۲ پِطرُس 2:3 - مُقادِّس کیتاب

³ آچگُزلیکدِن یانگا بو یالان مُعلِّملِر اُز یالان حِکایاتلاری بیلِن سیزدِن پِیدالانانلار.‏ شُنونگ اوچین اُلارینگ جِزاسی قادیمدان تاییار دوراندیر و هِلَکچیلیگی بُلسا گیجَه قالماز.‏

۲ پِطرُس 2:3 Iomraidhean Croise

مَتّیٰ 23:14

‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز دول آیال‍لارینگ اُیلِرینی طالاب، گُز اوچین اوزین-اوزین دُغالار اُقیان بُلیارسینگیز.‏ شُنونگ اوچین هِم سیز اینگ آغیر جِزا سِزاوار بُلارسینگیز.‏]‏

لوقا 18:8

سیزه شونی آیدیارین:‏ اُلارینگ حاقینی تیز آلیپ بِرِر.‏ یُنه اینسان اُغلی گِلِنده، یِرینگ یوزونده ایماندار آدام تاپارمیقا؟»‏

لوقا 20:20

عیسانی گُز آشاغینا آلیپ، اُنی توتماق اوچین، بیرنَچه جاسوس اُنونگ ایزینا سالدیلار.‏ اُلار عیسانی کِپده توتوپ، اُنی حاکیمینگ حُکومینه و ایختییارینا تابشیرماق ماقصاتلاری باردی.‏

لوقا 22:47

اُل حَضیر کِپلَپ دورقا، بیر جِماغات گُزونه گُروندی.‏ اُن ایکی شَگیرتلِرینگ بیری یهودا جِماغاتینگ اُوونه دوشوپ گِلیَردی.‏ یهودا عیسانی اُغشاجاق بُلوپ، اُنونگ قُلایینا گِلدی.‏

یوحنا 2:16

اُل کِپدِری ساتیانلارا:‏ ‏«‏بولاری بو یِردِن داشاری چیقارینگ!‏ آتامینگ اُیونی بازارا اُوورمَنگ!‏»‏ دییدی.‏

رومیلار 16:18

چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر.‏ اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار.‏

۲ قُرِنتُس‌لار 2:17

بیز کَن آداملار یالی خودایینگ سُزونی اُز پِیداماز اوچین آرزان ساتمایاریس.‏ تِرسینه، خودای طارافیندان ایبِریلِن و مسیحه خیدمات اِدیَن آداملار یالی خودایینگ حوضوریندا پَک یورِکدِن کِپلِیَریس.‏

۱ تِسالونیکیلِر 2:5

بیلشینگیز یالی، بیز سیزه یُقوملی سُزلِره آیدیپ، اُز پِیدامیزی گُزلِمِدیک.‏ خودای مونگا شاهاتدیر.‏

۱ تِسالونیکیلِر 5:3

آداملار هِنیز:‏ ‏«‏هِمّه‌لِر ساغ-سالامات، خُوف-خاطار هِم یُق»‏ دییّپ دورقالار، اُلارینگ اوستوندِن هِلَکچیلیک اینِر.‏ بو اِدیل گُورِلی آیالینگ دِردی کیمین خابارسیز باشلانار.‏ شُندا اُلار قاچیپ نِجات تاپمازلار.‏

۱ تیموتاوس 3:3

عاراقخُر دَل و اوروشیان بُلمالی دَل-ده، میلاییم، داعوا-جِنجِلدِن داش دوریان، پولا قیزمایان آدام بُلمالیدیر.‏

۱ تیموتاوس 3:8

شُنونگ یالی، کِلیسانینگ خیدماتچیلاری هِم سیلانیان، ایکی‌یوزلی دَل، شِرابا یورِک بِرمِیَن، حارام قازانچینگ ایزینا دوشمِیَن آداملار بُلمالیدیر.‏

۱ تیموتاوس 6:5

بولار اوچین فیکرلِری ضایالانان آداملارینگ آراسیندا اُنگوشماسیزلیقلار یوزه چیقیار.‏ اُلار حاقیقاتی پُزوپ، خودایینگ یُلی قازانچ یُلودیر دییّپ گومَن اِدیَرلِر.‏

