اِفِسُسلار 2:2 - مُقادِّس کیتاب

² اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

اِفِسُسلار 2:2 Iomraidhean Croise

مَتّیٰ 11:19

اینسان اُغلی گِلدی، اُل هِم اییَّر، هِم ایچیَر، اُلار اُنگا:‏ ‏”‏اینه، بو اییِگِنه و عاراقخُرا سِراِدینگ!‏ اُل مالییات آلیانچیلار و گونَه‌کَرلِر بیلِن دُست بُلدی“‏ دییَّرلِر.‏ اِمّا حِکمِتینگ حاقدیغی اُز عِمِل‍لِری بیلِن تاصدیقلانار.‏»‏

مَتّیٰ 13:22

تیکِنلیگینگ آراسینا دوشِن تُخوم بُلسا بودور:‏ اُل سُزی اِشیدیَر، یُنه دونیَه‌نینگ قایغیلاری، بایلیغینگ هُوِسی اُنی بُغیار و سُز حاصیلسیز بُلیار.‏

مَتّیٰ 13:38

اِکینچیلیگی بُلسا دونیَه‌دیر.‏ قاوی تُخوم آسمانینگ پادیشاهلیغینینگ فِرزِنتلِریدیر.‏ بیدِرِک اُتلار بُلسا شِیطانینگ فِرزِنتلِریدیر.‏

مَرقُس 4:19

اِمّا دونیَه‌نینگ قایغیلاری، بایلیغا کُوالاشما و باشغا هُوِسلِر آرا گیریپ، سُزی بُغیار، شُنونگ اوچین سُز حاصیل بِرمِیَر.‏

لوقا 16:8

‏«‏آقاسی بو حیله‌گَر ایش دُلاندیریجینی یُلونی تاپاندیغی اوچین اُودی.‏ بو زامانینگ آداملاری اُز نِسلینه قارشی حِرِکِت اِتمِکده نورداقی اینسانلاردان فَهیملیدیر.‏

لوقا 22:31

اُنسُنگ عیسی سُزونی دُوام اِدیپ:‏ ‏«‏اِی شمعون، شمعون!‏ شِیطان سیزی بوغدای یالی سُوورماق اوچین دیلِدی.‏

یوحنا 12:31

ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏

یوحنا 13:2

شام واقتیدی.‏ شِیطان اِییَم شمعونینگ اُغلی یهودا اِسخریوطینینگ یورِگینَه عیسی خایینلیق اِتمِک فیکرینی سالیپدی.‏

یوحنا 13:27

چُرِگی آلان واقتینا، یهودانینگ ایچینه شِیطان گیردی.‏ عیسی اُنگا:‏ ‏«‏نَمه اِتجِک بُلسانگ، تیزرَک اِت»‏ دییدی.‏

یوحنا 14:30

مانگا ایندی سیزینگ بیلِن کِپلِشِره کَن واقت قالمادی، سِبَبی بو دونیَه‌نینگ رِییسی گِلیَر.‏ اُنونگ مِن باباتدا هیچ هیلی ایختییاری یُقدور.‏

یوحنا 15:19

دونیَه‌دِن بُلان بُلسادینگیز، دونیَه سیزی اُزونینگکیلِر کیمین سُیِردی.‏ اِمّا سیز بو دونیَه دِگیشلی دَلسینگیز.‏ مِن سیزی بو دونیَه‌دِن سایلاپ آلدیم.‏ اینه، شُنونگ اوچین هِم، دونیَه سیزی ییگرِنیَر.‏

یوحنا 16:11

حُکوم باباتدا آیتسام، بو دونیَه‌نینگ رِییسی مَحکوم اِدیلِندیر.‏

یوحنا 7:7

دونیَه سیزی ییگرِنیپ بیلمِز، اِمّا مِنی ییگرِنیَر، سِبَبی مِن اُنونگ ایشلِرینینگ تِلِکه‌دیگینه شاهاتلیق اِدیَرین.‏

یوحنا 8:23

عیسی اُلارا:‏ ‏«‏سیز آشاقدانسینگیز، مِن یُقارداندیرین.‏ سیز بو دونیَه‌دِنسینگیز، مِن بُلسا، بو دونیَه‌دِن دَلدیرین.‏

یوحنا 8:44

سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

رِسول‍لار 19:35

شَهرینگ شَهرداری جِماغاتی کُشیشدیریپ، شِیله دییدی:‏ ‏«‏اِی اِفِسُسلار!‏ بِییک آرتِمیس عیباداتخاناسینینگ و آسماندان اینِن صوراتینینگ قُرییانچیسینینگ اِفِسُس شَهریدیگینی کیم بیلمِیَر؟

