Галатялылар 1:7 - Мукаддес Китап

⁷ Башга бир Хош Хабар ёкдур. Йөне кәбир адамлар сизи булашдырып, Месихиң Хош Хабарыны үйтгетҗек болярлар.

Mukaddes Kitap

⁷ Başga bir Hoş Habar ýokdur. Ýöne käbir adamlar sizi bulaşdyryp, Mesihiň Hoş Habaryny üýtgetjek bolýarlar.

Галатялылар 1:7 Iomraidhean Croise

Ýermeýa 23:26

Ялан сөзлейән, өз йүрек хилелерини беян эдйән пыгамберлериң калбында бу хачана ченли довам эдер?

Ýermeýa 23:36

Эмма мундан бейләк Ребден гелен пыгамберлик сөзүни агзамарсыңыз, чүнки хер кес өз сөзүни пыгамберлик сөзи дийип сайяр. Шейдип, сиз дири Худайың, Хөкмүрован Худайымыз Реббиң сөзлерини ёйдуңыз.

Matta 24:24

Чүнки галп месихлер ве галп пыгамберлер дөрәп, сайлананлары-да мүмкин болдугыча аздырҗак болуп, бейик аламатлардыр мугҗызалар гөркезерлер.

Resul 13:10

«Эй, иблис оглы! Сен әхли догрулыгың душманысың. Сениң йүрегиң хер дүрли хиледен ве галплыкдан долы. Реббиң хак ёлуны ёймагыңы хачан бес этҗек?

Resul 15:24

Бизиң эшидишимизе гөрә, арамыздан кәбирлери барып, өз сөзлери билен сизи ховсала салып, аңыңызы булашдырыпдырлар. Эмма олары биз ибермедик.

Resul 20:30

Хатда өз араңыздан кәбир адамлар чыкып, шәгиртлери ызына эертдирҗек болуп, хакыкаты ёярлар.

2 Korintoslylar 11:13

Шейле адамлар галп ресуллардыр. Олар Месихиң ресулларының кешбине гирйән кеззап ишгәрлердир.

2 Korintoslylar 2:17

Биз гара небислерине чапян адамлар кимин Худайың Хош Хабарыны ёймаярыс. Терсине, Худай тарапындан иберилен ве Месихе хызмат эдйән кишилер ялы Худайың хузурында пәк йүрекден вагыз эдйәрис.

2 Korintoslylar 4:2

Биз айыплы боланы үчин гизлинликде эдилйән ишлери рет этдик. Кеззаплык этмейәрис, Худайың Хош Хабарыны ёймаярыс. Терсине, хакыкаты ач-ачан ыглан эдип, Худайың хузурында хеммелериң өңүнде җогап бермәге тайындырыс.

Галатялылар 1:6

Мен Иса Месихиң мерхемети билен сизи чагыран Худайдан бейле тиз дәнип, башга бир «хош хабары» кабул эдишиңизе өрән хайран галярын.

Галатялылар 2:4

Сүннетленме меселеси кәбир догансумаклар зерарлы йүзе чыкыпды. Олар бизи гул этмек үчин, арамыза огрынча сүмлүп, Иса Месих аркалы алан азатлыгымызы гизлинликде аңтадылар.

Галатялылар 4:17

Кәбир догансумаклар бетпәллерине эерип, сизи бизден айрып, өз тарапларына чекмәге җан эдйәрлер. Олар диңе өзлери бабатда ыхласлы болмагыңызы ислейәрлер.

Галатялылар 5:10

Сизиң башгача пикир этмеҗекдигиңиз бабатда Реб мени ынандыряр. Сизиң пикириңизи булашдырян ким болса болуберсин, ол өз җезасыны чекер.

Галатялылар 5:12

Сизи булашдырян адамлар, гой, өз-өзлерини дүйбүнден агта эдәйсин!

Галатялылар 6:17

Мундан бейләк хич ким маңа шу затлар бабатда азар бермесин! Себәби мениң беденимде Иса Месихе дегишлидигими гөркезйән яра ызлары бардыр.

2 Timoteos 2:18

хакыкат ёлундан азашандырлар. Олар дирелиш эййәм амала ашды дийип, кәбир адамларың иманыны вейран эдйәрлер.

1 Ёханна 2:26

Бу затлары сизи аздырҗак болян адамлардан хабардар болмагыңыз үчин яздым.

1 Ёханна 4:1

Мәхрибанларым, өзүнде Худайың Рухуның бардыгыны айдян хер бир адама ынанып йөрмәң. Оларың Худайдандыгыны я-да дәлдигини билмек үчин сынагдан гечириң. Себәби дүнйәде энчеме галп пыгамберлер пейда болды.

2 Ёханна 1:10

Эгер кимдир бири яныңыза геленде, Месих хакдакы таглыматы гетирмесе, оны өйүңизе салмаң, оңа салам хем бермәң.

2 Ёханна 1:7

Энчеме яланчылар дүнйә яйрады. Олар Иса Месихиң ынсан болуп гелендигини инкәр эдйәрлер. Бейле адамлар яланчыдыр, Месихиң душманыдыр.

Ýahuda 1:4

Себәби кәбир худайсызлар огрынча араңыза сүмлүп гирдилер. Олар Худайың аҗайып мерхемети бизе азгынлык этмәге ыгтыяр берйәр дийип өвредйәрлер ве еке-тәк Хоҗайынымыз ве Реббимиз Иса Месихи рет эдйәрлер. Шейле адамларың җезасы гадымдан бәри язылып гойландыр.

Аянлык 12:9

Улы аждарха өз перишделери билен ере ташланды. Хава, бүтин дүнйәни аздырып, иблис я-да шейтан дийип атландырылян бу гадымы йылан ере ташланды.

Аянлык 13:14

Бу җандар биринҗи җандарың адындан аламатлар гөркезип, ер йүзүниң илатыны алдава салярды. Ол гылыч билен өлүм ховплы яра салнандыгына гарамаздан, дирелен җандарың хейкелини ясамагы илата буюрды.

Аянлык 19:20

Эмма җандар ве онуң билен биле галп пыгамбер есир алынды. Бу галп пыгамбер җандарың адындан аламатлар гөркезерди, җандарың тагмасыны өзүне басдырып, онуң хейкелине сежде эденлери алдарды. Җандар-да, галп пыгамбер-де дирилигине янып дуран күкүртли көле зыңылды.

Аянлык 2:2

„Мен сениң әхли эденлериңи, шол санда зәхмет чекендигиңи, гайратлыдыгыңы билйәрин. Сениң яман адамлары йигренйәндигиңи хем билйәрин. Сен өзлерини ресул сайянлары сынап, оларың ялан ресулдыкларыны әшгәр этдиң.

Аянлык 2:20

Эмма сенде оңламаян бир задым бар: сен өзүни пыгамбер сайян Изебел атлы аялың эденлерине гечиримлилик эдйәрсиң. Ол Мениң бенделерими өз таглыматы билен аздырып, олара зынахорлык этдирҗек боляр, бута хөдүрленен гурбанлыклардан ийдирҗек боляр.

Аянлык 2:6

Йөне шу эдйәнлериңи велин оңлаярын: сен николачыларың эдйән ишлерини йигренйәрсиң. Мен хем олары йигренйәрин.

Аянлык 20:3

Перишде оны довзаха ташлады-да, гулплап, үстүнден мөхүрледи. Ол муны мүң йыл долянча, аждарха гайдып миллетлери алдамасын дийип этди. Мүң йылдан соң ол аз вагтлык бошадылмалыдыр.