Efesliler 6:10 - Мукаддес Китап

¹⁰ Шунлукда, Реббиң бейик гүйҗи билен кувватланың.

Mukaddes Kitap

¹⁰ Şunlukda, Rebbiň beýik güýji bilen kuwwatlanyň.

Efesliler 6:10 Iomraidhean Croise

1 Йыл язгылары 28:10

Ине, серет, мукаддес өй гурмак үчин Реб сени сайлады. Берк дур-да, иши ерине етир».

1 Йыл язгылары 28:20

Давут ене оглы Сүлеймана шейле дийди: «Гүйчли хем мерт бол, ише башла! Горкма, алҗырама, чүнки мениң Худайым Хөкмүрован Реб сениң билендир. Реббиң өйүниң хызмат ишлериниң әхлиси тамамланман, Ол сени ташламаз, терк этмез.

2 Йыл язгылары 15:7

Йөне сиз берк дуруң! Рухдан дүшмәң! Эден ишлериңизиң хөзирини гөрерсиңиз».

Zebur 138:3

Йөрейшими, ятышымы ызарлаярсың, мениң әхли ёлларымы Сен танаярсың.

Işaýa 40:28

Билмейәрсиңизми? Эшитмедиңизми? Реб – эбеди Худай, ериң әхли күнҗегиниң Ярадыҗысы. Ол эҗизлейән я-да ядаян дәлдир, Онуң дүшүнҗесине акыл етмез.

Işaýa 40:31

Эмма Реббе умыт баглаянлар тәзеден гүйч топларлар, бүргүтлер дек ганат яйып беленде галарлар, йүврерлер, йөне ядамазлар, йөрәрлер, йөне ысгындан гачмазлар.

Hagaý 2:4

Эй, Зерубабыл, рухдан дүшме, муны Мен – Реб айдяндырын. Эй, Ехосадагың оглы баш руханы Ешува, рухдан дүшме! Эй, юрдуң әхли халкы, рухдан дүшме. Муны Мен – Реб айдяндырын. Ишләң, чүнки Мен сизиң билендирин, муны Мен – Хөкмүрован Реб айдяндырын.

Закаря 8:13

Эй, яхудалар хем ысрайыллар, сиз халклар арасында нәлете өврүлдиңиз. Инди Мен сизи халас эдерин, сиз ялканыш боларсыңыз. Горкмаң, голларыңыз кувватлы болсун!»

Закаря 8:9

Хөкмүрован Реб шейле диййәр: «Шол гүнлерде Хөкмүрован Реббиң ыбадатханасының дүйбүниң тутулмагына гатнашан пыгамберлерден шу сөзлери эшиденлериңизиң голлары кувватлы болсун!

1 Korintoslylar 16:13

Хүшгәр болуң, иманда берк дуруң, мерт болуң, гайратлы болуң.

2 Korintoslylar 13:11

Шунлукда, эй, доганлар, шатланың! Догры ёла дүшмеги ниет эдиниң, айдянларыма гулак асың, бир пикирде болуң, парахат яшаң. Шонда сөйги ве парахатлык Худайы сизиң хемраңыз болар.

Efesliler 3:16

Гой, Ол чәксиз шан-шөхраты билен Өз Рухы аркалы сизиң ички барлыгыңызы гудрат билен гүйчлендирсин.

Kanun taglymaty 31:23

Соңра Реб Нунуң оглы Ешуваның этмели ишлерини табшырды ве оңа: «Дөзүмли ве мерт бол, чүнки ысрайыллары Мениң сөз берен юрдума гетирҗек сенсиң. Мен сениң билен боларын!» дийди.

Filipililer 3:1

Шунлукда, эй, доганларым, гой, шатлыгыңызың гөзбашы Реб болсун! Сизе шинди язянымы гайта-гайта язмак маңа кын дәл. Бу сизи горамак үчиндир:

Filipililer 4:13

Маңа кувват берйән Иса Месих аркалы әхли зады башарярын.

Filipililer 4:8

Умуман, эй, доганлар, хакыкы, хормата мынасып, догры, пәк, якымлы, аҗайып нәме бар болса, шол барада ойланың. Хава, ягшы ве өвгә мынасып затлар барада ойланың.

Колосиялылар 1:11

Гой, Ол сизи бейик гудраты билен кувватландырсын; сизиң сабыр-такатлы болуп, әхли зада дөз гелмегиңиз үчин гүйч-кувват берсин.

2 Timoteos 2:1

Эй, оглум, Иса Месихиң берйән мерхемети билен кувватлан.

2 Timoteos 4:17

Йөне Реб мени еке гоймады. Хош Хабарың мен аркалы долы вагыз эдилип, әхли миллетлериң хем оны эшитмеги үчин, Ол маңа гуҗур-гайрат берди. Реб мени өлүмиң пенҗесинден халас этди.

Ýeşuwa 1:9

Мен саңа шейле буйрук берйәндирин: дөзүмли хем мерт бол! Горкма ве довла дүшме, чүнки сен нирә гитсең-де, ниреде болсаң-да, Худайың Реб сениң билендир!»

1 Petrus 3:8

Шейлеликде, хеммәңиз пикирдеш, дертдеш болуп, бири-бириңизи доганлык сөйгүси билен сөйүң. Рехим-шепагатлы ве песпәл болуң.

1 Petrus 4:11

Ким геплесе, Худайың сөзлери билен геплесин. Ким хызмат этсе, Худайың берен гүйч-кувватына гөрә хызмат этсин. Иса Месих аркалы Худай әхли затда шөхратлансын! Шөхрат ве гудрат эбедилик Онуңкы болсун! Омын.

1 Petrus 5:10

Бол мерхемет эчилйән Худай сизи Месих аркалы Өз эбеди шөхратына чагырды. Сиз дурмушда эҗир чекйән болсаңыз хем, Ол сизи дикелдер, беркидер, гүйчлендирер ве сарсмаз бина эдип гурар.

1 Ёханна 2:14

Эй, балалар, сизе язярын: сиз Атамыз Худайы танаярсыңыз. Эй, аталар, сизе язярын: сиз овал-башдан аян болан Исаны танаярсыңыз. Эй, йигитлер, сизе язярын: сиз гүйчлүсиңиз, Худайың сөзи калбыңыза орнандыр. Сиз шейтаны еңдиңиз.

1 Şamuwel 23:16

Шавулың оглы Ёнатан Давудың ызындан Хореше гелди. Ол Давуды Худайың адындан рухландырды.