۱ تِسالونیکیلِر 5:12 - مُقادِّس کیتاب

¹² ایندی بُلسا، اِی عزیزلِر، سیزدِن شولاری خاییش اِتمِکچی:‏ آرانگیزدا زَحمِت چِکیَنلِرینگ، مسیح یُلوندا سیزه باشچیلیق اِدیَنلِرینگ، و ناصیحات بِریَنلِرینگ قادیرینی بیلینگ.‏

۱ تِسالونیکیلِر 5:12 Iomraidhean Croise

لوقا 10:7

اُل اُیده قالیپ، اُلارینگ بِرِنلِرینی اییّپ-ایچینگ، سِبَبی ایشچی اُز ایشینه میناسیپدیر.‏ اُیدِن-اُیه گُچوپ یُرمَنگ.‏

یوحنا 4:38

مِن سیزی زَحمِت چِکمِدیک حاصیلینی اُرماغا ایبِردیم.‏ باشغالار بو حاصیلینگ اوغروندا زَحمِت چِکدیلِر، سیز بُلسا اُلارینگ زَحمِتینینگ نِتیجه‌سینی گُریَرسینگیز»‏ دییدی.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

رِسول‍لار 20:35

اُز اِل‍لِریم بیلِن قاتی ایشلَپ، مَحتَجلیک چِکیَنلِره کُمِک اِتمِکده مِن سیزه نِمونه گُرکِزدیم.‏ تانگریمیز عیسانینگ اِدیل اُزونینگ:‏ ‏”‏بِرمِک آلماقدان خاص کَن خوشواقتلیق گِتیریَر“‏ دییِن سُزلِرینی یاددا ساقلانگ.‏»‏

رومیلار 16:12

مسیح اوچین آرمان-یادامان زَحمِت چِکیَن آیال دُغانلاریمیز تریفینا و تریفوسا سالام آیدینگ.‏ مسیح اوچین کَن زَحمِت چِکیَن عزیز آیال دُغانیمیز پِرسیسه هِم سالام آیدینگ.‏

رومیلار 16:6

سیزینگ اوچین آرمان-یادامان زَحمِت چِکِن مریمه سالام آیدینگ.‏

۱ قُرِنتُس‌لار 12:28

خودای کِلیسادا اَوَّل رِسول‍لاری، سُنگرا نبوّت اِدیَنلِری، اوچونجی مُعلِّملِری بِلِّدی.‏ سُنگرا مُعجِزه گُرکِزیَنلِری و شِفا بِریَنلِری، یاردیم بِریَنلِری و مُدیرلاری، سُنگرا بِلّی دَل دیل‍لِرده گورلِیَنلِری بِلِّدی.‏

۱ قُرِنتُس‌لار 15:10

اِمّا مِن نَهیلی بُلسام-دا، دینگه خودایینگ مِرحِمِتینینگ اوستو بیلِن شِیله بُلدوم.‏ اُنونگ مانگا اِدِن مِرحِمِتی نِتیجه‌سیز بُلمادی.‏ مِن هِمّه‌لِردِن-ده کَن زَحمِت چِکدیم، آصلیندا مونی مِن دَل-ده، مانگا یار بُلان خودایینگ مِرحِمِتی اِتدی.‏

۱ قُرِنتُس‌لار 16:16

سیز هِم شِیله آداملارا و اُلار بیلِن ایشلَپ زَحمِت چِکیَنلِرینگ هِر بیرینه قولاق آسینگ.‏

۱ قُرِنتُس‌لار 16:18

اُلار سیزینگ گُوونینگیزه تَزه‌لیک بِریشلِری یالی، مِنینگ گُوونومه-ده تَزه‌لیک بِردیلِر.‏ شِیله آداملارینگ قادیرینی بیلینگ.‏

