۱ یوحنا 2:1 - مُقادِّس کیتاب

¹ عزیز بالالاریم!‏ مِن سیزه شولاری گونَه اِتمِزلیگینگیز اوچین یازیارین.‏ اِمّا کیمدیر بیری گونَه اِتسه، آتانینگ حوضوریندا تُوِلّاچیمیز، عیسی مسیح بار، اُل کَمیل عادیلدیر.‏

۱ یوحنا 2:1 Iomraidhean Croise

لوقا 10:22

‏«‏آتام هِمّه زادی مانگا تابشیردی.‏ اُغلونگ کیمدیگینی آتادان باشغا هیچ کیم بیلمِز.‏ آتانینگ هِم کیمدیگینی اُغولدان و اُغلونگ اَشکَر اِتمِک ایسلِیَن آداملاریندان باشغا هیچ کیم بیلمِز»‏ دییدی.‏

یوحنا 13:33

بالالاریم!‏ مِن ایندی سیزینگ بیلِن اوزاق بُلمارین.‏ سیز مِنی آغتارارسینگیز، یُنه یَهودیلِره آیدانیمی سیزه-ده آیدیارین:‏ ‏”‏مِنینگ گیتجِک یِریمه سیز باریپ بیلمِرسینگیز.‏“‏

یوحنا 14:16

مِن آتاما یالبارارین، اُل سیزه هِمیشه سیزینگ بیلِن بُلجاق باشغا بیر حِمایاتچی، یَعنی حاقیقات روحونی بِرِر و دونیَه اُنی قابول اِدیپ بیلمِز، سِبَبی دونیَه اُنی نه گُریَر، نه-ده تانییار.‏ یُنه سیز اُنی تانییارسینگیز، سِبَبی اُل سیزینگ آرانگیزدا یاشاپ، ایچینگیزده بُلار.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

یوحنا 21:5

عیسی اُلاردان:‏ ‏«‏اِی دُستلار، اییمَگه زادینگیز بارمی؟»‏ دییّپ سُرادی.‏ اُلار:‏ ‏«‏یُق»‏ دییّپ جُغاپ بِردیلِر.‏

یوحنا 5:14

موندان سُنگرا عیسی عیباداتخانادا اُل آدامی گُردی:‏ ‏«‏اینه، شِفا تاپدینگ، موندان بِیلَک گونَه اِتمه، یُغسام باشینگا موندان بِتِر گونلِر گِلِر»‏ دییدی.‏

یوحنا 5:36

اِمّا مِنینگ یحیانینگقیدان-دا خاص بِییک شاهاتلیغیم بار، سِبَبی بِرجای اِتمِگیم اوچین آتانینگ اُزومه تابشیران ایشلِری، یَعنی شو اِدیَن ایشلِریم مِنی آتانینگ ایبِرِندیگینه شاهاتلیق اِدیَر.‏

یوحنا 6:27

ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر.‏ چونکی آتامیز خودایینگ اُزی بو ایشی اُنگا تابشیراندیر»‏ دییّپ جُغاپ بِردی.‏

یوحنا 8:11

آیال:‏ ‏«‏یُق، آقام»‏ دییدی.‏ عیسی:‏ ‏«‏مِن هِم سِنی مَحکوم اِتمِیَرین.‏ بار، گیدیبِر، موندان بِیلَک گونَه ایش اِتمه»‏ دییدی.‏]‏

رِسول‍لار 7:52

آتا-بابالارینگیزینگ، هیچ زامان، آزار بِرمِدیک پیغامباری بارمی؟ اُلار حتّیٰ دُغری بُلانینگ گِلجِگینی اُووندِن آیدانلاری-دا اُلدوردیلِر.‏ سیز بُلسا بو دُغری اینسانا خایینلیق اِدیپ ناحاق اُلدوردینگیز.‏

رومیلار 5:10

چونکی دوشمانقاق اُغلونینگ اُلومینینگ اوستو بیلِن خودای بیلِن یاراشان بُلساق، ایندی یاراشانیمیزدان سُنگ اُنونگ یاشاییشینینگ اوستو بیلِن نِجات تاپیلجاغیمیز هِم گورّونگسیزدیر.‏

رومیلار 6:15

ایندی نَمه؟ بیز ایندی شِریغاتینگ ایختییاریندا دَل-ده، مِرحِمِتینگ ایختییاریندا دییّپ، گونَه اِدیبِرمِلیمی نَمه؟ اِلبِتّه، یُق!‏

