۱ پِطرُس 1:22 - مُقادِّس کیتاب

²² ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 1:22 Iomraidhean Croise

یوحنا 15:17

مِنینگ سیزه حُکومیم شودور:‏ بیری-بیرینگیزی سُیونگ.‏

یوحنا 15:3

مِنینگ سیزه آیدان سُزوم اوستو بیلِن سیز ایندی پَکسینگیز.‏

یوحنا 17:17

سِنینگ سُزونگ حاقیقاتدیر.‏ حاقیقاتینگ اوستو بیلِن اُلاری اُزونگه مُقادِّس اِت.‏

یوحنا 17:19

اُلار اوچین، مِن اُزومی سانگا باغیش اِتیَم، شِیدیپ، اُلار هِم حاقیقات بیلِن اُزلِرینی سانگا باغیش اِدِرلِر.‏

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رِسول‍لار 6:7

شِیلِلیکده، خودایینگ خوش خاباری خاص-دا یایراپ و اورشلیمده شَگیرتلِرینگ سانی باردیقچا کَنِلیَردی و کَن کاهینلار-دا ایمان گِتیردیلِر.‏

رومیلار 1:5

خودای بیزه عیسی مسیحینگ اوستو بیلِن مِرحِمِت اِدیپ، رِسولّیغا سایلادی.‏ اُل مونی هِمّه میلِّتلِرینگ خودایا ایمان گِتیریپ، اُنگا موطیع بُلماغی، عیسی مسیحینگ آدینینگ بِییکلِنمِگی اوچین اِتدی.‏

رومیلار 2:8

اِمّا اُز خاییرینی گُزلِیَنلِر و حاقیقاتی رِد اِدیپ، یامانلیغینگ ایزینا دوشیَنلِر بُلسا قاهار-غاضابا دوچار بُلارلار.‏

رومیلار 8:13

اِگِر سیز اینسان هُوِسلِرینینگ ایسلِگلِرینه گُرَه یاشاسانگیز، اُلِرسینگیز.‏ اِمّا اینسان هُوِسلِرینینگ تِلِکه ایشلِرینی روحونگ گویجینینگ اوستو بیلِن یُق اِتسِنگیز، یاشارسینگیز.‏

۲ قُرِنتُس‌لار 6:6

بیز مونی پَکلیک، بیلیم، صابیرلیلیق، مِهرِبانلیق، مُقادِّس روح بیلِن، صادیق سُیگی،

غَلاطیه‌لِر 3:1

اِی عاقیلسیز غَلاطیه‌لِر!‏ سیزینگ گُزونگیزی کیم باغلادی؟ مِن سیزه خوش خاباری واغیظ اِدِنیمده، صلیبه چویلِنِن عیسی مسیحی اِدیل اُز گُزونگیز بیلِن گُریَن یالیدینگیز آخیرین!‏

غَلاطیه‌لِر 5:5

بیز بُلسا مُقادِّس روحا دایانیپ، اومید باغلایان تاقوالی بُلمامیزا ایمان بیلِن قاراشیاندیریس.‏

غَلاطیه‌لِر 5:7

سیز شِیله قاوی یُرتیاردینگیز آخیرین.‏ سیزی حاقیقاتا ایناندیرماجاق بُلوپ، کیم سیزینگ قادامینگیزا آیاق سالدی؟

اِفِسُسلار 4:3

اُزآرا پاراحاتلیقدا یاشاپ، مُقادِّس روحونگ بیرلیگینی قُریماغا تاقالّا اِدینگ.‏

فیلیپیلِر 1:9

مِن سُیگینگیزینگ بیلیمده و گویچلی فَهیملیک دِرِجه دُلوپ-آقماغینی دیلِیَرین.‏

۱ تِسالونیکیلِر 3:12

بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.‏

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

۲ تِسالونیکیلِر 2:13

اِی تانگری عیسی طارافیندان سُیولیَن عزیزلِر!‏ سیز نِجات تاپیپ بیلِرینگیز یالی، خودای سیزی اُزالدان سایلادی.‏ سیز مُقادِّس روحونگ اوستو بیلِن پَکلِنیپ، حاقیقاتا بُلان ایمانینگیز سِبَبی نِجات تاپدینگیز.‏ شُنگا گُرَه-ده، بیز هِمیشه سیزینگ اوچین خودایا شوکور اِتمِلیدیریس.‏

۱ تیموتاوس 1:3

مِن مَقدونیه اوغرانیمدا، سانگا اِفِسُس شَهرینده قال دییّپ تابشیریپدیم.‏ سِن اُل یِردَکی آداملارینگ کَبیرینه یالان تَعلیماتلاری یایراتمازلیغی تابشیر.‏

۱ تیموتاوس 1:5

تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر.‏

۱ تیموتاوس 4:12

یاش ییگیت بُلانینگ اوچین سانگا هیچ کیم اَسگِرمِزلیک اِتمِسین.‏ سِن هِم سُزده، یاشاییشدا، سُیگوده، ایماندا و پَکلیکده ایمان گِتیرِنلِره نِمونه بُل.‏

۱ تیموتاوس 5:2

قارّی آیال‍لارا اُز اِنه‌نگ یالی، یاش آیال‍لارا اُز آیال دُغانلارینگ یالی گُروپ، اُلارا پَک یورِکدِن ناصیحات بِر.‏

۲ تیموتاوس 1:14

اُزونگه تابشیریلان قاوی تَعلیماتی بیزده مِسکِن توتان مُقادِّس روحونگ اوستو بیلِن ساقلا.‏

