۲ تیموتاوس 2:12 - مُقادِّس کیتاب

¹² زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

۲ تیموتاوس 2:12 Iomraidhean Croise

مَتّیٰ 10:33

کیم مِنی اینسانلارینگ اُوونده اینکَر اِتسه، مِن هِم اُنی آسمانداقی آتامینگ اُوونده اینکَر اِدِرین.‏

مَتّیٰ 26:35

اِمّا پِطرُس اُنگا:‏ ‏«‏مِن سِنینگ بیلِن اُلمِلی بُلسام-دا، سِنی آصلا اینکَر اِتمِرین!‏»‏ دییدی.‏ شَگیرتلِرینگ هِمّه‌سی-ده شِیله دییدیلِر.‏

مَتّیٰ 26:75

پِطرُس عیسانینگ:‏ ‏«‏خُرُز قیغیرمازدان اُنگ، سِن مِنی اوچ گِزِک اینکَر اِدِرسینگ»‏ دییِن سُزونی یادلادی-دا، داشاری چیقیپ، مُنگّوریپ آغلادی.‏

مَرقُس 10:33

‏«‏اینه اورشلیمه باریاریس.‏ اینسان اُغلی یُلباشچی کاهینلارینگ و دین عُلَمالارینگ اِلینه بِریلِر.‏ اُنی اُلومه مَحکوم اِدیپ، بیگانه میلِّتلِرینگ اِلینه بِرِرلِر.‏

مَرقُس 8:38

بو زیناکَر و گونَه‌کَر نِسلینگ آراسیندا کیم مِندِن و مِنینگ سُزلِریمدِن اوتانسا، اینسان اُغلی-دا آتاسینینگ بِییکلیگیندَه مُقادِّس پِریشده‌لِری بیلِن گِلِن ماحالی اُندان اوتانار.‏»‏

لوقا 12:9

کیم مِنی اینسانلارینگ اُوونده اینکَر اِتسه، اُنونگ اُزی-ده خودایینگ پِریشده‌لِرینینگ اُوونده اینکَر اِدیلِر.‏

لوقا 22:29

آتامینگ مِنی پادیشاه بِلِّیشی یالی، مِن-ده سیزی پادیشاه اِدیپ بِلِّیَرین.‏

لوقا 22:30

سیز مِنینگ شاهلیغیمدا اییّپ-ایچِرسینگیز و تاختلاردا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏»‏

لوقا 9:26

کیم مِندِن و مِنینگ سُزلِریمدِن اوتانسا، اینسان اُغلی-دا اُزونینگ، آتاسینینگ و مُقادِّس پِریشده‌لِرینگ بِییکلی بیلِن گِلِن ماحالی اُندان اوتانار.‏

رِسول‍لار 14:22

اُلار شَگیرتلِری قوواتلاندیردیلار و اُلارا ایماندا قاییم دورماغی ناصیحاتلاپ:‏ ‏«‏خودایینگ پادیشاهلیغینا گیرمِگیمیز اوچین، بیزینگ کَن قینچیلیقلاری باشدان گِچیرمِگیمیز گِرِک»‏ دییَّردیلِر.‏

رومیلار 5:17

چونکی بیر آدامینگ گونَه‌سینینگ اوستو بیلِن و شُل آدامینگ اوستو بیلِن اُلوم حُکوم سوروپ باشلادی.‏ اِمّا خودایینگ اِندازاسیز مِرحِمِتی بیلِن آقلانما ناغماتینینگ بُلّوغینی آلانلارینگ باری ایندی بیر آدام، یَعنی عیسی مسیحینگ اوستو بیلِن اِبِدی یاشاییشدا حُکوم سورِرلِر.‏

رومیلار 8:17

شِیلِلیکده، اِگِر فِرزِنتلِری بُلان بُلساق، اُندا میراثداری هِم بُلیاندیریس.‏ خودایینگ میراثدارلاری بُلیان بُلساق، اُندا عیسی مسیح بیلِن هِم میراثدار بُلیاندیریس.‏ بیز عیسی مسیحینگ گُرِن عاذاپلارینا شِریک بُلیان بُلساق، اُندا اُنونگ بِییکلیگینَه هِم شِریک بُلاریس.‏

