اِفِسُسلار 1:18 - مُقادِّس کیتاب

^18-20 خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 1:18 Iomraidhean Croise

مَتّیٰ 13:15

چونکی بو خالقینگ یورِگی قاتیدی، قولاقلاری آغرالدی، گُزلِری یومولدی.‏ یُغسام گُزلِری بیلِن گُروپ، قولاقلاری بیلِن اِشیدِردیلِر، یورِکلِری بیلِن دوشونیپ، یِنه مانگا طاراف دُلاناردیلار، مِن هِم اُلارا شِفا بِرِردیم“‏.‏

مَرقُس 10:17

عیسی یانگی یُلا دوشِن ماحالی بیر آدام یُرتوپ گِلدی-ده، اُوونده دیزا چُکوپ، اُندان:‏ ‏«‏اِی یاخشی اُستاد!‏ مِن اِبِدی یاشایشی میراث آلماق اوچین نَمه اِتمِلی؟»‏ دییّپ سُرادی.‏

لوقا 24:45

سُنگرا مُقادِّس یازغیلارا دوشونمِکلِری اوچین، اُلارینگ فیکرلِرینی آچدی.‏

رِسول‍لار 16:14

بیزی دینگلَپ اُتورانلارینگ آراسیندا لیدییه آدلی بیر سُوداگَر آیال هِم باردی.‏ اُل تیاتیرا شَهریندِن بُلوپ، ارغوان پارچالار ساتیاردی.‏ بو آیال خودایا عیبادات اِدیَردی.‏ پولسینگ سُزلِرینه قولاق آسماق اوچین، خودای اُنونگ یورِگینی آچدی.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رومیلار 11:29

چونکی خودای بِرِن ناغماتلارینی و اُز چاغیریشینی ایزینا قایتاریپ آلمایار.‏

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

غَلاطیه‌لِر 5:5

بیز بُلسا مُقادِّس روحا دایانیپ، اومید باغلایان تاقوالی بُلمامیزا ایمان بیلِن قاراشیاندیریس.‏

اِفِسُسلار 1:11

هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

اِفِسُسلار 2:12

شُل واقتلار سیز مسیحدِن آیریدینگیز، اسرائیل میلّیِتیندِن ماحرومدینگیز، خودایینگ اُز خالقینا اِدِن عَهدی-واعدالاری سیزه باغلی دَلدی.‏ سیز بو دونیَه‌ده خودایسیز و اومیدسیزدینگیز.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

اِفِسُسلار 4:4

سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر.‏

اِفِسُسلار 5:8

یادینگیزدامی، بیر واقتلار سیز قارانگقیدینگیز، یُنه ایندی مسیحینگ اوستو بیلِن نورسینگیز.‏ شُنونگ اوچین نورینگ فِرزِنتلِری یالی بُلوپ یاشانگ.‏

فیلیپیلِر 3:14

مِن خودایینگ عیسی مسیحده آسمانداقی یاشایشا چاغیریان بایراغینی آلماق اوچین، ماقصادیما طاراف تاقالّا اِدیپ یُرتیارین.‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 1:5

بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار.‏ سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

کولُسیلِر 3:15

قالبینگیزدا مسیحینگ پاراحاتلیغی حُکوم سورسون.‏ چونکی سیز بیر بِدِنینگ ‌اعضالاری بُلوپ، بو پاراحاتچیلیغا چاغیریلانسینگیز و شوکورلی بُلونگ.‏

۱ تِسالونیکیلِر 5:8

بیز بُلسا گوندیزه دِگیشلیدیریس.‏ خودای بیزی غاضابا دوچار بُلماغا دَل، شِیله بُلسا تانگریمیز عیسی مسیحینگ اوستو بیلِن نِجات تاپماغا بِلِّدی.‏ شُنگا گُرَه-ده، اِگنیمیزه ایمان بیلِن سُیگینی زِره حُکمونده، باشیمیزا نِجات تاپماق اومیدینی دِمیردِن تِلفِک حُکمونده گِییپ، هوشیار بُلایلینگ.‏

۲ تِسالونیکیلِر 1:11

شُنگا گُرَه-ده، بیز هِمیشه سیزینگ اوچین دُغا اِدیَریس، قُی، خودای سیزی اُز چاغیریشینا میناسیپ حاساپلاسین و هِمّه یاخشی نییِتلِرینگیزی و ایماندان عِمِل آلان هِر بیر ایشینی خودای اُز قودراتی بیلِن یِرینه یِتیرسین.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

۱ تیموتاوس 6:12

ایمان اوغرونداقی گُرِشده باتیرلیق بیلِن گُرِش و باقی یاشایشی اُزونگه ماقصات اِدین.‏ خودای سِنی مونگا چاغیردی، شُندا سِن هِم ایمانینگی کَن شاهادینگ اُوونده قاوی ایقرار اِدِنسینگ.‏

تیتوس 2:13

بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس.‏

عِبرانیلار 10:32

اُوالقی گونلِرینگیزی یادینگیزا سالینگ.‏ شُندا سیز خودایدان نورلانیپ، عاذاپ و زَحمِتلِره جیداپدینگیز.‏

عِبرانیلار 6:4

کیم اُنگ بیر گِزِک خودایدان نورلانیپ، آسمانینگ ناغماتینی آلاندان سُنگرا، شِیله هِم مُقادِّس روحا شِریک بُلوپ، خودایینگ خوش خابارینینگ یاخشیلیغینی دادیپ، گِلجِکّی زامانینگ قودراتینی گُرِندِن سُنگرا، خودایدان یوز اُوروپ، یُلدان چیقسا، اُنی تَزه‌دِن توبا گِتیرمِک مومکین دَل.‏ سِبَبی اُل آدام خودایینگ اُغلونی قایتادان صلیبه چویلَپ، ایله رُسوا اِدیَندیر.‏

۱ پِطرُس 1:3

تانگریمیز عیسی مسیحینگ آتاسی خودایا اُوگیلِر بُلسون!‏ اُل اُز بِییک مِرحِمِتینه گُرَه، عیسی مسیحینگ اُلومدِن دیرِلمِگینینگ اوستو بیلِن بیزی تَزه دُغولماغا و دیری اومیدینا قاوشوردی.‏

۱ پِطرُس 3:9

یامانلیغا یامانلیق، سِوِنه سِومِک بیلِن جُغاپ بِرمَنگ.‏ عُوِضینه، بِرِکِت دیلِمِک بیلِن جُغاپ بِرینگ، سِبَبی سیز بِرِکِتینگ میراثی بُلماق اوچین مونگا چاغیریلانسینگیز.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