۱ تیموتاوس 3:16 - مُقادِّس کیتاب

¹⁶ ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

۱ تیموتاوس 3:16 Iomraidhean Croise

مَتّیٰ 13:11

اُل شِیله جُغاپ بِردی:‏ ‏«‏آسمانینگ پادیشاهلیغینینگ سیرلارینا دوشونمِگه سیزه بِریلدی، جِماغاتا بِریلمِدی.‏

مَتّیٰ 28:2

بیردِن گویچلی یِر تیترِدی.‏ خودایینگ بیر پِریشده‌سی آسماندان اینیپ، داشی بیر چِته تُغالادی-دا، اُنونگ اوستونده اُتوردی.‏

مَتّیٰ 3:16

عیسی تَعمید بِریلیپ، سودان چیقان واقتیندا آسمان آچیلدی.‏ عیسی خودایینگ روحونی کِپدِره مِنگزِش اُز اوستونه اینیپ گِلیَنینی گُردی.‏

مَتّیٰ 4:11

شوندان سُنگ شِیطان عیسانی قُیوپ گیتدی.‏ پِریشده‌لِر گِلیپ، عیسی خیدمات اِتدیلِر.‏

مَرقُس 1:13

عیسی بیاباندا قیرق گون بُلدی و شِیطان طارافیندان ایمتِحانا سالیندی.‏ عیسی وَحشی حایوانلارینگ آراسیندا یاشادی و پِریشده‌لِر اُنگا خیدمات اِتدیلِر.‏

مَرقُس 16:19

عیسی مسیح اُلارا بولاری گورّونگ بِرِنیندِن سُنگ، آسمانا آلیندی و خودایینگ ساغیندا اُتوردی.‏

مَرقُس 16:5

قابرا گیرِنلِرینده بُلسا، ساغ طارافدا آق لِباس گِینِن بیر یاش ییگیدینگ اُتوراندیغینی گُروپ حایران قالدیلار.‏

لوقا 2:32

بیگانه میلِّتلِره آیانلیق بِرجِک، خالقینگ اسرائیلی بِییکلِندیرجِک نوری گُردوم.‏»‏

لوقا 20:44

داوود مسیحه تانگری دییَّر.‏ سُنگرا مسیح نَهیلی داوودینگ اُغلی بُلیار؟»‏ دییدی.‏

لوقا 22:43

آسماندان بیر پِریشده گُرنوپ، اُنی گویچلِندیردی.‏

لوقا 24:4

مونگا حایران بُلوپ دورقالار، قارشیلاریندا یالقیم سالیان لِباسدا ایکی سانی آدام بیردِن گُروندیلِر.‏

لوقا 24:51

بِرِکِت بِریپ دورقا، اُلاردان آیریلیپ، آسمانا گُتِریلدی.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 13:3

عیسی آتاسینینگ هِمّه زادی اُز ایختییارینا بِرِندیگینی، اُزونینگ خودایدان گِلیپ، خودایا گیتجِکدیگینی بیلیَردی.‏

یوحنا 15:26

‏«‏مِن سیزه آتامدان ایبِرجِک حِمایاتچیم، یَعنی آتامدان چیقان حاقیقات روحی گِلِنده، مِن حاقدا شاهاتلیق اِدِر.‏

یوحنا 16:28

مِن آتامینگ یانیندان قایدیپ، دونیَه گِلدیم.‏ ایندی بُلسا دونیَه‌نی تِرک اِدیپ، آتامینگ یانینا باریارین.‏»‏

یوحنا 17:5

اِی آتام، دونیَه دُرِمِزدِن اُوال هِم مِن سِنینگ یانینگداقام بِییکلیگیم باردی.‏ ایندی شُل بِییکلیک بیلِن مِنی یِنه-ده اُز حوضورینگدا بِییکلِندیر.‏

یوحنا 20:12

آق لِباسلی ایکی سانی پِریشدَه گُزی دوشدی.‏ اُلارینگ بیری عیسانینگ جِسِدینینگ یاتان یِرینینگ باشوجوندا، بِیلِکیسی-ده آیاغوجوندا اُتیردی.‏

یوحنا 6:62

اُندا سیز اینسان اُغلونینگ اُوال بُلان یِرینه قایتادان آسمانا چیقانینی گُرسِنگیز نَمه دییِرکَنگیز؟

رِسول‍لار 1:19

بو واقا تامام اورشلیم ایلاتینا معلیم بُلدی و آداملار اُل یِری اُز دیلینده ‏«‏حَقِل‌دِما»‏، یَعنی ‏«‏قان یِری»‏ دییّپ آدلاندیردیلار)‏.‏

