۱ تیموتاوس 1:3 - مُقادِّس کیتاب

³ مِن مَقدونیه اوغرانیمدا، سانگا اِفِسُس شَهرینده قال دییّپ تابشیریپدیم.‏ سِن اُل یِردَکی آداملارینگ کَبیرینه یالان تَعلیماتلاری یایراتمازلیغی تابشیر.‏

۱ تیموتاوس 1:3 Iomraidhean Croise

رِسول‍لار 18:19

اِفِسُسا گِلِنلِرینده، پولس پریسکیلا بیلِن آکیلانی شُل یِرده قالدیردی.‏ اُزی بُلسا کِنیسه گیدیپ، یَهودیلِر بیلِن فیکر آلیشدی.‏

رِسول‍لار 18:21

خوشلاشمازدان اُنگ، اُلارا سُز بِریپ:‏ ‏«‏خودای ایسلِسَه، یانینگیزا یِنه گِلِرین»‏ دییدی.‏ شوندان سُنگ اِفِسُسی قالدیریپ، کِشتی بیلِن یُلا دوشدی.‏

رومیلار 15:26

سِبَبی مَقدونیه‌دَکی و آخائیه‌دَکی کِلیسالار اورشلیمدَکی کِلیسانینگ مَحتَجلِرینه مادّی کُمِگینی ایبِرمِگی دُغری بیلدیلِر.‏

رومیلار 16:17

اِی عزیزلِر، سیزه اُورِدیلِن تَعلیماتا قارشی چیقیپ، آرانگیزدا بُلونیشیکلِری دُرِدیَنلِردِن و ایمانینگیزا سِد بُلیانلاردان خاباردار بُلونگ دییّپ یالباریارین.‏ شِیله آداملاردان داش دورونگ.‏

۲ قُرِنتُس‌لار 11:4

چونکی کیمدیر بیری گِلیپ، بیزینگ واغیظ اِدِنیمیزدِن باشغا عیسانی واغیظ اِدِنده، سیز اُنگا جیدایانگیز!‏ واخ، سیز قابول اِدِن مُقادِّس روحونگیزدان باشغا بیر روحی یا-دا باشغا ‏«‏خوش خاباری»‏ قابول اِتمَگه-ده تاییار آخیرین!‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

فیلیپیلِر 2:24

مِنینگ تیز واقتدا یانینگیزا بارجاقدیغیم باباتدا مسیح مِنی هِم ایناندیریار.‏

۱ تیموتاوس 4:11

بولارینگ بارینی تابشیر و تَعلیم بِر.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

۱ تیموتاوس 5:7

شُندا ایماندارلارینگ عایپسیز بُلماغی اوچین، بو زاتلاری اُلارا تابشیر.‏

۱ تیموتاوس 6:10

سِبَبی پول هُوِسی هِمّه بِلا-قاضانینگ سِبَبیدیر.‏ کَبیر آداملار اُنونگ عشقینا دوشوپ، ایماندان آزاشدیلار، اُزلِرینی کَن دِردلِره دوچار اِتدیلِر.‏

۱ تیموتاوس 6:17

بو زامانینگ بایلارینا مَغرور بُلمازلیغی تابشیر.‏ قُی، اُلار اینامسیز و قیسغا بایلیغا دَل-ده، لِذِّت آلماغیمیز اوچین هِر زادی بُل یِتیریَن خودایا بیل باغلاسینلار.‏

۱ تیموتاوس 6:3

اِگِر کیم-ده باشغا تَعلیماتی اُورِدیپ، تانگریمیز عیسی مسیحینگ دُغری تَعلیماتینی یالان بیلیپ، خودایینگ یُلونا لاییق بُلان تَعلیماتی قابول اِتمِیَن بُلسا،

۲ تیموتاوس 1:18

قُی، خودای قیامات گونی اُنگا اُز رِحمِتینی گُرکِزسین!‏ اُنونگ اِفِسُسدا مانگا نَهیلی یاردیم بِرِندیگینی اُزونگ-ده بیلیَنسینگ.‏

۲ یوحنا 1:7

اِنچِمه آلداوچیلار دونیَه یایرادی.‏ اُلار عیسی مسیحینگ اینسان بُلوپ گِلِندیگینی اینکَر اِدیَرلِر.‏ بِیله آداملار یالانچیدیر و مسیحینگ دوشمانیدیر.‏

آیانلیق 2:14

یُنه سانگا قارشی بیرنَچه آیتجاق زادیم بار.‏ سیزینگ آرانگیزدا بَلعامینگ تَعلیماتینگ ایزینا دوشیَنلِر بار.‏ بَلعام اسرائیل خالقینی گونَه‌نینگ تُرونا سالماغینگ یُلونی بالاقا اُورِتدی.‏ شِیدیپ، اسرائیل خالقی بُتا بِرلِن قربانلیغی اییّپ، زینا اِتدی.‏

آیانلیق 2:20

اِمّا سانگا قارشی بیر آیتجاق زادیم بار:‏ سِن اُزونی نِبیه حاساپلایان ایزابِل آدلی آیالینگ اِدِنلِرینه جیداملیلیق اِدیَرسینگ.‏ اُل مِنینگ بِنده‌لِریمی اُز تَعلیماتی بیلِن آزدیریپ، اُلارا زینا اِتدیرجِک بُلیار و بُتلارا هُدورلِنِن قربانلیقلاردان اییدیرجِک بُلیار.‏