فیلیپیلِر 1:28

شِیله-ده، اُزونگیزه قارشی چیقیانلاردان آصلا قُرقمایاندیغینگیزی بیلِرین.‏ سیزینگ ایماندا شِیله قاییم دورماغینگیز اُلارینگ هِلَک بُلجاقدیغیندان، سیزینگ بُلسا نِجات بِریلجِکدیگینگیزدِن نیشانیدیر.‏ بولار خودای طارافینداندیر.‏

۱ تیموتاوس 5:8

هِر کیم اُز دُغان-قارینداشلارینینگ، خاص-دا اُز ماشغالاسینینگ فیکرینی اِتمِیَن بُلسا، ایماندان دَندیگیدیر.‏ شِیله آدام ایمانسیزدان هِم بِتِردیر.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏

آیانلیق 1:9

عیسی مسیحینگ شَگیردی حُکمونده عاذاپلارا، خودایینگ پادیشاهلیغینا و جیداملیلیغا شِریکینگیز بُلان مِن یوحنا دُغانینگیز پاتموس دییِن جِزیره‌دِدیم.‏ مِن خودایینگ سُزینی واغیظ اِدیپ و عیسی مسیح حاقدا شاهاتلیق اِدِنیم سِبَپلی بو جِزیره تَبعید اِدیلیپدیم.‏

آیانلیق 2:13

سِنینگ نیرِده یاشایانینگی بیلیَرین، شِیطانینگ تاختی هِم شُل یِردِدیر.‏ اِمّا مونگا باقمازدان، سِن مانگا وِفادار بُلوپ قالانسینگ.‏ سِن حتّیٰ اُز شَهرینگده، هاووا، شِیطانینگ یاشایان شَهرینده اِمین شاهاتیم آنتیپاسینگ اُلدوریلِن گونلِرینده-ده مانگا بُلان ایمانینگدان دَنِن دَلسینگ.‏

آیانلیق 20:4

اُنسُنگ مِن تاختلاری و اُلارینگ اوستونده اُتورانلاری گُردوم.‏ اُلارا قاضیلیق اِتمِکلیک ایختییاری بِریلدی.‏ موندان باشغا-دا، مِن عیسی مسیح و خودایینگ خوش خاباری حاقدا شاهاتلیق اِدِنلِری اوچین باشلاری کِسیلِن آداملارینگ روحونی گُردوم.‏ اُلار جاناوارا و اُنونگ مُجِسِّمه‌سینه سِجده اِتمَندیرلِر و مانگلایینا یا-دا اِل‍لِرینه اُنونگ عالاماتینی باسدیرماندیرلار.‏ اُلار دیرِلیپ، مسیح بیلِن مونگ ییل پادیشاهلیق اِتدیلِر.‏

آیانلیق 20:6

اَوَّلکی دیرِلیشده پایی بُلان خوشواقت و مُقادِّسدیر!‏ ایکینجی اُلوم اُلارا گویجی یِتمِز.‏ اُلار خودایینگ و مسیحینگ کاهینلاری بُلوپ، اُنونگ بیلِن مونگ ییل پادیشاهلیق اِدِرلِر.‏

آیانلیق 3:10

سِن تابشیریقلاریمی بِرجای اِدیپ، ایماندا قاییم دوردونگ.‏ شُنگا گُرَه-ده، یِر یوزونینگ یاشایانلارینی ایمتِحان اوچین هِمّه دونیَه‌نینگ اوستوندِن اینجِک ایمتِحان زامانیندا سِنی قُرارین.‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏

آیانلیق 3:8

سِنینگ هِمّه اِدِن ایشلِرینگی بیلیَرین.‏ اینه، اُوونگده بیر قاپینی آچیپ قُیدوم، اُنی هیچ کیم یاپیپ بیلمِز.‏ گویجونگینگ آزدیغینی هِم بیلیَرین، یُنه مونگا باقمازدان، مِنینگ سُزومی بِرجای اِتدینگ و آدیمدان دَنمِدینگ.‏

آیانلیق 5:10

سِن اُلاردان پادیشاهلیق یاراتدینگ، خوداییمیزا خیدمات اِتمِک اوچین اُلاری کاهین بِلِّدینگ، اُلار یِر یوزونده پادیشاهلیق اِدِرلِر!‏»‏