نِجات تاپجاغیمیز هِم گورّونگسیزدیر.‏

رومیلار 6:12

سیز فانی بِدِنینگیزینگ گونَه‌لی هُوِسلِرینه دوشمِز یالی، گونَه‌نینگ اُز بِدِنینگیزه حُکوم سورمِگینه یُل بِرمَنگ.‏

رومیلار 7:18

مِنده، هاووا، اینسان طِبیغاتیمدا قاوی زادینگ یُقدوغینی آچیق بیلیَرین.‏ سِبَبی قاوی ایشلِری اِتمِگَه ایسلِگیم بُلسا-دا، اُلاری عِمِل اِتمِگی باشارمایارین.‏

رومیلار 9:22

خودای اُز قودراتینی گُرکِزمِک اوچین، هِلَکچیلیگه لاییق بُلان آداملارینگ اوستونه غاضابینی دُکوپ بیلیَر.‏ یُنه اُل اُزونی غاضابلاندیریان آداملارا اولی صابیر طاقاتلیق اِدیَندیر!‏

۱ قُرِنتُس‌لار 4:7

اُندا سیز بِیلِکیلِردِن اویتگِشیکمی؟ سیز اُزونگیزدَکیلِرینگ بارینی خودایدان آلمادینگیزمی نَمه؟ اِگِر اُندان آلان بُلسانگیز، نَمه اوچین اُزونگیز قازانان یالی قاباریارسینگیز؟

۲ قُرِنتُس‌لار 7:1

اِی سُیگولی دُستلاریم، خودای بیزه، اینه، شِیله واعدالاری بِریپدیر!‏ شُنونگ اوچین-ده، گِلینگ، بِدِنیمیزی و روحومیزی زییان یِتیریَن هِمّه زاتدان پَک اِدِیلینگ.‏ خودایدان قُرقوپ، کَمیل مُقادِّس بُلماغا چالیشایلینگ.‏

غَلاطیه‌لِر 3:22

اِمّا مُقادِّس یازغیلارینگ اِعلان اِتمِگینه گُرَه، بیزینگ هِمَّه‌میز گونَه دانگیلاندیریس.‏ خودای بُلسا بیزه واعدا بِرِنینی عیسی مسیحه ایمان گِتیریَنیمیز اوچین هُدورلِیَر.‏

اِفِسُسلار 2:2

اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

اِفِسُسلار 4:22

اُوال اُورِدیلیشی یالی، اُوالقی یاشاییشینگیزی، یالانچی هُوِسلِر بیلِن یُلدان چیقاران کُهنه اینسانییِتینگیزی چیقاریپ اُقلانگ.‏

کولُسیلِر 1:21

بیر واقتلار سیز اِدِن تِلِکه ایشلِرینگیز سِبَپلی فیکرینگیزده خودایدان آرا آچیقدینگیز، اُنگا دوشماندینگیز.‏

۱ تِسالونیکیلِر 4:13

اِی عزیزلِر، سیز-ده اومیدسیز آداملار یالی حاسرات چِکمِزلیگینگیز اوچین، یاتانلار باباتدا بیلمِگینگیزی ایسلِیَریس.‏

۱ تِسالونیکیلِر 5:6

شونلوقدا، اوقوداقی آداملار یالی بُلمایلینگ.‏ تِرسینه، اُیا و هوشیار بُلایلینگ.‏

۱ تیموتاوس 6:9

باییماقچی بُلیانلار بُلسا وِسوِسَه دوشوپ، زییانلی و پوچ هُوِسلِرینگ تُرونا چُلاشیاندیرلار.‏ بو هُوِسلِر اُلاری وِیرانچیلیغا و هِلَکچیلیگه ساتاشدیریاندیر،

تیتوس 3:3

بیز هِم دوشونجِسیز، موطیع‌سیز بُلوپ، یُلدان آزاشیپدیق، هِر هیلی هُوِسلِرینگ و کِیپی-صاپانینگ قول‍لارینا اُورولیپدیک، قاهارجانگدیق، باخیلدیق و بیری-بیریمیزدِن ییگرِنیَردیک.‏

۱ پِطرُس 1:14

موطیع فِرزِنتلِر یالی بُلونگ، اُزالقی نادان زامانینگیزداقی هُوِسلِرینگیزینگ ایزینا دوشمَنگ.‏

۲ پِطرُس 2:14

اُلارینگ زینادان گُزلِری دُیمایار، هیچ واقت گونَه‌نی بِس اِتمِیَرلِر.‏ اُلار اویتگَپ دوریان آداملاری دوزاغا دوشوریپ آزدیریارلار.‏ اُلارینگ قالبی آچگُزلیگه بِجِرلیپ، لَعنِتلِنِن آداملاردیر.‏

۲ پِطرُس 2:18

چونکی اُلار یالنگیش یُلدان تَزه قاچیپ آزاد بُلانلاری بُش و غُرورلی سُزلِری بیلِن تِلِکه کِیپه گویچلِندیریپ، اینسان هُوِسلِری بیلِن اُلاری دوزاغا دوشوریَرلِر.‏

۱ یوحنا 2:16

سِبَبی دونیَه‌دَکی هِمّه زاتلار:‏ تِن هُوِسلِری، آچگُزلیک و بایلیق بیلِن قابارماق آتادان دَلدیر، دونیَه‌دِندیر.‏

۱ یوحنا 2:8

اِمّا مِنینگ سیزه یازیان بو حُکومه تَزه دییسِنگ هِم بُلار، سِبَبی بو حُکمونگ حاقیقاتی مسیحده و سیزده اَشکَر بُلیار.‏ چونکی قارانگقیلیق گِچیپ باریار، حاقیقی نور بُلسا شو واقت پارلایاندیر.‏