اِفِسُسلار 1:4 - مُقادِّس کیتاب

^4-5 اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی.‏ بو اُنونگ گُونوندِن توروپ، اِراداسی بیلِن بُلدی.‏

اِفِسُسلار 1:4 Iomraidhean Croise

مَتّیٰ 24:22

اُل گونلِر قیسغالدیلمادیق بُلسادی، اُندا هیچ کیم نِجات تاپمازدی، اِمّا سایلانانلارینگ خاطیراسینا اُل گونلِر قیسغالدیلار.‏

مَتّیٰ 24:24

چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر.‏

مَتّیٰ 24:31

اُل اولی سورنای سِسی بیلِن اُز پِریشده‌لِرینی یُل‍لار.‏ پِریشده‌لِر اُنونگ سایلانلارینی آسمانینگ بیر اوجوندان بِیلِکی اوجونا چِنلی، دونیَه‌نینگ دُرت بورجوندان ییغنارلار.‏

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

یوحنا 10:16

مِنینگ بو آخُردان باشغا-دا قُیونلاریم بار.‏ مِن اُلاری هِم ییغنامالیدیرین.‏ اُلار هِم مِنینگ سِسیمی اِشیدِرلِر، شُندا بیر سوری، بیر چُپان بُلار.‏

یوحنا 15:16

سیز مِنی دَل-ده، مِن سیزی سایلادیم.‏ مِن سیزینگ گیدیپ، هیچ سُلمایان میوه بِرمِگینگیز اوچین سایلاپ-سِچدیم.‏ شُنگا گُرَه مِنینگ آدیم بیلِن آتادان نَمه دیلِسِنگیز، اُل سیزه بِرِر.‏

یوحنا 17:24

اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین.‏ شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر.‏ چونکی سِن مِنی دونیَه یارادیلمازدان اُنگ سُییَردینگ.‏

رِسول‍لار 13:48

میلِّتلِر مونی اِشیدِنلِرینده شاتلانیپ، خودایینگ سُزونَه اولی حُرمات قُیدولار.‏ شِیلِلیکده، اِبِدی یاشاییش اوچین سایلانانلارینگ هِمّه‌سی ایمان گِتیردیلِر.‏

رِسول‍لار 15:18

بولار قادیمدان معلیمدیر.‏

رِسول‍لار 18:10

مِن سِنینگ بیلِندیرین، هیچ کیم سانگا آزار بِرمِز، یامانلیق اِتمِز، سِبَبی بو شَهرده مِنینگ خالقیمینگ سانی کَندیر.‏»‏

رومیلار 8:33

خودایینگ سایلاپ-سِچِنلِرینی عاییپلاماغا کیم دِگیپ بیلِر؟ هیچ کیم، سِبَبی اُلاری خودایینگ اِدیل اُزی آقلایار!‏

۱ قُرِنتُس‌لار 1:8

تانگریمیز عیسی مسیحینگ گِلجِک گونونده عایپسیز بُلماغینگیز اوچین، اُنونگ اُزی سیزی آخیرا چِنلی قاییم ساقلار.‏

غَلاطیه‌لِر 5:13

اِی عزیزلِریم!‏ سیز آزاد بُلماغا چاغیریلانسینگیز.‏ یُنه بو آزادلیغینگیزی اینسان هُوِسلِرینگیزی راضی اِتمِک اوچین پِیدالانمانگ.‏ قایتام، بیری-بیرینگیزی سُیگی بیلِن خیدمات اِدینگ.‏

غَلاطیه‌لِر 5:22

اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

اِفِسُسلار 4:2

خاص فُروتَن هِم میلاییم بُلونگ.‏ صابیر-طاقاتلی بُلوپ، سُیگی بیلِن بیری-بیرینگیزه جیدانگ.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

اِفِسُسلار 5:27

اُل مونی اُز حوضورینا کیرلی، ییغریق یا-دا کِم دَل-ده، بِییکلیکدَه مُقادِّس هِم عایپسیز بیر یاغتی کِلیسانی گِتیرمِک اوچین اِتدی.‏