رومیلار 8:34

بیزی کیم مَحکوم اِدیپ بیلِر؟ هیچ کیم، سِبَبی اُلوپ دیرِلِن عیسی مسیح خودایینگ ساغیندا اُتوریپ، بیزینگ اوچین تُوِلّا اِدیَر.‏

۱ قُرِنتُس‌لار 15:34

عاقیلینگیزی آیلانگ و گونَه اِتمِگی بِس اِدینگ.‏ سیزینگ آرانگیزدا خودایی تانیمییانلار هِم بار.‏ مِن مونی سیزی اوتاندیرماق اوچین آیدیارین.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

غَلاطیه‌لِر 4:19

اِی عزیز بالالاریم!‏ سیز تا عیسی مسیحینگ شِکلینه اِیه بُلیانچانگیز، مِن یِنه-ده سیزینگ اوچین دُغورما دِردلِرینی چِکیَن یالی بُلیارین.‏

اِفِسُسلار 2:18

ایندی مسیحینگ اوستو بیلِن بیزینگ هِمَّه‌میز یَهودی و یَهودی دَل‍لِر بیر روح بیلِن آتانینگ حوضورینا باریپ بیلیَریس.‏

اِفِسُسلار 4:26

قاهارلانیپ گونَه اِتمَنگ.‏ قاهارینگیزینگ اوستونه گون یاشماسین.‏

۱ تیموتاوس 2:5

چونکی یِکه بیر خودای باردیر.‏ خودای بیلِن آداملارینگ آراسیندا هِم یِکه بیر تُوِلّاچی باردیر، یَعنی اینسان بُلان عیسی مسیحدیر.‏

۱ تیموتاوس 3:14

اِی تیموتاوس!‏ مِن تیز واقتدا سِنینگ یانینگا بارارین دییّپ اومیدی بیلِن شو ناصیحاتلاری یازیارین.‏

عِبرانیلار 9:24

چونکی مسیح اینسان اِلی بیلِن بِجِرلِن و یُنه بیر گُرنوشی بُلان اینگ مُقادِّس اُتاقا گیرمِدی.‏ اُل بیزینگ اوچین شو واقت خودایینگ حوضوریندا حَضیر بُلوپ، آسمانداقی مُقادِّس اُتاقا گیردی.‏

یعقوب 1:27

آتامیز خودایینگ ناظاریندا پَک هِم عاییبسیز دیندارلیق یِتیملِرینگ و دول آیال‍لارینگ قین گونونده خابارینی آلماقدان عیباراتدیر و شِیله هِم بو دونیَه‌نینگ یامانلیغیندان اُزونگی داش ساقلاماقدیر.‏

یعقوب 3:9

دیلیمیز بیلِن بیز آتامیز خودایی شوکور اِدیَریس، شُل بیر واقتینگ اُزونده هِم خودایینگ صوراتیندا یارادیلان اینسانلاری لَعنِتلِیَریس.‏

۱ پِطرُس 2:22

‏«‏اُل هیچ هیلی گونَه اِتمِدی، آغزیندان هیچ بیر مِکرلی سُز چیقمادی»‏.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ یوحنا 3:18

عزیز بالالار، حاقیقی سُیگیمیزی یُنه بیر قوری کِپ بیلِن دَل-ده، دُغرولیق یوزونده و عِمِلده گُرکِزِیلینگ.‏

۱ یوحنا 3:5

مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز.‏ اُندا آصلا گونَه یُقدور.‏

۱ یوحنا 3:7

عزیز بالالاریم!‏ هیچ کیم سیزی آلداماسین!‏ مسیحینگ عادیل بُلشی یالی، دُغری ایش اِدیَن آدام هِم عادیلدیر.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

۱ یوحنا 5:17

هِر یامانلیق گونَه‌دیر، یُنه اُلومه اِلتمِیَن گونَه هِم باردیر.‏

۱ یوحنا 5:21

عزیز بالالاریم، اُزونگیزی بُتلاردان قُرانگ!‏

۳ یوحنا 1:4

مِنینگ اوچین فِرزِنتلِریمینگ حاقیقاتا گُرَه یاشایاندیقلارینی اِشیتمِکدِن اولی شاتلیق یُقدور.‏