۱ تیموتاوس 1:4 - مُقادِّس کیتاب

⁴ قُی، اُلار قادیمی رِوایاتلارا، توکِنمِیَن نِسل شِجِره‌لِرینه یورِک بِرمِسینلِر.‏ بولار داعوا-جِنجِل‍لِرینگ دُرِمِگینه سِبَپ بُلوپ، خودایینگ ایشلِرینینگ ایمان بیلِن عِمِله گِچیریلمِگینه پَسگِل بِریَندیر.‏

۱ تیموتاوس 1:4 Iomraidhean Croise

۲ قُرِنتُس‌لار 1:12

اینه، بیز شونگا قووانیاریس:‏ بیز هِر کِس، خاص-دا سیز باباتدا خودایینگ بِرِن دُغریلیغی و پَک یورِکلیگی بیلِن حِرِکِت اِدیَریس.‏ بیز مونی دونیَه‌نینگ حِکمِتینه دَل-ده، خودایینگ مِرحِمِتینه دایانیپ اِدیَریس.‏ مونگا بیزینگ وِجدانیمیز-دا شاهاتدیر.‏

اِفِسُسلار 3:2

اُز مِرحِمِتینی سیز یَهودی دَل‍لِره یِتیرمِک اوچین، خودایینگ مانگا آیراتین تابشیریق بِرِندیگینی، اِلبِتّه، اِشیدِنسینگیز.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

۱ تیموتاوس 4:7

خودایینگ حالامایان کِپلِرینه و بُش رِوایاتلارینا قاتیشما-دا، قاووسی، اُزونگی خودایینگ یُلوندا تِربیِت اِت.‏

۱ تیموتاوس 6:11

اِمّا سِن، اِی خودایینگ آدامی، بو زاتلاردان قاچ.‏ دُغرولیق، تاقوالیق، ایمان، سُیگی، صابیر-طاقاتلیق و میلاییملیق یُل‍لارینینگ ایزینا دوش.‏

۱ تیموتاوس 6:20

اِی تیموتاوس، اُزونگه اینانیلیپ بِرلِنی قُرا.‏ دونیَه‌نگ بُش گورّونگلِریندِن و ‏«‏بیلیم»‏ دیلیَن تِرس فیکرلِردِن داش دور.‏

۲ تیموتاوس 2:14

بو زاتلاری هِمّه‌لِره یادلادیپ دور.‏ سُزلِرینگ مَعنیسی بارادا داعوالاشمازلیغی اُلارا خودایینگ حوضوریندا قاتی تابشیر.‏ سِبَبی شِیله داعوالار پِیدا گِتیرمَن، دینگلِیَنلِری هِلَکچیلیگه دوشیریاندیر.‏

۲ تیموتاوس 2:22

جُوانلیق هُوِسلِریندِن قاچ.‏ پَک یورِکدِن خودایا عیبادات اِدیَنلِر بیلِن بیرلیکده تاقوالیق، ایمان، سُیگی و پاراحاتلیق یُل‍لارینینگ ایزینا دوش.‏

۲ تیموتاوس 2:23

بُش و دوشومسیز جِدِل‍لِردِن داش دور.‏ سِبَبی داعوالارینگ شُلاردان دُرِیَندیگینی اُزونگ بیلیَنسینگ.‏

۲ تیموتاوس 4:4

اُلار حاقیقاتا قولاق آسمان، بُش رِوایاتلارینگ ایزینا دوشورلِر.‏

تیتوس 1:1

خودایینگ خیدماتچیسی و عیسی مسیحینگ رِسولی مِن پولسدِن دُغایی سالام!‏ خودای اُز سایلان آداملارینینگ ایمان گِتیرمِگی و اُنونگ یُلونی گُرگِزدیریَن حاقیقاتی بیلمِگی اوچین مِنی رِسولّیغا بِلِّدی.‏

تیتوس 1:14

قُی، اُلار یَهودی رِوایاتلارینا و حاقیقاتی رِد اِدیَنلِرینگ تابشیریقلارینا قولاق آسماسینلار.‏

تیتوس 3:9

بُش چِکِلِشیکلِردِن، نِسل شِجِره‌لِری و شِریغات حاقدَکی داعوا-جِنجِل‍لِردِن داش دور.‏ سِبَبی بولار پِیداسیز و بیدِرِک زاتلاردیر.‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

۲ پِطرُس 1:16

سیزه تانگریمیز عیسی مسیحینگ قودرات بیلِن گِلشی حاقدا خابار بِرِنیمیزده، بیز یالان رِوایاتلارینگ ایزینا دوشمِدیک.‏ بیز اُنونگ بِییکلیگینی اُز گُزومیز بیلِن گُردوک.‏