فیلیپیلِر 2:15

شُندا سیز اِگری و آزان نِسلینگ آراسیندا اِدیل جاهانداقی ییلدیزلار یالی پارلایان، خودایینگ تاقصیرسیز، پَک و عایپسیز فِرزِنتلِری بُلارسینگیز.‏

کولُسیلِر 1:22

اِمّا ایندی بُلسا خودای سیزی اُز حوضوریندا مُقادِّس، عایپسیز و تُهمِتسیز اِتمِک اوچین، مسیحینگ اینسانی بِدِنینینگ اُلومی بیلِن اُزی بیلِن یاراشدیردی.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

کولُسیلِر 3:12

شُنونگ اوچین هِم، اِی خودایینگ سایلان مُقادِّس هِم عزیز خالقی!‏ رِحم-شِپاقات، مِهرِبانلیق، فُروتَنلیک، میلاییملیق و صابیر-طاقاتلیق بیلِن گِیینینگ.‏

۱ تِسالونیکیلِر 3:12

بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.‏

۱ تِسالونیکیلِر 4:7

چونکی خودای بیزی آخلاقسیزلیغا دَل-ده، مُقادِّس دورموشدا یاشاماغا چاغیردی.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۲ تیموتاوس 2:10

اینه، اِدیل شو سِبَپدِن، سایلانانلار هِم باقی بِییکلیک بیلِن بیرلیکده عیسی مسیحینگ اوستو بیلِن نِجات تاپار یالی، اُلارینگ خاطیراسینا هِمّه زادا جیدایارین.‏

۲ تیموتاوس 2:19

اِمّا هِر نَهیلی بُلسا-دا، خودایینگ توتان بُنیادی قاییم دوراندیر.‏ بو بُنیاد ‏«‏خودای اُزونینگکیلِری تانییاندیر»‏ و ‏«‏خودایینگ آدینی ایقرار اِدیَن هِر کِس یامانلیقدان اوزاق دورسون»‏ دییِن سُزلِر بیلِن مُهورلِنِندیر.‏

یعقوب 2:5

قولاق آسینگ، اِی عزیزلِریم!‏ خودای بو دونیَه‌ده قاریپلاری ایماندا بای بُلماقلاری اوچین سایلامادیمی؟ خودای اُزونی سُییَنلِره واعدا بِرشی یالی، قاریپلاری پادیشاهلیغینی میراث آلماقلاری اوچین سایلامادیمی نَمه؟

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۱ پِطرُس 1:20

مسیح دونیَه یارادیلمازدان اُنگ بِلِّنِن هِم بُلسا، سیزینگ خاطیرانگیزا بو زامانلارینگ آخیریندا آیان بُلدی.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۲ پِطرُس 3:14

شُنگا گُرَه-ده، اِی عزیزلِر، بولارا قاراشیاندیغینگیز اوچین، خودایینگ ناظاریندا پاراحاتلیقدا یاشاپ، پَک و عایپسیز بُلماغا چالیشینگ.‏

۱ یوحنا 4:16

خودایینگ بیزه بُلان سُیگوسینه گُز یِتیریپ، بو سُیگَه اینانیاریس.‏ خودای سُیگودیر.‏ سُیگوده یاشایان آدام خودای بیلِن، خودای هِم اُنونگ بیلِن یاشایاندیر.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 17:8

سِنینگ گُرِن جاناوارینگ بیرواقتلار باردی، یُنه ایندی یُق، و هِلَک بُلمازیندان اُنگ دویپسوز قوییدان چیقار.‏ یِر یوزونینگ یاشایانی، یَعنی دونیَه یارادیلانی بَری آدلاری یاشاییش دِفتِرینه یازیلمادیقلار بو جاناواری گُرِنلِرینده حایران قالارلار، سِبَبی اُل بیرواقتلار باردی، ایندی یُق، یُنه یِنه گِلِر.‏