رِسول‍لار 10:34

شُندا پِطرُس سُزه باشلاپ، شِیله دییدی:‏ ‏«‏مِن، حاقیقاتدان-دا، خودایینگ هیچ کیمه طارافدارلیق اِتمِیَندیگینه گُز یِتیردیم.‏

رِسول‍لار 14:27

انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

رومیلار 10:12

بو یَهودیلِره-ده، یَهودی دَل‍لِره-ده دِگیشلیدیر.‏ سِبَبی تانگری هِمّه‌لِرینگ تانگریسیدیر، اُل اُزونی چاغیریانلارینگ بارینا بِرِکِت بِریَندیر.‏

رومیلار 10:18

یُنه مِن شونی سُراماقچی:‏ اُندا اُلار خوش خاباری اِشیتمِدیمی نَمه؟ اِلبِتّه اِشیتدی، سِبَبی مُقادِّس یازغیلاردا شِیله یازیلان:‏ ‏«‏هِمّه یِر یوزونه یایراندیر اُلارینگ سِسی، دونیَه‌نینگ دُرت بورجونا یِتیندیر، اُلارینگ سُزلِری.‏»‏

رومیلار 16:25

مِنینگ واغیظ اِدیَن خوش خاباریما، یَعنی عیسی مسیح باراداقی تَعلیماتا اینانان سیزی ایماندا قاییملاماغی باشاریان خودایا بِییکلیک بُلسون!‏ بو خوش خابار اِنچِمه عاصیرلارینگ دُوامیندا گوزگین ساقلانیپ، ایندی آیان اِدیلِن بیر سیردیر.‏

رومیلار 16:26

هاووا، بو خوش خابار آیان بُلدی.‏ اُل هِمّه میلِّتلِرینگ اِبِدی خودایینگ اِمرینه گُرَه اُنگا موطیع بُلماغی اوچین پیغامبارلارینگ یازغیلارینینگ اوستو بیلِن آیان اِدیلدی.‏

رومیلار 3:4

آصلا اِتمِز!‏ هِمّه آداملار یالان آیتسادا خودای هیچ هاچان یالان آیتماز.‏ سِبَبی مُقادِّس یازغیلاردا خودای بارادا:‏ ‏«‏شُنونگ اوچین سِن کِپلَنینگده حاقلیسینگ، و قاضیلیق اِدِنینگده، اوستون چیقانسینگ»‏ دییّپ یازیلاندیر.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

رومیلار 9:5

اُلار بِییک آتا-بابالاریمیزینگ نِسلیدیر.‏ عیسی مسیح هِم اینسان طِبیغاتی بُیونچا اُلاردان گِلیپ چیقاندیر.‏ هِمّه زاتدان یُقاری بُلان خودایا اِبِدی بِییکلیک بُلسون!‏ اَمین!‏

۱ قُرِنتُس‌لار 15:47

اَوَّلکی اینسان یِرینگ تُپراغینداندی، ایکینجی اینسان بُلسا آسمانداندی.‏

۱ قُرِنتُس‌لار 2:7

بیز خودایینگ سیرلی و گوزگین ساقلانان حِکمِتینی آیدیاریس.‏ خودای بو حِکمِتی بیزینگ هِم اُنونگ بِییکلیگینَه شِریک بُلماغیمیز اوچین، اُنی دونیَه یارادیلمازدان اُنگ قارار اِدیپدی.‏

۲ قُرِنتُس‌لار 1:19

مِن، سیلاس و تیموتاوس آرانگیزدا خودایینگ اُغلی عیسی مسیح بارادا واغیظ اِتدیک.‏ بیزینگ واغیظ اِدِن عیسی مسیحیمیز هِم ‏«‏هاووا»‏، هِم ‏«‏یُق»‏ دییِن دَلدیر.‏ خودای عیسی مسیحینگ اوستو بیلِن ‏«‏هاووا»‏ دییَّندیر.‏

غَلاطیه‌لِر 2:8

اُلار یَهودیلِره رِسول‍لیق اِتمَگه پِطرُسی بِلَّن خودایینگ مِنی-ده یَهودی دَل‍لِره رِسول‍لیق اِتمَگه بِلَّندیگینه،

غَلاطیه‌لِر 4:4

اِمّا بِلِّنیلِن واقت یِتیپ گِلِنده، خودای اُز اُغلونی ایبِردی.‏ اُل آیالدان دُغلوپ، شِریغاتلیغیندا یاشادی.‏

اِفِسُسلار 1:9

خودای اُزال-باشدان مسیحده یِرینه یِتیرِن یاخشی نییِتلِرینینگ اوستو بیلِن اُز ایسلِگینینگ سیرینی بیزه اَشکَر اِتدی.‏

