۱ پِطرُس 2:8 - مُقادِّس کیتاب

⁸ شِیله هِم، ‏«‏بو داش بودریمِگَه و بو قایا قاچماغا سِبَپ بُلدی»‏.‏ اُلار اُنگدِن بِلِّنیشی یالی، بو سُزه موطیع بُلمانسُنگلار بودرییَرلِر.‏

۱ پِطرُس 2:8 Iomraidhean Croise

لوقا 2:34

شمعون اُلارا بِرِکِت بِریپ، اِنه‌سی مریمه:‏ ‏«‏بو اُغلان اسرائیل‌دا کَن آداملارینگ پِسِلمِگینه و بِیگِلمِگینه سِبَپکَر بُلار.‏ اُل خودای طارافیندان بِرلِن عالامات بُلوپ، اینسانلار اُنگا قارشی چیقارلار.‏

رومیلار 9:22

خودای اُز قودراتینی گُرکِزمِک اوچین، هِلَکچیلیگه لاییق بُلان آداملارینگ اوستونه غاضابینی دُکوپ بیلیَر.‏ یُنه اُل اُزونی غاضابلاندیریان آداملارا اولی صابیر طاقاتلیق اِدیَندیر!‏

۱ قُرِنتُس‌لار 1:23

بیز بُلسا صلیبه چویلِنِن عیسی مسیحی واغیظ اِدیَریس.‏ مسیح یَهودیلِر اوچین بودریمه داشیدیر، یَهودی دَل‍لِر اوچین بُلسا آحماقلیقدیر.‏

۲ قُرِنتُس‌لار 2:16

اِمّا بیز هِلَکچیلیک یُلوندان باریانلار اوچین اُلوم ایسی بُلساق، نِجات تاپانلار اوچین یاشاییش عاطیرلاریدیریس.‏ بِیله ایشینگ چاره‌سیندِن گِلجِک بارمی نَمه؟

غَلاطیه‌لِر 5:11

اِی عزیزلِریم!‏ اِگِر مِن هِنیز-ده سونِّتلِنیلمَنی واغیظ اِدیَن بُلسام، اُندا مِن نَمه اوچین آزارلانیارقام؟ اِگِر دُغرودان-دا شِیله بُلیان بُلسا، اُندا عیسانینگ صلیبی باباتداقی واغظیم بودریمه داشی بُلمازدی.‏

۱ پِطرُس 2:6

مُقادِّس یازغیلاردا شِیله دییّلیَر:‏ ‏«‏اینه، مِن صَهیوندا بینا داشینی، سایلاما و قیماتلی بورچ داشینی قُییارین.‏ اُنگا تَوَکُّل اِدِن آصلا اوتاندیریلماز.‏»‏

۱ پِطرُس 2:7

هاووا، ایمان گِتیرِن سیزینگ اوچین بو داش قیماتلیدیر.‏ اِمّا ایمان گِتیرمِدیکلِر اوچین، ‏«‏بِنّالارینگ رِد اِدِن داشی، اُل بورچ داشی بُلدی»‏.‏

۲ پِطرُس 2:3

آچگُزلیکدِن یانگا بو یالان مُعلِّملِر اُز یالان حِکایاتلاری بیلِن سیزدِن پِیدالانانلار.‏ شُنونگ اوچین اُلارینگ جِزاسی قادیمدان تاییار دوراندیر و هِلَکچیلیگی بُلسا گیجَه قالماز.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