Efesliler 6:11 - Мукаддес Китап

¹¹ Иблисиң хилелерине гаршы дуруп билериңиз ялы, Худайың берен әхли рухы ярагларыны дакының.

Mukaddes Kitap

¹¹ Iblisiň hilelerine garşy durup bileriňiz ýaly, Hudaýyň beren ähli ruhy ýaraglaryny dakynyň.

Efesliler 6:11 Iomraidhean Croise

Нехемя 4:13

Шонуң үчин мен диварың пес ерлериниң аңырсындакы ачык мейданда халкы уруглары боюнча, гылычлары, найзалары ве яйлары билен дуруздым.

Mark 13:22

Чүнки галп месихлер ве галп пыгамберлер дөрәп, мүмкин болдугыча сайлананлары-да аздырҗак болуп, аламатлардыр мугҗызалар гөркезерлер.

Rimliler 13:12

Гиҗе гечип, гүндиз голайлады. Шоңа гөрә түмлүгиң ишлерини гойболсун эдип, нуруң ярагларыны дакыналың.

Rimliler 13:14

Ынсан хөвеслериңизи нәдип канагатландыраркам дийип ойланмаң-да, гайтам, Реббимиз Иса Месихе беслениң.

1 Korintoslylar 10:13

Башыңыздан инен сынаглар башгаларың-да башындан инйәндир. Эмма Худай садыкдыр! Ол сизиң гүйҗүңизиң чатмаҗак сынагыны бермез. Сиз сынага дүшениңизде, Худай чыкалга-да ачар, сынагдан үстүн гелмек үчин гуҗур-гайрат-да берер.

2 Korintoslylar 10:4

Бизиң сөвеш ярагларымыз ынсан яраглары дәл-де, Худайың гүйчли ярагларыдыр. Биз олар билен галалары йыкып, хер ялан пикири пуҗа чыкарярыс.

2 Korintoslylar 11:3

Йөне йыланың Хов энәни кеззаплык билен алдайшы ялы, сизиң-де алданмагыңыздан горкярын. Мен пикирлериңизиң булашдырылып, Месихе болан пәк садыклыгыңыздан айрылармыкаңыз дийип горкярын.

2 Korintoslylar 2:11

Мен муны шейтан бизден үстүн чыкмасын дийип этдим. Онуң кеззаплыгы бизе мәлим ахырын.

2 Korintoslylar 4:4

Бу дүнйәниң хөкүмдары шейтан иман этмедиклериң аңыны баглады. Шонуң үчин-де олар Худайың кешби болан Иса Месихиң шөхратының Хош Хабарының нуруны гөрүп билмейәрлер.

2 Korintoslylar 6:7

хакыкат хабары, Худайың гүйҗи аркалы субут эдйәрис. Догрулык – бизиң ярагымыз. Биз оны хем саг, хем-де сол элимизде гөтерйәрис.

Efesliler 4:14

Шейдип, мундан бейләк ынсанларың яланчылыгының ве өкделик билен дүзйән хер хили таглыматының шемалына ковлуп, эйләк-бейләк итекленйән чагалар ялы болмарыс.

Efesliler 4:24

Хакыкы догрулык ве мукаддеслик билен Худайың кешбинде ярадылан тәзе ярадылыша беслениң.

Efesliler 6:13

Шонуң үчин яман дөвүрде гайтавул берип билмегиңиз үчин, Худайың әхли ярагларыны дакының. Шонда орнуңызда берк дурмагы башарарсыңыз.

Колосиялылар 3:10

Инди Яраданың кешбине меңземекде ве Оны танамакда тәзе ярадылыша беслениң.

1 Salonikliler 5:8

Биз болса гүндизе дегишлидирис. Худай бизи газаба дучар болмага дәл, эйсем Реббимиз Иса Месих аркалы халас болмага белледи. Шоңа гөрә-де, эгнимизе иман билен сөйгини совут хөкмүнде, башымыза халас болмак умыдыны тувулга хөкмүнде гейип, хүшгәр болалың.

Еврейлер 7:25

Шейлеликде, Иса Өзи аркалы Худая гелйәнлери эбедилик халас этмеги башаряндыр. Чүнки Иса Месих олар үчин хемише Худая төвелла эдйәр.

Ýakup 4:7

Шонуң үчин Худая табын болуң! Иблисе гаршылык гөркезиң, шонда ол сизден гачар.

1 Petrus 5:8

Хүшгәр ве оя болуң. Душманыңыз иблис арлайҗы арслан ялы айланып, авуны агтарып йөрендир.

Ýahuda 1:24

Имандан дәнмез ялы, Худай сизи горамагы ве шатлыкдан долдурып, Өз шөхратлы хузурына сизи бүтинлей мүйнсүз гетирмеги башаряндыр.

Аянлык 12:9

Улы аждарха өз перишделери билен ере ташланды. Хава, бүтин дүнйәни аздырып, иблис я-да шейтан дийип атландырылян бу гадымы йылан ере ташланды.

Аянлык 19:20

Эмма җандар ве онуң билен биле галп пыгамбер есир алынды. Бу галп пыгамбер җандарың адындан аламатлар гөркезерди, җандарың тагмасыны өзүне басдырып, онуң хейкелине сежде эденлери алдарды. Җандар-да, галп пыгамбер-де дирилигине янып дуран күкүртли көле зыңылды.

Аянлык 2:24

Эмма сизе, ягны Тиятирадакы Изабелиң бу таглыматына эермедиклериң ве ‘шейтаның сырлары’ дийилйәнлери билмейәнлериң барына шуны айдярын: эгер иманыңызы Мен гелйәнчәм сакласаңыз, сизиң үстүңизе башга зат йүклемерин.

Ysraýyl serdarlary 3:2

Реб муны Ысрайылың хер бир неслине сөвешмеги өвретмек үчин, эсасан хем өң хич хачан уршуп гөрмедик, урша хич хили теҗрибеси ёк соңкы несил үчин этди.