رِسول‍لار 5:3

پِطرُس اُنگا شِیله دییدی:‏ ‏«‏حَنانیا، نَمه اوچین سِن شِیطانا قالبینگدان جای بِردینگ؟ سِن مُقادِّس روحا یالان آیدیپ، پولونگ بیر بُلِگینی اُزونگه آلیپ قالدینگ.‏

رومیلار 12:2

بو دونیَه‌نینگ یُل‍لارینا مِنگزِشجِک بُلمانگ.‏ تِرسینه، فیکرلِرینگیزی تَزه‌لَپ، اویتگِدینگ.‏ شِیتسِنگیز، خودایینگ ایسلِگینه دوشونمِگی، یَعنی نَمه زات قاوی، حالایانی و کَمیلدیگینی بیلمِگی باشارارسینگیز.‏

۱ قُرِنتُس‌لار 5:10

یُنه مِن شِیله یازانیمدا بو دونیَه‌نینگ آداملارینی، یَعنی آخلاقسیزلاری یا-دا آچگُزلِری، حیله‌گَرلِری یا-دا بُت‌پَرَستلِری حاسابا گِتیرمِدیم.‏ بِیله بُلسا، سیز بو دونیَه‌نی بیراِییَم تِرک اِتمِلی بُلاردینگیز.‏

۱ قُرِنتُس‌لار 6:11

سیزینگ-ده کَبیرلِرینگیز اُزال شُلار یالیدینگیز.‏ یُنه سیز تانگریمیز عیسی مسیحینگ آدی بیلِن و خوداییمیزینگ روحونینگ اوستو بیلِن یووولدینگیز و خودایینگ تاقوالی خالقی بُلوپ، پَکلِندینگیز.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

غَلاطیه‌لِر 1:4

آتامیز خودای اِراداسینا گُرَه، عیسی مسیح بیزی شو بِتِرلییَن اِییَمدِن آزاد اِتمِکچی بُلوپ، گونَه‌لِریمیز اوچین اُز جانینی بِردی.‏

اِفِسُسلار 1:21

خودای مسیحی هِمّه حُکومدارلیقدان، ایختییارلیقدان، گویچ-قودراتدان و آقالیقدان، شِیله هِم دینگه بو زاماندا دَل، اُندان باشغا گِلجِک زاماندا-دا توتولجاق هِر بیر آددان خاص یُقاری قُیدی.‏

اِفِسُسلار 2:11

شُنونگ اوچین، اِی یَهودی بُلمان دونیَه گِلِنلِر!‏ شونی یادینگیزا سالینگ، بِدِنده آدام اِلی بیلِن عِمِله گِلِن سونِّتلیلیک بیلِن سونِّتلی دییّپ آیدیانلارینگ طارافیندان سونِّتسیز دییلِن سیز.‏

اِفِسُسلار 2:13

اِمّا بیرواقتلار خودایدان اوزاق بُلان سیز ایندی عیسی مسیحینگ دُکِن قانی بیلِن اُنگا یاقینلاشدینگیز.‏

اِفِسُسلار 2:3

بیر واقتلار بیزینگ هِمَّه‌میز شُلار یالی یاشاماغی عادات اِدیندیک.‏ بیز اینسان طِبیغاتینینگ هُوِسلِرینه، ایسلِگلِرینه و فیکرلِرینینگ ایزینا دوشدیک.‏ شِیلِلیکده، بیز-ده بِیلِکیلِر یالی، اینسان طِبیغاتیمیزا گُرَه، خودایینگ غاضابینا دوچار بُلان آداملاردیق.‏

اِفِسُسلار 4:17

شُنونگ اوچین عیسی مسیحینگ آدیندان سیزه شونی بویوریارین:‏ موندان بِیلَک بیگانه میلِّتلِر یالی بُش دوشونجِلِر بیلِن یاشامانگ.‏

اِفِسُسلار 4:22

اُوال اُورِدیلیشی یالی، اُوالقی یاشاییشینگیزی، یالانچی هُوِسلِر بیلِن یُلدان چیقاران کُهنه اینسانییِتینگیزی چیقاریپ اُقلانگ.‏

اِفِسُسلار 5:6

هیچ کیم سیزی بُش سُزلِر بیلِن آلداماسین.‏ شو زاتلار سِبَپلی خودایینگ غاضابی اُزونه موطیع‌سیزلارینگ اوستوندِن اینیَندیر.‏

