۲ پِطرُس 1:12 - مُقادِّس کیتاب

¹² سیز بو زاتلاری بیلسِنگیز-ده، اُزونگیزدَکی حاقیقاتدا قاییم دورسانگیز-دا، مِن بولاری سیزه هِمیشه یادلادیپ دورارین.‏

۲ پِطرُس 1:12 Iomraidhean Croise

رِسول‍لار 16:5

شِیلِلیکده، دُغانلارینگ ایمانی خاص-دا قاییملانیپ، اُلارینگ سانی هِر گون آرتیاردی.‏

فیلیپیلِر 3:1

شونلوقدا، اِی عزیزلِریم، قُی، شاتلیغینگیزینگ باشلایان یِری مسیح بُلسون!‏ سیزه شیندی یازیانیمی نَچه گِزِک یازماق مانگا قین دَل.‏ بو سیزی قُریماق اوچیندیر:‏

کولُسیلِر 1:5

بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار.‏ سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

۲ تیموتاوس 1:6

شُنونگ اوچین، یِنه-ده بیر گِزِک قایتالایارین:‏ باشینگا اِل‍لِریمی قُیماغینگ اوستو بیلِن خودایدان آلان روحی ناغماتینی گویچلی یاغتیلات،

عِبرانیلار 10:32

اُوالقی گونلِرینگیزی یادینگیزا سالینگ.‏ شُندا سیز خودایدان نورلانیپ، عاذاپ و زَحمِتلِره جیداپدینگیز.‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

۱ پِطرُس 5:12

بو قیسغا نامه‌می سیزه وِفالی دُغانیم سیلاسینگ اوستو بیلِن یازدیم.‏ مونونگ بیلِن سیزی گُوونلیک بِریپ، خودایینگ حاقیقی مِرحِمِتینه شاهاتلیق اِتدیم.‏ شُندا قاییم دورونگ.‏

۲ پِطرُس 1:13

مِن ایندی یاشایان آز واقتلایین چادیریمدان، یَعنی بِدِنیمدِن گیدیَنچَم، بولاری یادینگیزا سالماق بیلِن سیزینگ فیکرینگیزی آچیپ دورماغی دُغری بیلیَرین.‏

۲ پِطرُس 1:15

اُلِنیمدِن سُنگرا بو زاتلاری هِمیشه یادا سالماغینگیز اوچین چالیشارین.‏

۲ پِطرُس 3:1

اِی عزیزلِر، ایندی سیزه بو ایکینجی نامه‌نی یازیارین.‏ بو ایکی نامه‌دا-دا پَک فیکرلی بُلمالیدیغینگیزی یادلاتماق بیلِن دوشونجَنگیزی توروزیارین.‏

۲ پِطرُس 3:17

شُنونگ اوچین هِم، اِی عزیزلِر، بو زاتلاری اُوالدان بیلیَندیگینگیز اوچین، خاباردار بُلونگ!‏ ایماندان دُنمِز یالی، فاسیق آداملار سیزی یُلدان چیقارماسین.‏

۱ یوحنا 2:21

مِن سیزه حاقیقاتی بیلمِیَندیگینگیز اوچین دَل-ده، اُندان باشغا، حاقیقاتی بیلیَندیگینگیز اوچین یازیارین، سِبَبی هیچ بیر یالانینگ حاقیقات بیلِن بیرلیکلیگی یُقدور.‏

۲ یوحنا 1:2

سِبَبی حاقیقات قالبیمیزا یِرلِشِندیر و اُل اِبِدیلیک بیزینگ بیلِن بُلار.‏

یهودا 1:17

سیز بُلسا، اِی عزیزلِر، تانگریمیز عیسی مسیحینگ رِسول‍لارینینگ اُنگدِن آیدانلارینی یادینگیزدا ساقلانگ.‏

یهودا 1:3

اِی عزیزلِر، مِن سیزه خودایینگ مِنی و سیزی نَهیلی نِجات بِرِندیگی بارادا یازماغی خاص دُغری بیلیَردیم.‏ اِمّا مونگا دِرِک خودایینگ اُز مُقادِّس خالقینا بیر گِزِک و هِمیشه‌لیک تابشیران ایمانی اوغروندا سیزی چالیشماغا قووات بِریپ یازماغیمینگ خاص-دا واجیپدیغینا گُز یِتیردیم.‏

یهودا 1:5

بو زاتلارینگ هِمّه‌سینی اُزال بیلیَن هِم بُلسانگیز، مونی سیزه یادلاتماقچی بُلیارین:‏ خودای اسرائیل خالقینی مصر قولچولیغیندان آزاد اِتدی، اِمّا سُنگرا ایمان گِتیرمِدیک آداملاری هِلَک اِدیپ زینگدی.‏