تیتوس 1:11

اُلارینگ آغزینی باغلاماق گِرِک.‏ چونکی اُلار کِلیسالاردا اُورِتمِسیز زاتلاری اُورِدیپ، ماشغالالاری دویبوندِن دارغادیارلار.‏ اینگ یامان-دا، اُلار بولاری حاقسیز قازانماق اوچین اُورِدیَرلِر.‏

تیتوس 1:7

چونکی کِلیسانینگ باشلیقچیسی خودایا خیدمات اِدیَر.‏ شُنگا گُرَه-ده، اُل عایپسیز بُلمالیدیر.‏ اُل اُزدییِنلی، قاهارجانگ، عاراقخُر، اوروشیان بُلمالی دَل، حارام قازانچینگ ایزینا دوشمِیَن،

۱ پِطرُس 2:8

شِیله هِم، ‏«‏بو داش بودریمِگَه و بو قایا قاچماغا سِبَپ بُلدی»‏.‏ اُلار اُنگدِن بِلِّنیشی یالی، بو سُزه موطیع بُلمانسُنگلار بودرییَرلِر.‏

۱ پِطرُس 5:2

چُپانلارینگ اُز سوروسینه باغیشی یالی، سیز هِم خودایینگ اُزونگیزه اینانانلاری بارادا فیکر اِدینگ.‏ مونی مِجبورلیق بیلِن دَل-ده، یورِگینگیز بیلِن اِدینگ.‏ اُلاردان پِیدالانماق اوچین دَل-ده، عشق و مِیل بیلِن قاراوولچیلیق اِدینگ.‏

۲ پِطرُس 1:16

سیزه تانگریمیز عیسی مسیحینگ قودرات بیلِن گِلشی حاقدا خابار بِرِنیمیزده، بیز یالان رِوایاتلارینگ ایزینا دوشمِدیک.‏ بیز اُنونگ بِییکلیگینی اُز گُزومیز بیلِن گُردوک.‏

۲ پِطرُس 2:1

اُزال خالق آراسیندا یالان پیغامبارلارینگ بُلشی یالی، سیزینگ آرانگیزدا-دا یالان مُعلِّملِر گُرونِر.‏ اُلار اُغرینچا هِلَک اِدیَنچی و یالان تَعلیماتلار گِتیرمِک بیلِن، اُزلِرینی قارانگقیلیقدان بُشادان مسیحی هِم اینکَر اِدِرلِر.‏ شِیدیپ، اُز باشلاریندان بیردِن بِلا و اُلوم ایندِرِرلِر.‏

۲ پِطرُس 2:9

گُرشونگیز یالی، خودای تاقوالی آداملاری ایمتِحاندان نَهیلی نِجات بِرمِلیدیگینی، یامانلیق اِدیَنلِری بُلسا قیامات گونی چِنلی جِزا آشاغیندا نَهیلی ساقلامالیدیغینی بیلیَندیر.‏

یهودا 1:11

اُلارینگ حالینا وای!‏ اُلار قابیلینگ یُلونی توتویارلار.‏ بَلعام یالی، پول اوچین آداملاری آلدایارلار.‏ قورِح یالی باش قالدیراندیقلاری اوچین هِلَک بُلیارلار.‏

یهودا 1:15

اُل هِمّه آدامزادا قاضیلیق اِدِر، گونَه اِدِن خودایسیزلاری حُکوم اِدِر.‏ خودایسیزلارینگ یامان اِتمیشلِرینی و اُنگا کُفر آیداندیقلاری اوچین اُلاری جِزالاندیرار.‏»‏

یهودا 1:16

اُلار هِمّه زاتدان نارضا بُلوپ، زِیرِنیپ یُرِندیرلِر.‏ دینگه اُز یامان هُوِسلِرینینگ ایزینا دوشیَندیرلِر.‏ غُرورلی گورلَپ، اُز پِیداسینی گُزلَپ، ایکی‌یوزلیلیک اِدیَندیرلِر.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏

یهودا 1:7

شِیله-ده سُدوم بیلِن غَموره‌نینگ و اُلارینگ اِطرافینداقی شَهرلِری هِم اِدیل شُل پِریشده‌لِر یالی اِتدیلِر، آداملاری زیناکَرلیگه گُوون بِریپ، فاسیقچیلیغا یوز اوردولار.‏ شُنونگ اوچین اُلار اِبِدی اُددا یانماق جِزاسینی چِکیپ، هِمّه‌لِره بیلدیرمِک اوچین دِرس بُلدولار.‏