اِفِسُسلار 5:8

یادینگیزدامی، بیر واقتلار سیز قارانگقیدینگیز، یُنه ایندی مسیحینگ اوستو بیلِن نورسینگیز.‏ شُنونگ اوچین نورینگ فِرزِنتلِری یالی بُلوپ یاشانگ.‏

اِفِسُسلار 6:12

سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس.‏

کولُسیلِر 1:21

بیر واقتلار سیز اِدِن تِلِکه ایشلِرینگیز سِبَپلی فیکرینگیزده خودایدان آرا آچیقدینگیز، اُنگا دوشماندینگیز.‏

۲ تیموتاوس 4:10

سِبَبی دیماس بو دونیَه‌نینگ عشقی اوچین، مِنی تِرک اِدیپ، تِسالونیکیَه گیتدی.‏ کریسکیس غَلاطیه و تیتوس هِم دِلماتیَه گیتدی.‏

یعقوب 1:27

آتامیز خودایینگ ناظاریندا پَک هِم عاییبسیز دیندارلیق یِتیملِرینگ و دول آیال‍لارینگ قین گونونده خابارینی آلماقدان عیباراتدیر و شِیله هِم بو دونیَه‌نینگ یامانلیغیندان اُزونگی داش ساقلاماقدیر.‏

یعقوب 1:7

شِیله آدام خودایدان بیر زات آلارین دییّپ گومَن اِتمِسین.‏

یعقوب 4:4

اِی بیوِفالار، دونیَه بیلِن دُستلوق خودایا دوشمان بُلیاندیغینی بیلمِیَرسینگیزمی؟ کیم دونیَه بیلِن دُست بُلسا، خودایا دوشمان بُلیاندیر.‏

۱ پِطرُس 1:14

موطیع فِرزِنتلِر یالی بُلونگ، اُزالقی نادان زامانینگیزداقی هُوِسلِرینگیزینگ ایزینا دوشمَنگ.‏

۱ پِطرُس 4:3

گِچمیشده سیز خودایی تانیمایان میلِّتلِرینگ حالایان زاتلارینی یِرینه یِتیریپ یاشانینگیز بِسدیر.‏ شُل زامانلاری سیز آخلاقسیزلیقدا، کِیپ چِکمِکده، سِرخُشلوقدا، عایش-عِشرِتده و ییگرِنجی بُت‌پَرَستلیکده گِچیردینگیز.‏

۲ پِطرُس 2:14

اُلارینگ زینادان گُزلِری دُیمایار، هیچ واقت گونَه‌نی بِس اِتمِیَرلِر.‏ اُلار اویتگَپ دوریان آداملاری دوزاغا دوشوریپ آزدیریارلار.‏ اُلارینگ قالبی آچگُزلیگه بِجِرلیپ، لَعنِتلِنِن آداملاردیر.‏

۱ یوحنا 3:10

کیمینگ خودایینگ فِرزِندیدیگی، کیمینگ بُلسا شِیطانینقیدیغی شوندان بِلّی:‏ دُغری ایش اِتمِیَن و دُغانینی سُیمِیَن آدام خودایدان دَلدیر.‏

۱ یوحنا 3:8

گونَه اِدیَن آدام شِیطانا دِگیشلیدیر، سِبَبی شِیطان باشلانان زاماندان بَری گونَه اِدیپ گِلیَندیر.‏ اِمّا خودایینگ اُغلی شِیطانینگ ایشلِرینی باطیل اِتمِک اوچین گِلدی.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏

۱ یوحنا 5:4

چونکی خودایینگ هِر بیر فِرزِندی دونیَه‌نی یِنگمِگی باشاریاندیر.‏ بیز دونیَه‌نینگ اوستوندِن بو یِنگشی ایمانیمیزینگ اوستو بیلِن قازانیاریس.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 13:14

بو جاناوار بیرینجی جاناوارینگ آدیندان عالاماتلار گُرکِزیپ، یِر یوزونده یاشایانلاری آلداوا سالیاردی.‏ اُل قیلیچ بیلِن اُلدوریَن یارا سالناندیغینا باقمازدان، دیرِلِن جاناوارینگ مُجِسِّمه‌سینی بِجِرمِگی یاشایانلارا تابشیردی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 16:17

یِدینجی پِریشده کَسه‌سینی هُوا سِرپیپ گُیبِردی.‏ عیباداتخاناداقی تاختدان:‏ ‏«‏یِرینه یِتدی!‏»‏ دییِن قاتی بیر سِس اِشیدیلدی.‏

آیانلیق 20:2

پِریشده اژدهانی، یَعنی اِبلیس یا-دا شِیطان دییلیپ آدلاندیریلیان قادیمی ییلانی توتدی-دا، مونگ ییلاپ زینجیرلادی.‏