۲ تیموتاوس 2:15 - مُقادِّس کیتاب

¹⁵ خودایینگ حوضوریندا اُز اِدیَنیندِن اوتانماجاق، حاقیقی تَعلیماتی دُغری اُورِدیَن ایشچی حُکمونده دوروپ بیلِرینگ یالی، جان-تِندِن ایخلاص اِت.‏

۲ تیموتاوس 2:15 Iomraidhean Croise

مَتّیٰ 13:52

عیسی اُلارا:‏ ‏«‏شُنونگ اوچین هِم آسمانینگ پادیشاهلیغی دییّپ تَعلیمات آلان هِر بیر دین عالیم خازیناسیندان تَزه و کُهنه زاتلار چیقاریان اُی اِیه‌سینه مِنگزِیَندیر»‏ دییدی.‏

مَرقُس 4:33

عیسی خودایینگ سُزونی خالقینگ دوشونیپ بیلجِک دِرِجه‌سینده شونونگ یالی کَن میثال‍لار بیلِن گورّونگ بِریَردی.‏

لوقا 12:42

عیسی مسیح شِیله جُغاپ بِردی:‏ ‏«‏آقاسینینگ صادیق هِم عاقیلّی ایش دُلاندیریجیسی کیم؟ بِیلِکی خیدماتکَرلِرینه واقتلی-واقتیندا ناهار بِرمِک اوچین، اُلارینگ اوستوندِن قُیان آدامی دَلمی؟

رِسول‍لار 2:22

‏«‏اِی اسرائیل خالقی!‏ بو سُزلِره قولاق آسینگ:‏ اُز بیلشینگیز یالی، خودای ناصِره‌لی عیسانینگ اوستو بیلِن آرانگیزدا مُعجِزه‌لِر، عجاییپ زاتلار و عالاماتلار گُرکِزدی و مونونگ بیلِن اُل عیسانینگ حاقیقاتدیغینی تاصدیقلادی.‏

رِسول‍لار 20:27

سِبَبی مِن خودایینگ هِمّه ایسلِگینی سیزه واغیظ اِتمِکدِن قایغیرمادیم.‏

رومیلار 14:18

کیم عیسی مسیحه شِیله خیدمات اِدیَن بُلسا، خودایی خُشنود اِدیپ، آداملارینگ طارافیندان هِم قابول اِدیلِر.‏

رومیلار 16:10

مسیحینگ وِفادار شَگیردی آپِلیسا سالام آیدینگ.‏ آریستوبولُسینگ اُی-ایچِرسینه هِم سالام آیدینگ.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

۱ قُرِنتُس‌لار 2:6

هاووا، بیز حِکمِتی یِتیشِن آداملارینگ آراسیندا واغیظ اِدیَریس.‏ بیزینگ واغیظ اِدیَن حِکمِتیمیز بو اِییَمینگ یا-دا دونیَه‌دَکی واقتلایین، آخیری پوچ بُلیان حاکیملِرینگ حِکمِتی دَلدیر.‏

۲ قُرِنتُس‌لار 10:18

چونکی اُزونی اُزی بِیگِلدیَن دَل-ده، مسیحینگ بِیگِلدیَنی قادیرلیدیر.‏

۲ قُرِنتُس‌لار 3:6

اُل بیزه تَزه عَهدینگ خیدماتچیلاری بُلماق باشارجاغینی بِردی.‏ بو عَهد یازیلان شِریغاتینگ اوستو بیلِن دَل-ده، مُقادِّس روحونگ اوستو بیلِن قاییملاناندیر.‏ چونکی یازیلان شِریغات اُلومه اِلتیَر، اِمّا مُقادِّس روح بُلسا یاشاییش بِریَر.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

۲ قُرِنتُس‌لار 5:9

اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

غَلاطیه‌لِر 1:10

شونلوقدا، مِن کیمینگ ایسلِگینه گُرَه بُلیارین:‏ آداملارینگمی یا-دا خودایینگ؟ اُندا مِن آداملارا قاوی گُرونجِک بُلیارینمی؟ اِگِر مِن آداملارا قاوی گُرونجِک بُلسادیم، اُندا مسیحینگ خیدماتچیسی بُلمازدیم.‏

اِفِسُسلار 1:13

ایندی سیز هِم حاقیقات سُزونی، یَعنی نِجات تاپماق باراداقی خوش خاباری اِشیدیپ، مسیحه ایمان گِتیردینگیز.‏ شُنگا گُرَه-ده خودایینگ واعدا بِرِن مُقادِّس روحی بیلِن مُهورلِندینگیز.‏

۱ تِسالونیکیلِر 2:4

خودای بیزی لاییق بیلیپ، خوش خاباری یایراتماغی بیزه تابشیردی.‏ شُنونگ اوچین-ده، بیز آداملارینگ دَل، شُندا یورِکلِری ایمتِحان اِدیَن خودایینگ گُونوندِن تورجاق بُلوپ گورلِیَریس.‏

۱ تِسالونیکیلِر 5:14

اِی عزیزلِر، سیزه یالباریاریس:‏ بیکَر گِزیَنلِری ناصیحات اِدینگ، اومیدسیزلارا گُوونلیک بِرینگ، اِجیزلِری قُلدانگ، هِمّه‌لِر باباتدا صابیر-جِداملی بُلونگ.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

عِبرانیلار 4:11

شُنونگ اوچین، گِلینگ، شُل دینچلیق مِکانینا گیرمِک اوچین چالیشایلینگ.‏ هیچ کیم اسرائیل خالقی یالی، خودایا موطیع‌سیزلیق اِدیپ، دینچلیقدان ماحروم بُلماسین.‏

یعقوب 1:12

ایمتِحانا جیدایان آدام خوشواقتدیر، سِبَبی اُل ایمتِحاندان گِچِندِن سُنگ، یاشاییش تاجینی آلار.‏ خودای بو یاشاییش تاجینی اُنی سُیِنلِره واعدا بِردی.‏

یعقوب 1:18

یارادانلارینینگ آراسیندا اُنونگ بیرینجی میوه‌سی بُلماغیمیز اوچین، خودای حاقیقات سُزونینگ اوستو بیلِن بیزه تَزه یاشاییش بِرمِگی قارار اِتدی.‏

۲ پِطرُس 1:10

شُنونگ اوچین هِم، اِی عزیزلِر، خودای طارافیندان چاغیریلاندیغینگیزی و سایلاناندیغینگیزی بِلّی اِتمَگه ایخلاص اِدینگ.‏ شِیله اِتسِنگیز، آصلا ایماندا بودریمِرسینگیز.‏

۲ پِطرُس 1:15

اُلِنیمدِن سُنگرا بو زاتلاری هِمیشه یادا سالماغینگیز اوچین چالیشارین.‏

۲ پِطرُس 3:14

شُنگا گُرَه-ده، اِی عزیزلِر، بولارا قاراشیاندیغینگیز اوچین، خودایینگ ناظاریندا پاراحاتلیقدا یاشاپ، پَک و عایپسیز بُلماغا چالیشینگ.‏