Галатялылар 3:2 - Мукаддес Китап

² Мен сизден диңе бир зады сорамакчы: сиз Мукаддес Рухы Кануны берҗай эдип алдыңызмы? Элбетде, ёк! Сиз Мукаддес Рухы эшиден Хош Хабарыңыза иман эдениңиз үчин алдыңыз.

Mukaddes Kitap

² Men sizden diňe bir zady soramakçy: siz Mukaddes Ruhy Kanuny berjaý edip aldyňyzmy? Elbetde, ýok! Siz Mukaddes Ruhy eşiden Hoş Habaryňyza iman edeniňiz üçin aldyňyz.

Галатялылар 3:2 Iomraidhean Croise

Resul 15:8

Хер бир ынсаның йүрегини билйән Худай бизе берен Мукаддес Рухуны кесеки миллетлере хем берди. Шу аркалы олары кабул эдендигини тассыклады.

Resul 2:38

Петрус олара шейле дийди: «Тоба эдиң, хер бириңиз Иса Месихиң ады билен сува чүмдүрилиң. Шонда сизиң гүнәлериңиз багышланар ве Мукаддес Рухуң пешгешини аларсыңыз.

Resul 8:15

Петрус билен Ёханна ол ере барып, оларың хем Мукаддес Рухы алмагы үчин дога-дилег этдилер.

Rimliler 1:17

Хош Хабар Худайың адамлары аклаяндыгыны аян эдйәр. Ол иман эдйәнлери, хава, диңе иман эдйәнлери аклаяр. Чүнки Мукаддес Язгыларда: «Догручыл иман билен яшар» дийип язылгыдыр.

1 Korintoslylar 9:21

Мен Худайың Кануныны билмейәнлери газанҗак болуп, оны билмедиксирән болдум. Хакыкатда велин, Худайың Канунына гөрә яшап, Месихиң буйрукларына табындырын.

2 Korintoslylar 11:4

Чүнки кимдир бири гелип, бизиң вагыз эденимизден башга Исаны вагыз эденде, сиз оңа гечиримлилик эдйәңиз-ә! Вах, сиз кабул эден Мукаддес Рухуңыздан башга бир рухы я-да башга «хош хабары» кабул этмәге-де тайяр ахырын!

Галатялылар 3:14

Хава, Иса Месих буларың барыны Ыбрайыма берлен ялканышың Өзи аркалы башга миллетлере хем яйрамагы үчин, иман аркалы вада берлен Мукаддес Рухы алып билмегимиз үчин этди.

Галатялылар 3:3

Сиз Мукаддес Рух билен башлап, инди-де өз ынсан гүйҗүңиз билен кәмил болҗак боляңызмы? Эйсем сиз шейле акмакмы?!

Галатялылар 3:5

Худай сизе Өз Рухуны берип, араңызда көп гудратлары гөркезди. Ол булары Мукаддес Кануны берҗай эдениңиз үчин дәл-де, Хош Хабары эшидип, оңа ынанандыгыңыз үчин этди.

Еврейлер 2:4

Худайың Өзи хем аламатлар, мугҗызалар, хер дүрли гудратлар гөркезмек билен бу хабары тассыклады ве Өз ислегине гөрә Мукаддес Рухуң пешгешлерини пайлады.

Еврейлер 4:2

Эдил ысрайыл халкына вагыз эдилиши ялы, Хош Хабар бизе-де вагыз эдилди. Оларың эшиден хабарының олара хич бир пейдасы болмады, себәби олар муны иман билен кабул этмедилер.

Еврейлер 6:4

Ким өң бир гезек Худайдан нурланып, гөгүң пешгешини аландан соңам, шейле хем Мукаддес Руха шәрик болуп, Худайың Хош Хабарының ягшылыгыны дадып, гелҗекки дөврүң гудратыны гөренден соңам, Худайдан йүз өврүп, ёлдан чыкса, оны тәзеден тоба гетирмек асла мүмкин дәл. Себәби ол адам Худайың Оглуны гайтадан хача чүйләп, иле рысва эдйәндир.

1 Petrus 1:12

Шонда бу хабарың пыгамберлер үчин дәл-де, сизиң үчиндиги аян болды. Хәзирки вагтда болса гөкден берлен Хош Хабар сизе Мукаддес Рухуң гудраты билен вагыз эдилйәр. Бу затлара хатда перишделер-де дүшүнмәге чалышдылар.