۱ قُرِنتُس‌لار 3:9

چونکی بیز خودایینگ هِمکَریدیریس و سیز خودایینگ اِکینی و اُنونگ عماراتیسینگیز.‏

۲ قُرِنتُس‌لار 11:23

مسیحینگ خیدماتکَرلِریمی؟ دیوانالار یالی شونی دییَّرین:‏ مِن اُلاردان-دا کَنرَکدیرین!‏ مِن اُلاردان خاص کَن زَحمِت چِکدیم، زیندانلارا-دا اُلاردان نَچه گِزِک-ده کَن دوشدوم.‏ یِنجیلمِکده-ده اُلاردان کَن اورلوپ-یِنجیلدیم.‏ اُلار بیلِن دِنگِشدیریلِنده اُلوم خاطاری بیلِن نَچه گِزِک یوزبه-یوز بُلدوم.‏

۲ قُرِنتُس‌لار 5:9

اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

۲ قُرِنتُس‌لار 6:1

بیز خودایینگ هِمکَرلِری حُکمونده سیزه یالباریاریس:‏ اُندان آلان مِرحِمِتینگیزی بی‌قادیر توتمانگ.‏

غَلاطیه‌لِر 4:11

مِن سیز باباتدا اولی قایغی-دا قالیارین.‏ اُندا مِنینگ زَحمِتیم بیدِرِک بُلیارمیقا؟

فیلیپیلِر 2:16

یاشاییش بِریَن سُزی قاییم توتونگ.‏ شُندا مِن بیدِرِک یِره زَحمِت چِکمَندیگیم، عاذابیمینگ پوچا چیقماندیغی باباتدا مسیحینگ گِلجِک گونونده قابارلانیپ بیلِرین.‏

فیلیپیلِر 2:19

تانگریمیز عیسی یُل بِرسه، یاغدایلارینگیزی بیلیپ راحاتلاماق اوچین، تیز واقتدا یانینگیزا تیموتاوسی ایبِرِرین دییّپ اومید اِدیَرین.‏

کولُسیلِر 1:29

شو ماقصات بیلِن جانیمی قایغیرمان زَحمِت چِکیَرین، مسیحینگ اُزومده ایشلِیَن قودراتلی گویجونه دایانیارین.‏

۱ تِسالونیکیلِر 2:9

اِی عزیزلِریم، بیزینگ چِکِن آغیر زَحمِتیمیز، گُرِن جِفالاریمیز یادینگیزدادیر.‏ خوش خاباری سیزه واغیظ اِدِن زامانیمیزدا هیچ کیمه آغرام سالماجاق بُلوپ، گیجه-گوندیز ایشلِدیک.‏

۱ تِسالونیکیلِر 4:1

اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

۱ تِسالونیکیلِر 5:14

اِی عزیزلِر، سیزه یالباریاریس:‏ بیکَر گِزیَنلِری ناصیحات اِدینگ، اومیدسیزلارا گُوونلیک بِرینگ، اِجیزلِری قُلدانگ، هِمّه‌لِر باباتدا صابیر-جِداملی بُلونگ.‏

۱ تیموتاوس 5:1

قارّی آدامی کَیِمه-ده، اُنی اُز آتانگ کیمین گُروپ، اِدِبلیک بیلِن ناصیحات بِر.‏ یاش ییگیتلِره اُز دُغانلارینگ یالی،

۱ تیموتاوس 5:20

گونَه اِدیَنلِری بُلسا هِمّه‌لِرینگ اُوونده کَیی.‏ قُی، بو بِیلِکیلِره هِم دِرس بُلسون.‏

۲ تیموتاوس 2:6

زَحمِتکِش تایخان هِم اُز حاصیلیندان اَوَّلکی پایی اُزی آلمالیدیر.‏

تیتوس 1:3

اُنی سُزونگ اوستو بیلِن اُز بِلَّن واقتیندا آیان اِتدی.‏ نِجات بِریَنچیمیز خودای بو سُزونی واغیظ اِتمِگی مانگا تابشیردی.‏

تیتوس 1:5

سانگا تابشیریشیم یالی، قالان ایشلِری بیتیر، هِر شَهردَکی کِلیسالارا یاشولیلاری بِلّه.‏ اینه، اِدیل شو ماقصات بیلِن مِن سِنی کریتدَه قُیوپ قایداندیرین.‏