عِبرانیلار 11:8

میراث اِدیپ بِرِن یوردونا ایبِرمِک اوچین خودای ابراهیمی چاغیراندا، اُل ایمانینگ اوستو بیلِن اُنگا موطیع بُلدی، نیرَه باریاندیغینی بیلمِزدِن یُلا دوشدی.‏

عِبرانیلار 13:1

مسیحه ایمان گِتیرِنلِره میناسیپ بُلشی یالی، بیری-بیرینگیزی سُیونگ.‏

عِبرانیلار 5:9

شِیلِلیکده، عیسی مسیح کَمیل بُلوپ، اُل اُزونه موطیع بُلیانلارینگ هِمّه‌سینی اِبِدیلیک نِجات بِرمِگی باشاریار.‏

عِبرانیلار 6:10

خودای عادالاتلیدیر، چونکی اُل سیزینگ بیتیرِن ایشینگیزی، اُنونگ خالقینا اِدِن و اِدیَن خیدماتینگیز بیلِن اُزونه بُلان سُیگینگیزی یاددان چیقارماز.‏

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

یعقوب 1:21

شُنونگ اوچین هِم تِلِکه‌لیگی و هِر هیلی یامانلیغی کَنِلتیَن زادی زینگیپ اُقلانگ-دا، خودایینگ قالبینگیزا اِکِن سُزونی فُروتَنلیک بیلِن قابول اِدینگ.‏ بو سُز جانینگیزی نِجات بِرمِگی باشاریاندیر.‏

یعقوب 4:8

خودایا یاقینلاشینگ، اُل هِم سیزه یاقینلاشار.‏ اِی گونَه‌کَرلِر، اِلینگیزی گونَه‌دِن پَکلَنگ.‏ اِی ایکیگُوونلیلِر، یورِگینگیزی پَکلَنگ.‏

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۱ پِطرُس 2:17

هِمّه‌لِره حُرمات قُیونگ.‏ ایماندارلاری سُیونگ، خودایدان قُرقونگ و پادیشاهی سیلانگ.‏

۱ پِطرُس 3:1

اِدیل شونونگ یالی، اِی آیال‍لار، سیز هِم اُز اَرینگیزه موطیع بُلونگ.‏ اِگِر اَرینگیز خودایینگ سُزونه اینانمایان بُلسا، اُل آیالینینگ خودایدان قُرقوپ یاشایان و پَک دورموشینی گُروپ، هیچ بیر آیدیپ-دییمِزدِن ایمانا گِلِر.‏

۱ پِطرُس 3:20

بو روحلار قادیم زاماندا نوحونگ کِشتیسی بِجِرلیپ دورقا، خودای هِنیز صابیر-طاقاتلیق اِدیپ قاراشیارقا، اُنگا موطیع بُلمادیلار.‏ شُل کِشتیده بُلسا آز آدام، سانی سِکیز آدام سووونگ اوستو بیلِن نِجات تاپدی.‏

۱ پِطرُس 3:8

شِیلِلیکده، هِمَّه‌نگیز یورِگینگیز بیر و دِردینگیز بیر بُلوپ، بیری-بیرینگیزی سُیونگ.‏ رِحم-شِپاقاتلی و فُروتَن بُلونگ.‏

۱ پِطرُس 4:17

چونکی حُکوم خودایینگ اُی ایچِریسیندِن باشلانمالی واقتی گِلیپ یِتدی.‏ حُکوم اَوَّل بیزدِن باشلانسا، اُندا خودایینگ خوش خابارینا موطیع بُلمایانلارینگ آخیری نَمه بُلار؟

۱ پِطرُس 4:8

هِمّه زاتدان مُهِم بیری-بیرینگیزی تویس یورِکدِن سُیونگ، سِبَبی سُیگی کَن گونَه‌لِرینگ اوستونی اُرتیَندیر.‏

۲ پِطرُس 1:7

تاقوالیقدا مِهرِبانلیغی، مِهرِبانلیقدا خودایینگ سُیگوسینی آرتدیرماغا چالیشینگ.‏

۱ یوحنا 3:11

سیز بیری-بیریمیزی سُیمِلیدیگیمیز بارادا اُزال-باشدان اِشیدِنسینگیز.‏

۱ یوحنا 3:23

بو خودایینگ حُکومیدیر:‏ بیز اُنونگ اُغلی عیسی مسیحینگ آدینا ایمان گِتیرمِلیدیریس و عیسانینگ دِستور بِرشی یالی بیری-بیریمیزی سُیمِلیدیریس.‏

۱ یوحنا 4:12

هیچ کیم هیچ هاچان خودایی گُرِن دَلدیر.‏ اِمّا بیز بیری-بیریمیزی سُییَن بُلساق، اُندا خودای بیزینگ بیلِن یاشایاندیر، اُنونگ سُیگوسی قالبیمیزا کَمیل یِرلِشِندیر.‏

۱ یوحنا 4:20

کیم ‏«‏خودایی سُییَرین»‏ دییّپ هِم، اُز دُغانینی ییگرِنیَن بُلسا، اُل یالانچیدیر.‏ اُزونینگ گُروپ دوران دُغانینی سُیمِیَن آدام گُرمِدیک خودایینی سُیوپ بیلمِز آخیری.‏

۱ یوحنا 4:7

اِی عزیزلِریم، بیری-بیریمیزی سُیِیلینگ، چونکی سُیگی خودایداندیر.‏ کیم سُییَن بُلسا، خودایینگ فِرزِندیدیر، اُل خودایی تانییاندیر.‏

آیانلیق 2:4

اِمّا سانگا قارشی آیتجاق بیر زادیم بار:‏ سِن مِنی اَوَّلکی سُیشونگ یالی سُیمِیَرسینگ.‏