۲ تیموتاوس 3:8 - مُقادِّس کیتاب

⁸ یَنّیس بیلِن یَمبریسینگ موسی قارشی چیقیشی یالی، بو آداملار هِم حاقیقاتا قارشی چیقیاندیرلار.‏ اُلارینگ فیکری ضایالانان و ایمانلاری رِد اِدیلِندیر.‏

۲ تیموتاوس 3:8 Iomraidhean Croise

رِسول‍لار 15:24

‏«‏بیزینگ اِشیدیشیمیزه گُرَه، آرامیزدان کَبیرلِری باریپ، اُز سُزلِری بیلِن سیزی قُرقا سالیپ، فیکرینگیزی بولاشدیریپدیرلار.‏ اِمّا اُلاری بیز ایبِرمِدیک.‏

رومیلار 1:28

بو آداملار خودایی تانیمالیدیر دییّپ اَهمییِت بِرمِدیلِر.‏ شُنگا گُرَه-ده، خودای اُلاری آخلاقسیز فیکرلِرینه تابشیریپ، اِدیلمِسیز زاتلاری اِتمِکلِرینه یُل بِردی.‏

رومیلار 16:18

چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر.‏ اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار.‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

۱ تیموتاوس 1:19

ایماندا قاییم دوروپ، وِجدانینگی پَک ساقلا.‏ کَبیر آداملار وِجدانلارینی آیاق آشاق قُیاندیغی اوچین، ایمانلاری قایا اورلان کِشتی کیمین آورام-آورام بُلدی.‏

۱ تیموتاوس 4:2

بو تَعلیماتلار وِجدانلارینی یوودان ایکی‌یوزلی و یالانچیلار طارافیندان یایرادیلیار.‏

۱ تیموتاوس 6:5

بولار اوچین فیکرلِری ضایالانان آداملارینگ آراسیندا اُنگوشماسیزلیقلار یوزه چیقیار.‏ اُلار حاقیقاتی پُزوپ، خودایینگ یُلی قازانچ یُلودیر دییّپ گومَن اِدیَرلِر.‏

۲ تیموتاوس 4:15

سِن هِم اُندان خاباردار بُل، سِبَبی اُل بیزینگ آیدیانلاریمیزینگ بارینا قاتی قارشی چیقیپدی.‏

تیتوس 1:10

سِبَبی فیتنه‌چیلِر، بُش سُزلیلِر و آلدییانچیلار دییسِنگ کَندیر.‏ شِیله آداملار، اِساسان-دا، نِجات تاپماق اوچین سونِّت اِدیلمِلیدیگینی ماصلاحات بِریَنلِرینگ آراسیندا باردیر.‏

تیتوس 1:16

اُلار خودایی تانییاریس دییسِلِر-ده، اِدیَن ایشلِرینده اُنی رِد اِدیَندیرلِر.‏ اُلار ییگرِنجی، موطیع‌سیز بُلوپ، یاخشیلیق اِتمِگینگ نَمِدیگینی-ده بیلمِیَرلِر.‏

۲ پِطرُس 2:14

اُلارینگ زینادان گُزلِری دُیمایار، هیچ واقت گونَه‌نی بِس اِتمِیَرلِر.‏ اُلار اویتگَپ دوریان آداملاری دوزاغا دوشوریپ آزدیریارلار.‏ اُلارینگ قالبی آچگُزلیگه بِجِرلیپ، لَعنِتلِنِن آداملاردیر.‏

۱ یوحنا 2:18

اِی بالالار، بو دونیَه‌نینگ آخیرقی گونلِری یِتیپ گِلِندیر.‏ سیز مسیحه قارشی چیقیان دوشمانینینگ گِلجِکدیگینی اِشیدِنسینگیز.‏ اِدیل شو واقت هِم مسیحه قارشی چیقیانلارینگ اِنچِمه‌سی گُروندی.‏ اینه، بو واقالاردان بیز دونیَه‌نینگ آخیرقی گونلِرینینگ یِتیپ گِلِندیگینی بیلیَریس.‏

۱ یوحنا 4:1

عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ.‏ اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ.‏ سِبَبی دونیَه‌ده اِنچِمه یالان نِبیلِر گُروندی.‏

آیانلیق 2:20

اِمّا سانگا قارشی بیر آیتجاق زادیم بار:‏ سِن اُزونی نِبیه حاساپلایان ایزابِل آدلی آیالینگ اِدِنلِرینه جیداملیلیق اِدیَرسینگ.‏ اُل مِنینگ بِنده‌لِریمی اُز تَعلیماتی بیلِن آزدیریپ، اُلارا زینا اِتدیرجِک بُلیار و بُتلارا هُدورلِنِن قربانلیقلاردان اییدیرجِک بُلیار.‏

آیانلیق 2:6

یُنه سِنده قاوی طاراف بار، سِن نیکولاچیلارینگ اِدیَن ایشلِرینی ییگرِنیَرسینگ، مِن هِم اُلاری ییگرِنیَرین.‏