۱ تیموتاوس 4:16 - مُقادِّس کیتاب

¹⁶ اُز یاشاییش یُل‍لارینگا و اُورِدیَن تَعلیماتینگا اونس بِر.‏ بو زاتلارینگ اوستونده قاییم دور و عِمِل اِت.‏ شُندا سِن اُزونگی-ده و دینگلِیجیلِرینگی-ده نِجات بِرِرسینگ.‏

۱ تیموتاوس 4:16 Iomraidhean Croise

مَرقُس 13:9

‏«‏اِمّا سیز اُزونگیزدِن خاباردار بُلونگ!‏ آداملار سیزی مَحکِمه‌لِره تابشیرارلار، کِنیسه‌لِرینده یِنجِرلِر.‏ مِن سِبَپلی سیز حُکومدارلارینگ، پادیشاهلارینگ اُوونده دورارسینگیز و اُلارا شاهاتلیق اِدِرسینگیز.‏

لوقا 21:34

‏«‏خاباردار بُلونگ!‏ عایش-عِشرِت، سِرخُشلیق، یاشایشینگ قایغیلاری یورِگینگیزه یِرلِشمِسین.‏ یُغسام، اُل گون دوزاق کیمین بیردِن اوستونگیزدِن اینِر.‏

رِسول‍لار 26:22

اِمّا شو گونه چِنلی خودای مانگا کُمِک اِتدی.‏ شُنونگ سایه‌سیندا اولودان-کیچَه، هِمّه‌لِره شاهاتلیق اِدیپ گِلیَرین.‏ بُلجاق زاتلاری اُنگدِن خابار بِرِن پیغامبارلارینگ و موسانینگ آیدانلاریندان باشغا هیچ زات اُورِدِن دَلدیرین.‏

رِسول‍لار 6:4

بیز بُلسا اُزومیزی دُغا اِتمَگه و خوداینگ سُزونی واغیظ اِتمَگه باغیشلالینگ.‏»‏

رومیلار 11:14

شونونگ بیلِن بیرلیکده سیزینگ اوستونگیز بیلِن اُز ایلدِشلِریمینگ قایراتلارینی توروزیپ، یَهودیلِردِن کَبیرینینگ نِجات تاپماغینا یاردیم اِدِرین دییِن اومیدیم بار.‏

رومیلار 16:17

اِی عزیزلِر، سیزه اُورِدیلِن تَعلیماتا قارشی چیقیپ، آرانگیزدا بُلونیشیکلِری دُرِدیَنلِردِن و ایمانینگیزا سِد بُلیانلاردان خاباردار بُلونگ دییّپ یالباریارین.‏ شِیله آداملاردان داش دورونگ.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

۱ قُرِنتُس‌لار 1:21

خودای دونیَه اُز حِکمِتینه دایانیپ، خودایی تانیپ بیلمِز دییِن قارار اِتدی.‏ شُنگا گُرَه-ده، آحماق حاساپلانیان خاباریمیزینگ اوستو بیلِن خودای ایمان گِتیریَنلِری نِجات بِرمِگی یورِگینه دوودی.‏

۱ قُرِنتُس‌لار 9:22

اِجیزلِری مسیح طارافا گِتیرجِک بُلوپ، اِجیزلیگَه اُورولدیم.‏ قاراز، کَبیرلِری نِجات بِرجِک بُلوپ، مِن هِمّه‌لِره هِر زات بُلدوم.‏

۱ قُرِنتُس‌لار 9:27

یُق، مِن خوش خاباری باشغالارا واغیظ اِدِنیمدِن سُنگ، یاریشا قاتناشماقدان ماحروم اِدیلِسیم گِلمِیَر.‏ شُنونگ اوچین-ده، بِدِنیمی حُرلاپ، اُنی اُزومه موطیع اِدیَرین.‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

کولُسیلِر 4:17

آرخیپوسا:‏ ‏«‏مسیحینگ تابشیران خیدماتینی آخیرینا چِنلی کَمیل بیتیرجِکدیگینگه دیقّاتلی بُل»‏ دییّپ آیدینگ.‏

۱ تیموتاوس 1:3

مِن مَقدونیه اوغرانیمدا، سانگا اِفِسُس شَهرینده قال دییّپ تابشیریپدیم.‏ سِن اُل یِردَکی آداملارینگ کَبیرینه یالان تَعلیماتلاری یایراتمازلیغی تابشیر.‏

۱ تیموتاوس 4:15

بو ایشلِرده ایخلاصلی بُل.‏ ایماندا اُسوشینگی هِمّه‌لِر گُرِر یالی، جان-تِندِن ایخلاص اِت.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

۲ تیموتاوس 2:10

اینه، اِدیل شو سِبَپدِن، سایلانانلار هِم باقی بِییکلیک بیلِن بیرلیکده عیسی مسیحینگ اوستو بیلِن نِجات تاپار یالی، اُلارینگ خاطیراسینا هِمّه زادا جیدایارین.‏

۲ تیموتاوس 3:14

اِمّا سِن اُز اُورِنِن و اینانیان تَعلیماتینگا وِفالی قال.‏ چونکی اُنی کیملِردِن اُورِنِندیگینگی بیلیَنسینگ.‏

۲ تیموتاوس 4:2

فُرصَتینگ پِیدالی بُلوپ-بُلمازلیغینا باقما-دا، خوش خاباری بیرسیخلی واغیظ اِت.‏ و اُلاری کَن صابیرلیق بیلِن و قاوی تَعلیمات بیلِن یُلا گِتیر، کَیی و هِم گُوونلیک بِر.‏

تیتوس 1:9

اُل اُزونه اُورِدیلِن دُغری تَعلیماتا صادیقلیق بیلِن ایزینا دوشمِلیدیر.‏ باشغالارا هِم بو تَعلیماتا لاییقلیقدا ناصیحات بِریپ، اُنگا قارشی چیقیانلارینگ دُغری دَلدیکلِرینی بِلّی اِتمِلی.‏

تیتوس 2:15

هاووا، بولارینگ بارینی اُورِت.‏ هِمّه ایختییارلیق بیلِن گُوونلیک بِر و هِم کَیی.‏ قُی، هیچ کیم سِنی اَسگِرمِزلیک اِتمِسین.‏

تیتوس 2:7

یاخشی ایشلِرینگ بیلِن اُلارا هِمّه زاتدا نِمونه بُل.‏ تَعلیماتی صاپ یورِکدِن اِدِبلیلیک بیلِن اُورِت،

فیلیمون 1:19

مِن، پولس، مونی اُز اِلیم بیلِن یازیارین:‏ مِن اونِسیموسینگ بِرگیسینی بِرِرین.‏ یُنه سِن هِم آزاد بُلماغینگا مِنینگ یاردیم بِرِندیگیمی اونوتما!‏

عِبرانیلار 12:15

خاباردار بُلونگ، هیچ کیم خودایینگ مِرحِمِتیندِن ماحروم بُلماسین.‏ بیر آجی کُک گُگِریپ، سیزه اِذیِت بِرمِسین، کَن آداملار مونونگ بیلِن زَهِرلِنمِسین.‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