۱ تیموتاوس 4:12 - مُقادِّس کیتاب

¹² یاش ییگیت بُلانینگ اوچین سانگا هیچ کیم اَسگِرمِزلیک اِتمِسین.‏ سِن هِم سُزده، یاشاییشدا، سُیگوده، ایماندا و پَکلیکده ایمان گِتیرِنلِره نِمونه بُل.‏

۱ تیموتاوس 4:12 Iomraidhean Croise

مَتّیٰ 18:10

‏«‏بو کیچیلِرینگ بیرینی اَسگِرمِزلیک اِتمِکدِن داش دورونگ!‏ مِن سیزه شونی آیدیارین:‏ اُلارینگ آسمانداقی پِریشده‌لِری آسمانداقی آتامینگ یوزونی هِمیشه گُریَرلِر.‏ ‏[‏

۱ قُرِنتُس‌لار 11:1

مِن مسیحدِن نِمونه آلشیم یالی، سیز-ده مِندِن نِمونه آلینگ.‏

فیلیپیلِر 4:8

نِتیجه‌ده، اِی عزیزلِر، حاقیقی، حُرماتا میناسیپ، دُغری، پَک، قاوی گُرونیَن و تعریفلانیان نَمه بار بُلسا، شُل بارادا فیکرلِنینگ.‏ هاووا، یاخشی و اُومِگه میناسیپ زاتلار بارادا فیکرلِنینگ.‏

۱ تِسالونیکیلِر 1:6

سیز آغیر قینچیلیقلار چِکسِنگیز-ده، مُقادِّس روحونگ بِرِن شاتلیغی بیلِن خوش خاباری قابول اِدیپ، بیزدِن و مسیحدِن نِمونه آلدینگیز.‏

۱ تِسالونیکیلِر 2:10

سیز ایماندارلار باباتدا بیزینگ آخلاق تایدان پَک، دُغری و عایپسیز بُلاندیغیمیزا اُزونگیز شاهاتسینگیز.‏ مونگا خودای-دا شاهاتدیر.‏

۱ تیموتاوس 1:14

تانگریمیز عیسی مسیحینگ اُلچِکسیز مِرحِمِتی، سُیگوسی و اُنونگ بِرِن ایمانی اوستومه بُلدان-بُل یاغدی.‏

۲ تیموتاوس 2:15

خودایینگ حوضوریندا اُز اِدیَنیندِن اوتانماجاق، حاقیقی تَعلیماتی دُغری اُورِدیَن ایشچی حُکمونده دوروپ بیلِرینگ یالی، جان-تِندِن ایخلاص اِت.‏

۲ تیموتاوس 2:22

جُوانلیق هُوِسلِریندِن قاچ.‏ پَک یورِکدِن خودایا عیبادات اِدیَنلِر بیلِن بیرلیکده تاقوالیق، ایمان، سُیگی و پاراحاتلیق یُل‍لارینینگ ایزینا دوش.‏

۲ تیموتاوس 2:7

شو آیدیانلاریم بارادا فیکرلِن.‏ بولارینگ بارینا دوشونِر یالی، خودایینگ اُزی سانگا دوشونجه بِرِر.‏

تیتوس 2:15

هاووا، بولارینگ بارینی اُورِت.‏ هِمّه ایختییارلیق بیلِن گُوونلیک بِر و هِم کَیی.‏ قُی، هیچ کیم سِنی اَسگِرمِزلیک اِتمِسین.‏

تیتوس 2:7

یاخشی ایشلِرینگ بیلِن اُلارا هِمّه زاتدا نِمونه بُل.‏ تَعلیماتی صاپ یورِکدِن اِدِبلیلیک بیلِن اُورِت،

یعقوب 3:13

آرانگیزدا دوشونجِلی و حِکیم آدام بارمی؟ اِگِر بار بُلسا، قُی، اُل مونی دُغری یاشاییشی و حِکمِتدِن گِلیَن یومشاقلیغی بیلِن بیتیرِن یاخشی عِمِل‍لِرینده گُرکِزسین.‏

یعقوب 3:17

اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر.‏ اُل مِرحِمِتدِن و خاییرلی عِمِل‍لِردِن دُلودیر.‏ شِیله حِکمِت طارافدارلیق و ایکی‌یوزلیلیک اِتمِیَر.‏

۱ پِطرُس 5:3

اِل آشاغینگیزداقیلارا آقالیق اِتمِزدِن، اُزونگیز سوری اوچین یاخشی نِمونه گُرکِزینگ.‏