اِفِسُسلار 6:19

هِر گِزِک کِپلَنیمده، گِرِکلی سُزلِر بِریلسین دییّپ، مِنینگ اوچین هِم خودایا دُغا اِدینگ.‏ شُندا مِن خوش خابارینگ سیرینی قُرقمان اِعلان اِدِرین.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 1:6

شو خوش خابار هِمّه دونیَه یایراپ میوه بِریپ گِلیَر.‏ خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

۲ تِسالونیکیلِر 1:10

اُنونگ مُقادِّسلِری بُلسا گِلجِک شُل گونونده و ایمان گِتیرِنلِرینگ هِمّه‌سی اُنی بِییکلِندیرِرلِر.‏ بولارا سیز هِم لاییقسینگیز، سِبَبی سیز اُزونگیزه اِدیلِن شاهاتلیقلارا ایناندینگیز.‏

۲ تِسالونیکیلِر 2:7

چونکی شِراراتلیق سیری شو واقت هِم حِرِکِتده، یُنه اُنی ساقلایان آرادان آیریلیانچا اُز ایشینی دُوام اِتدیرِر.‏

۱ تیموتاوس 3:9

اُلار خودایینگ بیزه عیسی مسیح باراسیندا آیان اِدِن حاقیقاتینا پَک وِجدانلی بُلوپ ساقلامالیدیر.‏

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 12:2

گِلینگ، گُزومیزی ایمانیمیزینگ چِشمه‌سی و کَمیلِّشدیرییَنچیسی، یَعنی عیسی تیکِیلینگ.‏ اُل گِلجِکدَکی شاتلیغا قاووشماق اوچین، ماسغاراچیلیغی هیچ حاساپلاپ، صلیبدَکی اُلومه جیدادی و خودایینگ تاختینینگ ساغیندا اُتوردی.‏

عِبرانیلار 7:7

کیچینینگ اُزوندِن بِییک آدامدان بِرِکِت آلیاندیغی شِک یُقدیر.‏

عِبرانیلار 8:1

آیدیانلاریمیزینگ ماقصادی شوندادیر:‏ آسماندا بِییک خودایینگ تاختینینگ ساغیندا اُتوران باش کاهینمیز باردیر.‏

۱ پِطرُس 1:12

شُندا بو خابارینگ پیغامبارلار اوچین دَل-ده، سیزه خیدمات اِدیَندیکلِری اُلارا آیان بُلدی.‏ حَضیرکی زاماندا بُلسا آسماندان ایبِرلِن مُقادِّس روحونگ اوستو بیلِن خوش خابار واغیظ اِدیلیَر.‏ بو زاتلارا حتّیٰ پِریشده‌لِر-ده دوشونمَگه چالیشدیلار.‏

۱ پِطرُس 1:20

مسیح دونیَه یارادیلمازدان اُنگ بِلِّنِن هِم بُلسا، سیزینگ خاطیرانگیزا بو زامانلارینگ آخیریندا آیان بُلدی.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ پِطرُس 3:22

اُل آسمانا چیقیپ و شو واقت خودایینگ ساغیندا اُتیر، و هِمّه پِریشده‌لِر، حُکومدارلار و قودراتلار اُنگا موطیع بُلدیلار.‏

۱ یوحنا 1:2

بو یاشاییش آیان بُلدی، بیز اُنی گُردوک.‏ آتامیز خودای بیلِن بُلان بو اِبِدی یاشاییش بیزه اَشکَر بُلدی.‏ ایندی بیز اُل بارادا شاهاتلیق اِدیپ، اُنی سیزه اِعلان اِدیَریس.‏

۱ یوحنا 3:5

مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز.‏ اُندا آصلا گونَه یُقدور.‏

۱ یوحنا 3:8

گونَه اِدیَن آدام شِیطانا دِگیشلیدیر، سِبَبی شِیطان باشلانان زاماندان بَری گونَه اِدیپ گِلیَندیر.‏ اِمّا خودایینگ اُغلی شِیطانینگ ایشلِرینی باطیل اِتمِک اوچین گِلدی.‏

آیانلیق 17:5

بو آیالینگ مانگلاییندا ‏«‏بِییک بابِل، دونیَه فاحیشه‌لِرینینگ و تِلِکه‌لیکلِرینینگ اِنه‌سی»‏ دییِن سیرلی آد یازیلیپدی.‏

آیانلیق 17:7

پِریشده مانگا شِیله دییدی:‏ ‏«‏نَمه حایران قالیارسینگ؟ آیالینگ و اُنونگ گُتِرلیپ باریان یِدی کِلّه‌سی و اُن شاخلی جاناوارینگ سیرینی مِن سانگا آیدایین.‏

آیانلیق 7:9

موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم.‏ اُلار آق لِباسدادیلار و اِل‍لِرینده خُرما باغینینگ شاخالاری باردی.‏