۱ یوحنا 5:4 - مُقادِّس کیتاب

⁴ چونکی خودایینگ هِر بیر فِرزِندی دونیَه‌نی یِنگمِگی باشاریاندیر.‏ بیز دونیَه‌نینگ اوستوندِن بو یِنگشی ایمانیمیزینگ اوستو بیلِن قازانیاریس.‏

۱ یوحنا 5:4 Iomraidhean Croise

یوحنا 1:13

اُلار نه تِن، نه اینسان ایسلِگیندِن، نه-ده اِرکِک هُوِسیندِن دُغوپدیلار، اُندان باشغا، خودای طارافیندان دُغلان فِرزِنتلِردیر.‏

یوحنا 16:33

بو زاتلاری سیزه، مِنده پاراحاتلیغینگیز بُلسون دییّپ آیتدیم.‏ بو دونیَه‌ده زَحمِت و اِذیِتینگیز بُلار، یُنه خاطیرجِم بُلونگ، چونکی مِن دونیَه‌نی یِنگدیم!‏»‏ دییدی.‏

یوحنا 3:3

عیسی اُنگا:‏ ‏«‏سانگا دُغروسینی آیدیارین، تَزه‌دِن دُغمادیق آدام خودایینگ پادیشاهلیغینی گُروپ بیلمِز»‏ دییّپ جُغاپ بِردی.‏

۱ قُرِنتُس‌لار 15:57

یُنه خودایا مونگ-ده بیر شوکور!‏ اُل تانگریمیز عیسی مسیحینگ اوستو بیلِن بیزه اوتماغی بِردی.‏

۱ یوحنا 2:29

سیز مسیحینگ عادیلدیغینی بیلیَنسینگیز، شُنونگ اوچین عادالاتی بِرجای اِدیَن هِر بیر اینسان خودایینگ فِرزِندیدیر.‏

۱ یوحنا 3:9

خودایینگ فِرزِندی گونَه اِتمِگینی دُوام اِتمِز، سِبَبی اُنگا خودایینگ طِبیغاتی یِرلِشِندیر.‏ ایندی گونَه اِتمِز، سِبَبی اُل خودایینگ فِرزِندیدیر.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

۱ یوحنا 5:1

عیسانینگ مسیحدیگینه اینانیان هِر بیر آدام خودایینگ فِرزِندیدیر.‏ آتانی سُییَن آدام اُنونگ فِرزِندینی-ده سُییَندیر.‏

۱ یوحنا 5:18

بیز خودایینگ فِرزِنتلِرینینگ گونَه اِتمِیَندیگینی بیلیَریس.‏ خودایینگ اُغلی اُلاری قُرییاندیر، شِیطان اُلارا اِل اورماز.‏

۱ یوحنا 5:5

اُندا دونیَه‌نی کیم یِنگیپ بیلِر؟ اِلبِتّه، عیسی خودایینگ اُغلودیغینا ایمان گِتیریَن آدام یِنگیپ بیلِر!‏

آیانلیق 12:11

اُلار قوزینینگ قانینینگ اوستو بیلِن و اُز شاهاتلیقلارینینگ اوستو بیلِن شِیطانی یِنگدیلِر.‏ حتّیٰ اُلوم قُرقوسی اوستلِرینه قُرقی سالسا-دا، جانلارینی قایغیرمادیلار.‏

آیانلیق 15:2

مِن اُد بیلِن قاریشیق، سویشه‌دِن بِجِرلِن دِریا یالی بیر زات گُردوم.‏ اُنونگ اوستونده جاناواری، اُنونگ مُجِسِّمه‌سینی و آدینی بیلدیردیَن سانی یِنگِلِر دوردی.‏ اُلارینگ اِل‍لِرینده خودایینگ بِرِن چالینیان سازلاری باردی.‏

آیانلیق 2:11

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آدام ایکینجی اُلومینگ زییانلارینا دوچار بُلماز.‏»‏

آیانلیق 2:17

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما گوزگین ساقلانان مانّادان بِرِرین.‏ موندان باشغا-دا، اُنگا یوزونه تَزه آد یازیلان بیر آق داش بِرِرین.‏ بو آدی، داشی آلجاق آدامدان باشغا هیچ کیم بیلمِز.‏»‏

آیانلیق 2:26

آتامینگ مانگا ایختییار بِرشی یالی، مِن هِم یِنگیپ چیقان آداما، مِنینگ اِرادامی آخیرا چِنلی یِرینه یِتیرینه میلِّتلِرینگ اوستوندِن ایختییار بِرِرین.‏ اُل میلِّتلِری دِمیر ‌عصاسی بیلِن دُلاندیرار، و اُلاری کویزه یالی دِربی-داغین اِدِر.‏

آیانلیق 2:7

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما خودایینگ جِنِّتدَکی یاشاییش باغینینگ میوه‌سیندِن اییمَگه اِجازا بِرِرین.‏»‏

آیانلیق 3:12

یِنگیپ چیقان آدامی خوداییمینگ عیباداتخاناسینینگ سوتونی اِدِرین و اُل موندان بِیلِک شُل یِری آصلا تِرک اِتمِز.‏ مِن اُنونگ اوستونه خوداییمینگ آدینی و خوداییمینگ شَهرینینگ آدینی یازارین.‏ بو شَهر آسماندان، خوداییمینگ حوضوریندان اینیَن تَزه اورشلیمدیر.‏ مِن اُنونگ اوستونه اُز آدیمی هِم یازارین.‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏

آیانلیق 3:5

یِنگیپ چیقان آدام هِم آق لِباسا گِیینِر.‏ مِن اُنونگ آدینی یاشاییش کیتابیندان پُزمارین و آتامینگ و اُنونگ پِریشده‌لِرینینگ حوضوریندا تاصدیقلارین.‏