۱ تِسالونیکیلِر 4:1 - مُقادِّس کیتاب

¹ اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

۱ تِسالونیکیلِر 4:1 Iomraidhean Croise

یوحنا 15:2

اُل مِنینگ میوه بِرمِیَن هِر بیر شاخامی کِسیپ زینگیار، میوه بِریَنینی بُلسا کَن میوه بِرِر یالی اُل اُنی پَکلِیَر.‏

رِسول‍لار 20:27

سِبَبی مِن خودایینگ هِمّه ایسلِگینی سیزه واغیظ اِتمِکدِن قایغیرمادیم.‏

رومیلار 8:8

شُنونگ اوچین-ده، اینسان هُوِسلِرینه گُرَه یاشایانلار، خودایی خُشنود اِدیپ بیلمِز.‏

۱ قُرِنتُس‌لار 11:23

چونکی مِن عیسادان آلان تَعلیماتیمی سیزه تابشیردیم.‏ تانگری عیسی اُزونه خایینلیق اِدیپ توتولان گیجه‌سی اِلینه چُرِک آلیپ، شوکور اِتدی.‏ سُنگرا چُرِگی بُلوپ:‏ ‏«‏بو سیزینگ اوچین بِرلِن بِدِنیمدیر.‏ مونی مِنی یادلاماق اوچین بِرجای اِدینگ»‏ دییدی.‏

۱ قُرِنتُس‌لار 15:1

ایندی بُلسا، اِی عزیزلِر، سیزه واغیظ اِدِن خوش خاباریمی یادلاپ گِچمِکچی.‏ سیز اُنی قابول اِدیپ، اُندا قاییم دورسونگیز.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۲ قُرِنتُس‌لار 10:1

مِن، پولس، هاووا، آرانگیزداقام یومشاق، اِمّا سیزدِن اوزاقداقام باتیر حاساپلانیان شُل پولسینگیز، عیسی مسیحینگ میلاییملیغی و مِهرِبانلیغی بیلِن خاییش اِدیپ،

۲ قُرِنتُس‌لار 13:11

شونلوقدا، اِی عزیزلِر، شاتلانینگ!‏ اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ.‏ شُندا سُیگی و پاراحاتلیق خودایی سیزینگ بیلِن بُلار.‏

۲ قُرِنتُس‌لار 5:9

اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

۲ قُرِنتُس‌لار 6:1

بیز خودایینگ هِمکَرلِری حُکمونده سیزه یالباریاریس:‏ اُندان آلان مِرحِمِتینگیزی بی‌قادیر توتمانگ.‏

غَلاطیه‌لِر 6:1

شونلوقدا، اِی عزیزلِر، اِگِر کیمدیر بیری گونَه‌نینگ تُرونا دوشِن بُلسا، سیز، یَعنی روحانی یاشایانلار، اُنی یومشاقلیق بیلِن دُغری یُلا گِتیرینگ.‏ اِمّا وِسوِسَه دوشمِز یالی، اُزونگیزه-ده خاباردار بُلونگ.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

اِفِسُسلار 4:20

اِمّا سیز مسیح بارادا اُورِنِنینگیزده، بِیله زاتلاری اُورِنِن دَلسینگیز.‏

اِفِسُسلار 5:17

شُنونگ اوچین-ده نادان بُلمان، قایتام، مسیحینگ اِراداسینینگ نَمِدیگینه دوشونینگ.‏

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

فیلیپیلِر 1:9

مِن سُیگینگیزینگ بیلیمده و گویچلی فَهیملیک دِرِجه دُلوپ-آقماغینی دیلِیَرین.‏

فیلیپیلِر 3:14

مِن خودایینگ عیسی مسیحده آسمانداقی یاشایشا چاغیریان بایراغینی آلماق اوچین، ماقصادیما طاراف تاقالّا اِدیپ یُرتیارین.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

کولُسیلِر 2:6

شِیلِلیکده، عیسی مسیحی تانگرینگیز حُکمونده قابول اِدیشینگیز یالی، اُنونگ گُرکِزِن یُلی بیلِن یُرینگ.‏

۱ تِسالونیکیلِر 3:12

بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.‏

۱ تِسالونیکیلِر 4:2

تانگری عیسانینگ هایسی گِلِن حُکوملِرینی سیزه بِرِنیمیزی بیلیَرسینگیز آخیرین.‏

۱ تِسالونیکیلِر 5:12

ایندی بُلسا، اِی عزیزلِر، سیزدِن شولاری خاییش اِتمِکچی:‏ آرانگیزدا زَحمِت چِکیَنلِرینگ، مسیح یُلوندا سیزه باشچیلیق اِدیَنلِرینگ، و ناصیحات بِریَنلِرینگ قادیرینی بیلینگ.‏

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

۲ تِسالونیکیلِر 2:1

ایندی بُلسا، اِی عزیزلِر، تانگریمیز عیسی مسیحینگ گِلمِگی و اُنونگ یانینا اویشمِگیمیز باباتدا شولاری آچیقلاشدیرماقچی:‏

۲ تِسالونیکیلِر 3:1

آخیری، اِی عزیزلِر، خوش خابار سیزینگ آرانگیزدا باسیم یایراپ، بِییکلِندی.‏ اُل بِیلِکی یِرلِرده-ده شِیله بُلار یالی، بیزینگ اوچین دُغا اِدینگ.‏

۲ تِسالونیکیلِر 3:13

اِمّا سیز بُلسا، اِی عزیزلِر، یاخشیلیق اِتمِکده یادامانگ.‏

۱ تیموتاوس 5:21

شو تابشیریقلاری بِرجای اِدِنینگده، مِسِلَنینگ دویبینَه یِتمَن، هیچ کیمی گونَه‌کَرلِمه، طارافکِشلیک اِتمه.‏ اینه، شولارینگ بارینی خودایینگ، عیسی مسیحینگ و سایلانان پِریشده‌لِرینگ اُوونده سانگا قاییم تابشیریارین.‏

۲ تیموتاوس 4:1

خودایینگ حوضوریندا، شِیله هِم دیریلِره و اُلولِره قاضیلیق اِتجِک عیسی مسیحینگ حوضوریندا، اُنونگ گِلمِگینینگ و پادیشاهلیق اِتمِگینینگ خاطیرینا سانگا شولاری قاتی تابشیریارین:‏

عِبرانیلار 11:6

ایمان گِتیرمِیَن آدام هیچ واقت خودایی خُشنود اِدیپ بیلمِز، چونکی خودایا یاقینلاشان آدام اُنونگ بارلیغینا و اُزونی آغتاریانلاری بایراق بِرجِکدیگینه حُکمَن ایمانی بُلمالیدیر.‏

عِبرانیلار 13:16

یاخشیلیق اِتمِگی و اِلده بارینگیزی بِیلِکیلِره بِرمِگی اونوتمانگ، سِبَبی شونونگ یالی قربانلیقلار خودایی خُشنود اِدیَندیر.‏

عِبرانیلار 13:22

اِی عزیزلِر، سیزه یازان بو قیسغا نامه‌مداقی ناصیحاتلاریمی تویس یورِکدِن قابول اِتمِگینگیزی خاییش اِدیَرین.‏

۲ پِطرُس 3:18

تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ.‏ حَضیردِن تا اِبِدییَه چِنلی اُنگا بِییکلیک بُلسون!‏ اَمین.‏

۱ یوحنا 3:22

اُندان نَمه دیلِسِک آلاریس، سِبَبی بیز اُنونگ حُکوملِرینی بِرجای اِدیپ، اُنی خُشنود اِدیَن ایشلِری اِدیَندیریس.‏