۱ یوحنا 3:3 - مُقادِّس کیتاب

³ اُنگا اومید باغلایان هِر بیر آدام مسیحینگ پَک بُلشی یالی، اُزونی پَک ساقلار.‏

۱ یوحنا 3:3 Iomraidhean Croise

مَتّیٰ 5:48

شِیلِلیکده، آسمانداقی آتانگیزینگ کَمیل بُلشی یالی، سیز هِم کَمیل بُلونگ.‏»‏

لوقا 6:36

آسمانداقی آتانگیزینگ رِحملی بُلشی یالی، سیز-ده رِحملی بُلونگ.‏

یوحنا 17:19

اُلار اوچین، مِن اُزومی سانگا باغیش اِتیَم، شِیدیپ، اُلار هِم حاقیقات بیلِن اُزلِرینی سانگا باغیش اِدِرلِر.‏

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رومیلار 15:12

اِشعیا پیغامبار هِم شِیله دییَّر:‏ ‏«‏یَسانینگ کُکی گُرونِر، اُل خالقلارا حُکومدار بُلار، میلِّتلِر اُنگا اومید باغلار.‏»‏

۲ قُرِنتُس‌لار 7:1

اِی سُیگولی دُستلاریم، خودای بیزه، اینه، شِیله واعدالاری بِریپدیر!‏ شُنونگ اوچین-ده، گِلینگ، بِدِنیمیزی و روحومیزی زییان یِتیریَن هِمّه زاتدان پَک اِدِیلینگ.‏ خودایدان قُرقوپ، کَمیل مُقادِّس بُلماغا چالیشایلینگ.‏

کولُسیلِر 1:5

بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار.‏ سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

عِبرانیلار 12:14

هِمّه‌لِر بیلِن پاراحاتلیقدا بُلونگ و مُقادِّس یاشاماغا چالیشینگ.‏ یُغسا مُقادِّس بُلان خودایی گُروپ بیلمِرسینگیز.‏

عِبرانیلار 6:18

شِیلِلیکده، خودای بیزه ایکی زات:‏ هِم واعدا بِردی، هِم قاسام ایچدی.‏ مونونگ ایکیسی هِم اویتگِمِیَندیر، سِبَبی خودای هیچ واقت یالان آیتمایار.‏ شُنونگ اوچین هِم، بیز خودایدا پِناه گِتیریپ، اُزومیزه بِرلِن اومیدا قاییم یاپیشیپ گُوونلیک تاپیاریس.‏

عِبرانیلار 7:26

بیزه اِدیل شونونگ یالی مُقادِّس، گونَه‌سیز و پَک باش کاهین گِرِکدی.‏ اُل گونَه‌کَرلِردِن آیریلیپ و آسماندان هِم یُقاری گُتِریلِندیر.‏

یعقوب 4:8

خودایا یاقینلاشینگ، اُل هِم سیزه یاقینلاشار.‏ اِی گونَه‌کَرلِر، اِلینگیزی گونَه‌دِن پَکلَنگ.‏ اِی ایکیگُوونلیلِر، یورِگینگیزی پَکلَنگ.‏

۱ پِطرُس 1:15

اُزونگیزی چاغیران خودایینگ مُقادِّس بُلشی یالی، سیز هِم هِمّه اِدیَن ایشلِرینگیزده مُقادِّس بُلونگ.‏

۱ پِطرُس 1:3

تانگریمیز عیسی مسیحینگ آتاسی خودایا اُوگیلِر بُلسون!‏ اُل اُز بِییک مِرحِمِتینه گُرَه، عیسی مسیحینگ اُلومدِن دیرِلمِگینینگ اوستو بیلِن بیزی تَزه دُغولماغا و دیری اومیدینا قاوشوردی.‏

۲ پِطرُس 1:4

خودای بیزه خاص قیماتلی و اولی واعدالاری بِردی.‏ اُل بو واعدالارینگ اوستو بیلِن سیزینگ بو دونیَه‌دَکی تِلِکه هُوِسلِردِن دُرِیَن آخلاقسیزدان داش دوروپ، اُز طِبیغاتینا شِریک بُلماغینگیزی نییِت اِتدی.‏

۲ پِطرُس 3:14

شُنگا گُرَه-ده، اِی عزیزلِر، بولارا قاراشیاندیغینگیز اوچین، خودایینگ ناظاریندا پاراحاتلیقدا یاشاپ، پَک و عایپسیز بُلماغا چالیشینگ.‏

۱ یوحنا 2:6

‏«‏مِن خودایا اینانیپ یاشایارین»‏ دییَّن آدام عیسی مسیحینگ یاشایشی یالی یاشامالیدیر.‏

۱ یوحنا 4:17

شِیلِلیک بیلِن سُیگی بیزده کَمیلِّشیپ، قیامات گونونده بیزه خاطیرجِملیک بِرِر.‏ سِبَبی بیز بو دونیَه‌ده اِدیل مسیح یالی یاشایاریس.‏