۱ تیموتاوس 6:2 - مُقادِّس کیتاب

² آقالاری ایماندار بُلان قول‍لار:‏ ‏«‏ایندی بیز دُغاندیریس»‏ دییّپ، اُز آقالارینا بیتاپاووت بُلماسینلار، تِرسینه، اُنگکودِن-ده ایخلاصلی خیدمات اِتسینلِر.‏ سِبَبی اُلارینگ آقالاری ایمانداقی عزیز دُغانلاری بُلوپ یاخشیلیق اِدیَندیرلِر.‏ بولارینگ بارینی اُورِت و ناصیحات بِر.‏

۱ تیموتاوس 6:2 Iomraidhean Croise

مَتّیٰ 23:8

سیز اُزونگیزه ‏”‏اُستاد“‏ دییدیرمَنگ، سِبَبی سیزینگ بیر اُستادینگیز باردیر.‏ سیزینگ هِمَّه‌نگیز دُغانسینگیز.‏

مَتّیٰ 25:40

پادیشاه اُلارا:‏ ‏”‏سیزه دُغروسینی آیدیارین، مِنینگ بو اینگ کیچی حاساپلانیان دُغانلاریمدان بیرینه اِدِنینگیزی مانگا اِدِنسینگیز“‏ دییّپ جُغاپ بِردی.‏

مَتّیٰ 6:24

‏«‏هیچ کیم ایکی آقا خیدمات اِدیپ بیلمِز.‏ اُل یا بیرینی ییگرِنیپ، بِیلِکیسینی سُیِر، یا-دا بیرینه وِفالی بُلوپ، بِیلِکیسینی اَسگِرمِزلیک اِدِر.‏ سیز هِم خودایا، هِم پولا خیدمات اِدیپ بیلمِرسینگیز.‏

رِسول‍لار 1:15

بیر گون پِطرُس یوز ییگریمَه قُلای ییغنانیشان ایماندارلارینگ اُرتاسیندا دوروپ، شِیله دییدی:‏

رومیلار 11:17

هاووا، باغینگ کَبیر شاخالاری کِسیلیپ، وَحشی زِیتونینگ شاخاسی بُلان سیز اُنگا سِپلِندینگیز.‏ سیز ساقلانیپ یِتیشدیرِلِن زِیتونینگ کُکونینگ شیرِسینه شِریک بُلدونگیز.‏

رومیلار 8:29

چونکی خودای اُلاری اُووندِن سایلاپ-سِچدی و ‏«‏مِنینگ اُغلوما مِنگزِسینلِر»‏ دییّپ، اُنگدِن بِلَّپ قُیدی.‏ اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

اِفِسُسلار 1:1

خودایینگ اِراداسی بیلِن عیسی مسیحینگ رِسولی بُلان مِن پولسدِن اِفِسُسداقی مُقادِّسلِره، یَعنی عیسی مسیحده وِفادارلارا، دُغایی سالام!‏

اِفِسُسلار 1:15

شُنگا گُرَه تانگریمیز عیسی بُلان ایمانینگیزی و خودایینگ هِمّه خالقینا بُلان سُیگینگیزی اِشیدِنیم بَری، سیزینگ اوچین خودایا بیرسیخلی شوکور اِدیپ، دُغالاریمدا سیزی دیلیمدِن دوشورِمُق.‏

اِفِسُسلار 3:6

اینه، خودایینگ سیری شودور:‏ خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر.‏

کولُسیلِر 1:4

سِبَبی بیز سیزینگ عیسی مسیحه بُلان ایمانینگیز و هِمّه مُقادِّسلِره گُرکِزِن سُیگینگیز حاقیندا اِشیتدیک.‏

کولُسیلِر 4:1

اِی آقالار، قول‍لارینگیز باباتدا عادالاتلیغی و دِنگلیگی بِرجای اِدینگ، سِبَبی اُزونگیزینگ هِم آسماندا آقایینگیزینگ باردیغینی بیلیَنسینگیز.‏

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

۱ تیموتاوس 4:11

بولارینگ بارینی تابشیر و تَعلیم بِر.‏

۱ تیموتاوس 5:1

قارّی آدامی کَیِمه-ده، اُنی اُز آتانگ کیمین گُروپ، اِدِبلیک بیلِن ناصیحات بِر.‏ یاش ییگیتلِره اُز دُغانلارینگ یالی،

تیتوس 2:1

سِن بُلسا دُغری تَعلیماتا لاییق گِلیَن زاتلاری اُورِت.‏

تیتوس 2:15

هاووا، بولارینگ بارینی اُورِت.‏ هِمّه ایختییارلیق بیلِن گُوونلیک بِر و هِم کَیی.‏ قُی، هیچ کیم سِنی اَسگِرمِزلیک اِتمِسین.‏

تیتوس 3:8

بو سُزلِرینگ باری حاقیقاتدیر.‏ خودایا ایمان گِتیرِنلِرینگ یاخشیلیق اِتمِکده قُلایلاشماقلاری اوچین، بو زاتلاری خاص بِلِّمِگینگی ایسلِیَرین.‏ بو زاتلار اینسانلار اوچین قاوی و پِیدالیدیر.‏

عِبرانیلار 3:1

شُنونگ اوچین هِم، اِی مِنینگ بیلِن بیله خودای طارافیندان چاغیریلان مُقادِّس عزیزلِر، هِمّه فیکرینگیز عیسادا بُلسون!‏ اُل بیزینگ ایقرار اِدیَن رِسول و باش کاهینیمیزدیر.‏

عِبرانیلار 3:14

بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.‏

۱ پِطرُس 5:1

مِن مسیحینگ چِکِن عاذاپلارینینگ شاهادی و اُنونگ آیان بُلجاق بِییکلیگینینگ شِریکی حُکمونده آرانگیزداقی اُزوم یالی یاشولیلاردان شولاری خاییش اِدیَرین:‏

۲ پِطرُس 2:10

باشغادا-دا، تِلِکه هُوِسلِرینه کُوالاشیپ، خودایینگ حُکومدارلیغینی اَهمییِت بِرمِیَنلِری-ده نَمه اِتجِگینی اُل بیلیَندیر.‏ بِیله آداملار اُزلِرینی باتیر بیلیپ، مَغرور بُلیارلار و آسمانداقی گویچلِره یامانلاماقدان قُرقمایارلار.‏

یهودا 1:8

شُنونگ یالی، آرانگیزا سوملوپ گیرِن بو خودایسیز آداملار گُرِن دیشلِرینه دایانیپ، اُز بِدِنلِرینی نِجیس اِدیَرلِر.‏ خودایینگ حُکومدارلیغینی رِد اِدیَرلِر، آسمانداقی گویچلِره تُهمِت اوریارلار.‏