تیتوس 2:15

هاووا، بولارینگ بارینی اُورِت.‏ هِمّه ایختییارلیق بیلِن گُوونلیک بِر و هِم کَیی.‏ قُی، هیچ کیم سِنی اَسگِرمِزلیک اِتمِسین.‏

عِبرانیلار 13:17

یُلباشچیلارینگیزینگ سُزونه قولاق آسینگ، اُلارا موطیع بُلونگ.‏ اُلار سیزینگ جانینگیز اوچین خودایا حاساپ بِرِرلِر.‏ اُلارینگ سُزونه قولاق آسینگ، سِبَبی اُلار سیزه قاراوولچیلیق اِدیَندیرلِر.‏ قُی، اُلار وِظیفه‌لِرینی شاتلیق بیلِن یِرینه یِتیرسینلِر، قایغی-حاسرات چِکمِسینلِر، یُغسام، مونونگ سیزه پِیداسی یِتمِز.‏

عِبرانیلار 13:7

خودایینگ سُزونی سیزه یِتیرِن یُلباشچیلارینگیزی یادا سالینگ.‏ اُلارینگ نَهیلی قاوی دورموشدا یاشاپ گِچِندیگی بارادا فیکر اِدینگ.‏ اُلارینگ ایمانلاریندان نِمونه آلینگ.‏

آیانلیق 1:20

مِنینگ ساغ اِلیمده گُریَن یِدی ییلدیزینگ و یِدی قیزیلدان چیراغدانینگ سیری شِیله:‏ یِدی ییلدیز یِدی کِلیسانینگ پِریشده‌لِرینی و یِدی چیراغدان هِم یِدی کِلیسانی بیلدیریَندیر.‏»‏

آیانلیق 2:12

‏«‏پِرغاموسداقی کِلیسانینگ پِریشده‌سینه شونی یاز:‏ ‏«‏ایکی یوزلی کِسگیر قیلیجی بُلان شِیله دییَّر:‏

آیانلیق 2:18

‏«‏تیاتیراداقی کِلیسانینگ پِریشده‌سینه شونی یاز:‏ ‏«‏گُزلِری آلاولایان اُد یالی، آیاقلاری میس یالی ییلدارایان خودایینگ اُغلی شِیله دییَّر:‏

آیانلیق 2:3

سِن قایراتلیسینگ، مِنینگ اوغرومدا کَن قینچیلیقلارا جیدادینگ و یادامادینگ.‏

آیانلیق 2:8

‏«‏اِزمیردَکی کِلیسانینگ پِریشده‌سینه شونی یاز:‏ ‏«‏اُلِن و دیرِلِن، اَوَّلکی و آخیرقی شِیله دییَّر:‏

آیانلیق 3:1

‏«‏ساردِسدَکی کِلیسانینگ پِریشده‌سینه شونی یاز:‏ ‏«‏خودایینگ یِدی روحی و یِدی ییلدیزی بُلان آدام شِیله دییَّر:‏ مِن سِنینگ هِمّه اِدِن ایشلِرینگی بیلیَرین.‏ سِن دیری حاساپلانسانگ-دا اِمّا اُلوسینگ.‏

آیانلیق 3:14

‏«‏لائودیکیه‌دَکی کِلیسانینگ پِریشده‌سینه شونی یاز:‏ ‏«‏اِمین و حاقیقی شاهات، خودایینگ یارادانلارینینگ باشی، اَمین دییّپ آدلاندیریلیان شِیله دییَّر:‏

آیانلیق 3:7

‏«‏فیلادِلفیه‌دَکی کِلیسانینگ پِریشده‌سینه شونی یاز:‏ ‏«‏بو خابار مُقادِّس و حاقیقی بُلانداندیر.‏ اُل داوود پیغامبار آچارینینگ اِیه‌سیدیر.‏ اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز.‏ اینه، اُل شِیله دییَّر:‏