Галатялылар 4:3 - Мукаддес Китап

³ Биз хем чага ялы боланымызда, бу дүнйәниң эсасы йөрелгелериниң гулудык.

Mukaddes Kitap

³ Biz hem çaga ýaly bolanymyzda, bu dünýäniň esasy ýörelgeleriniň guludyk.

Галатялылар 4:3 Iomraidhean Croise

Matta 11:28

Эй, аргынлар, агыр йүклүлер, Мениң яныма гелиң, Мен сизе дынчлык берейин.

Ёханна 8:31

Онсоң Иса Өзүне иман эден яхудылара: «Мениң сөзүми берҗай этсеңиз, хакыкатдан хем, Мениң шәгиртлерим боларсыңыз;

Resul 15:10

Бейле болса, нәме үчин ата-бабаларымызың ве өзүмизиң гөтерип билмедик боюнтырыгымызы шәгиртлериң бойнуна саляңыз? Худайы сынаҗак болярсыңызмы?

Rimliler 7:14

Биз Мусаның Канунының Худай тарапындан берлендигини билйәрис. Мен болса гүнәниң есирлигиндәки бир эҗиз ынсандырын.

Rimliler 8:15

Худай бизе Өз Рухуны берди. Ол муны гайтадан гул болуп, горкуда яшамагымыз үчин дәл, эйсем Онуң перзентлери болуп, Мукаддес Рух аркалы «Абба! Атам!» дийип чагырмагымыз үчин амал этди.

2 Korintoslylar 11:20

Хава, сиз гул эдилйәндигиңизе, хакыңызың ийилйәндигине, өзүңизе зулум эдилйәндигиңизе, текепбирлере, шапбатлара шейле чыдамлы ахырын!

Галатялылар 2:4

Сүннетленме меселеси кәбир догансумаклар зерарлы йүзе чыкыпды. Олар бизи гул этмек үчин, арамыза огрынча сүмлүп, Иса Месих аркалы алан азатлыгымызы гизлинликде аңтадылар.

Галатялылар 3:19

Онда Мукаддес Канун нәмә герек болды? Ол гүнәниң нәмедигини гөркезмек үчин гошмача берлипди. Канун Худайың вадасы ве Ыбрайымың несли болан Месих гелйәнчә херекет этди. Бу Канун перишделер аркалы төвеллачы Мусаның гатнашмагында берлипди.

Галатялылар 4:2

Ол атасының беллән вагтына ченли доландырыҗының ве ынамдар адамларың гөзегчилигинде боляндыр.

Галатялылар 4:24

Бу ерде меңзетме бардыр. Ики аял ики әхтиң нышаныдыр. Бир әхт Синай дагында эдилип, Хаҗара меңзейәр. Себәби ол гул чагалары дүнйә индирйәр.

Галатялылар 4:25

Хаҗар Арабыстандакы Синай дагыны аңладып, хәзирки Иерусалиме хем меңзейәр. Себәби ол чагалары билен гулчулыкдадыр.

Галатялылар 4:31

Шунлукда, эй, доганларым, биз гырнагың чагалары дәл-де, азат аялың чагаларыдырыс.

Галатялылар 4:8

Сиз өң Худайы танамаярдыңыз. Шол дөвүрде сиз галп худайларың гулудыңыз.

Галатялылар 4:9

Инди болса сиз Худайы танаярсыңыз, догрусы, Худай тарапындан таналянсыңыз. Шундан соң сиз нәдип шол эҗиз ве ярамаз йөрелгелере доланярсыңыз?! Я-да гайтадан оларың гулы болмак ислейәрсиңизми?

Колосиялылар 2:20

Сиз Месих билен өлүп, бу паны дүнйәниң йөрелгелеринден азат болдуңыз. Онда нәме үчин хенизем бу дүнйә дегишли ялы, «Муңа галташма», «Муны ийме», «Муңа эл дегирме» диен ынсан кадаларына эерйәрсиңиз?

Колосиялылар 2:8

Хүшгәр болуң! Хич ким сизи бош хем ялан пелсепелер билен есир эдәймесин, себәби бейле геплер Месихе дәл-де, ынсан дәп-дессурларына ве паны дүнйәниң йөрелгелерине эсасланяндыр.

Еврейлер 5:12

Хакыкатдан-да, сиз шу вагта ченли өзүңиз башгалара өвретмелидиңиз ахыры! Гайтам, сиз башгалара дәл-де, башгалар сизе Худайың таглыматының илкинҗи эсасларыны өвретмеклерине мәтәч. Сизе гаты иймит дәл-де, хенизем сүйт герек!

Еврейлер 7:16

Онуң руханылыгы бу паны дүнйәниң талабына, ягны несилден-несле гечйән када-кануна дәл-де, эйсем Мәликсадык руханылыгы ялы соңсуз яшайыш гудратына эсасланандыр.