۱ یوحنا 4:1 - مُقادِّس کیتاب

¹ عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ.‏ اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ.‏ سِبَبی دونیَه‌ده اِنچِمه یالان نِبیلِر گُروندی.‏

۱ یوحنا 4:1 Iomraidhean Croise

مَرقُس 13:21

شُندا بیری سیزه:‏ ‏”‏اینه، مسیح بو یِرده“‏ یا-دا ‏”‏حُنّا، اُل یِرده“‏ دییسه، اینانمانگ.‏

لوقا 12:57

‏«‏نَمه اوچین اُزونگیزه دُغری زادی سایلاپ آلیپ بیلمِیَرسینگیز؟

لوقا 21:8

اُل:‏ ‏«‏خاباردار بُلونگ، هیچ کیم سیزی آلدایماسین!‏ اِنچِمه‌لِر ‏”‏شُل قاراشیانینگیز – مِندیرین!‏“‏ و ‏”‏واقت قُلایلادی!‏“‏ دییّپ، مِنینگ آدیم بیلِن گِلِرلِر.‏ اُلارینگ ایزینا دوشمَنگ.‏

رِسول‍لار 17:11

بیریه‌دَکی یَهودیلِرینگ تِسالونیکیدَکی یَهودیلِره باقانلاریندا کَن آصیلّیدیلار.‏ اُلار عیسی حاقینداقی خاباری خاص گُوونلیلیک بیلِن قابول اِدیپ، پولسینگ آیدانلارینینگ حاقیقاتدیغینی گُرمِک اوچین، مُقادِّس یازغیلاری هِر گون گُزلِشدیریَردیلِر.‏

رِسول‍لار 20:29

مِن گیدِنیمدِن سُنگرا، آرانگیزا ییرتیجی قورتلارینگ گِلجِگینی بیلیَرین، اُلار سورینی قُریمازلار.‏

۱ قُرِنتُس‌لار 12:10

اُل باشغا بیرینه مُعجِزه‌لِر گُرکِزمه، باشغاسینا نبوّتلیق و یِنه بیرینه روحلاری سایغارما، باشغا بیرینه بِلّی دَل دیل‍لِر، یِنه بیرینه بو دیل‍لِری مَعنیلِندِرمه ناغماتینی بِریَر.‏

۱ قُرِنتُس‌لار 14:29

نبوّت اِدیَنلِرینگ بُلسا ایکیسی یا-دا اوچوسی گورلِسین.‏ بِیلِکیلِر بُلسا اُلارینگ آیدیانلارینی فیکرلِنیپ گُرسونلِر.‏

۱ تِسالونیکیلِر 5:20

نبوّتلارا اَسگِرمِزچیلیک اِتمَنگ.‏

۱ تِسالونیکیلِر 5:21

هِر زادی ایمتِحان اِدیپ گُرونگ.‏ قاوی زادی قاییم ساقلانگ.‏

۲ تِسالونیکیلِر 2:2

‏«‏تانگری عیسانینگ گِلجِک گونی شو واقت گِلیپ یِتدی»‏ دییّپ آیدیان خابار هایسیدیر، نبوّتلیق یا-دا نامه بیزدِن یالی بُلوپ گُرونسه-ده، شُلار سِبَپلی باسیم آلدیرامانگ یا-دا تیترِمِگه دوشمَنگ.‏

۱ تیموتاوس 4:1

مُقادِّس روح آخیرقی گونلِرده کَبیر آداملارینگ ایماندان دَنیپ، آزدیریجی روحلارا و جینلارینگ تَعلیماتلارینینگ ایزینا دوشجِکلِرینی آچیق آیدیار.‏

۲ تیموتاوس 3:13

اِمّا شِرلِر و یالانچیلار بُلسا آلداپ، آلدانیپ، اُز شِرلیکلِرینده باردیغچا اُوه گیدِرلِر.‏

۲ پِطرُس 2:1

اُزال خالق آراسیندا یالان پیغامبارلارینگ بُلشی یالی، سیزینگ آرانگیزدا-دا یالان مُعلِّملِر گُرونِر.‏ اُلار اُغرینچا هِلَک اِدیَنچی و یالان تَعلیماتلار گِتیرمِک بیلِن، اُزلِرینی قارانگقیلیقدان بُشادان مسیحی هِم اینکَر اِدِرلِر.‏ شِیدیپ، اُز باشلاریندان بیردِن بِلا و اُلوم ایندِرِرلِر.‏

۱ یوحنا 2:18

اِی بالالار، بو دونیَه‌نینگ آخیرقی گونلِری یِتیپ گِلِندیر.‏ سیز مسیحه قارشی چیقیان دوشمانینینگ گِلجِکدیگینی اِشیدِنسینگیز.‏ اِدیل شو واقت هِم مسیحه قارشی چیقیانلارینگ اِنچِمه‌سی گُروندی.‏ اینه، بو واقالاردان بیز دونیَه‌نینگ آخیرقی گونلِرینینگ یِتیپ گِلِندیگینی بیلیَریس.‏

۱ یوحنا 2:7

اِی عزیزلِریم، مِن سیزه تَزه حُکوم دَل-ده، اُزال-باشدان بِرلِن کُهنه حُکومی یازیارین.‏ بو کُهنه حُکوم سیزینگ اُوالقی اِشیدِن سُزونگیزدیر.‏

۲ یوحنا 1:7

اِنچِمه آلداوچیلار دونیَه یایرادی.‏ اُلار عیسی مسیحینگ اینسان بُلوپ گِلِندیگینی اینکَر اِدیَرلِر.‏ بِیله آداملار یالانچیدیر و مسیحینگ دوشمانیدیر.‏

۳ یوحنا 1:11

عزیز دُستوم، سِن یاماندان دَل-ده، یاخشیدان دِرس آل.‏ یاخشیلیق اِدیَن آدام خودایداندیر.‏ یامانلیق اِدیَن آدام بُلسا خودایی تانییان دَلدیر.‏

آیانلیق 2:2

مِن سِنینگ هِمّه اِدِنلِرینگی، شُل حاساپدا زَحمِت چِکِندیگینگی و قایراتلیدیغینگی بیلیَرین.‏ سِنینگ یامان آداملاری ییگرِنیَندیگینگی هِم بیلیَرین.‏ سِن اُزلِرینی رِسول دییَنلِری ایمتِحان اِدیپ، اُلارینگ یالان رِسولدیقلارینی اَشکَر اِتدینگ.‏