Efesliler 4:17 - Мукаддес Китап

¹⁷ Шонуң үчин Реббиң адындан сизе шуны буюрярын: мундан бейләк кесеки миллетлер ялы бош дүшүнҗелер билен яшамаң.

Mukaddes Kitap

¹⁷ Şonuň üçin Rebbiň adyndan size şuny buýurýaryn: mundan beýläk keseki milletler ýaly boş düşünjeler bilen ýaşamaň.

Efesliler 4:17 Iomraidhean Croise

Нехемя 13:15

Шол гүнлер мен Яхудада кәбир адамларың Сабат гүни үзүм сыкяндыгыны, бугдай десселерини гетирип, эшеклерине йүкләп йөрендиклерини гөрдүм. Шейле хем олар Сабат гүни шерап, үзүм, инҗир ве хер хили йүклери Иерусалиме дашаярдылар. Онсоң мен олара Сабат гүни хич зат сатмалы дәлдигини дуйдурдым.

Ýermeýa 42:19

Эй, Яхуданың аман галанлары, Реб сизе: „Мүсүре гитмәң“ дийип буюрды. Билип гоюң, бу гүн муны сизе дуйдурандырын.

Lewiler 15:18

Эркек аялына янашып, ондан тохум акса, эркегем, аялам сува дүшүнсинлер. Олар агшама ченли харамдырлар.

Luka 16:28

Себәби мениң бәш доганым бар. Бу гыналян ере дүшмезлери ялы, Лазар барып шейле ериң бардыгыны олара дуйдурсын“ диййәр.

Resul 14:15

«Адамлар! Нәме үчин бейле эдйәрсиңиз? Биз хем сизе меңзеш ынсандырыс. Сизе Хош Хабар алып гелдик. Инди бу бош затлардан эл чекиң-де, ери, гөги, деңзи ве олардакы әхли зады ярадан дири Худая тарап доланың.

Resul 18:5

Силас билен Тимотеос Македониядан геленлеринден соң, Павлус тутуш вагтыны Иса хакдакы хабары вагыз этмәге багышлады. Ол яхудылара Исаның Месихдиги барада шаятлык этди.

Resul 2:40

Петрус башга-да көп делиллер билен олара шаятлык эдип: «Өзүңизи бу азгын несилден халас эдиң!» дийип ялбарды.

Resul 20:21

Мен яхудыларың-да, греклериң-де тоба эдип, Худая доланмага ве Реббимиз Иса Месихе иман этмәге чагырдым.

Rimliler 1:21

Олар Худай хакда билселер-де, Оны Худай хөкмүнде шөхратландырмадылар, Оңа шүкүр этмедилер. Терсине, бош пикирлере улашып, йүреклерини түмлүк гаплады.

1 Korintoslylar 1:12

Мен сизиң диййәнлериңизи назара алып шейле диййәрин, себәби бириңиз «мен Павлусың шәгирди», ене бириңиз «мен Аполлоның шәгирди», башга бириңиз болса «мен Петрусың шәгирди», ене бириңиз «мен Месихиң шәгирди» диййәрмишиңиз.

1 Korintoslylar 15:50

Шоңа гөрә-де, эй, доганлар, мен сизе айтмакчы: эт билен гандан болан ердәки ынсан Худайың Шалыгыны мирас алып билйән дәлдир. Чүйрейән беден чүйремейән бедене шәрик болуп билйән дәлдир.

2 Korintoslylar 9:6

Шуны унутмаң: гысганып экйән аз оряндыр, сахылык билен экйән, бол оряндыр.

Галатялылар 3:17

Шейлеликде, мен сизе шуны айтмакчы: дөрт йүз отуз йыл геченден соң берлен Мукаддес Канун бу әхти бозуп-да, Худайың вадасыны ятырып-да билйән дәлдир.

Галатялылар 5:3

Өзүни сүннетлетмәге ёл берен хер бир адама мен ене-де бир гезек шуны мәлим эдйәрин: ол тутуш Мукаддес Кануны берҗай этмәге борчлудыр.

Efesliler 1:22

Худай хемме зады Онуң аякларының астына табын эдип, иманлылар йыгнагының бәхбиди үчин Оны әхли зада баш этди.

Efesliler 4:22

Өң өвредилиши ялы, өңки дурмушыңызы, яланчы хөвеслер билен ёлдан чыкаран көне ярадылышыңызы чыкарып ташлаң.

Kanun taglymaty 27:10

Шонуң үчин хем сиз Худайыңыз Реббе гулак асып, Онуң бу гүнки мениң үстүм билен сизе берйән табшырыкларыны ве парзларыны ерине етириң» дийип, әхли ысрайыллара йүзлендилер.

Колосиялылар 2:18

Яландан песпәлсирейән ве перишделере сежде эдйән адам сизи Худайың сылагындан махрум этмесин. Шейле адам гөрен гөрнүшлерине магтаняндыр, эмма бу бош ере паңкарян ынсан пикир йөретмесидир.

Колосиялылар 2:4

Муны хич ким сизи сүйҗи сөзлер билен алдамасын дийип айдярын.

1 Salonikliler 4:6

шу тәрде доганыңыза ахлаксызлык этмәң, оны алдамаң. Озал сизе айдып, берк дуйдурышымыз ялы, шейле гүнәлериң әхлиси үчин Реб ынсанлары җезаландырар.

1 Timoteos 5:21

Шу буйруклары берҗай эдениңде, меселәниң аныгына етмән, хич кими язгарма, тарапгөйлик этме. Ине, шуларың барыны Худайың, Иса Месихиң ве сайланан перишделериң өңүнде саңа берк табшырярын.

1 Timoteos 6:13

Әхли зада яшайыш берйән Худайың хузурында ве Понтий Пилатың өңүнде диңе Худая бил баглаяндыгыны тассыклан Иса Месихиң хузурында саңа шулары табшырярын:

2 Timoteos 4:1

Худайың хузурында, шейле хем дирилере ве өлүлере казылык этҗек Иса Месихиң хузурында, Онуң гелмегиниң ве шалык сүрмегиниң хатырасына саңа шулары берк табшырярын:

1 Petrus 1:18

Ата-бабаларыңыздан мирас алан бу пуч дурмушыңыздан алтын-күмүш ялы паны затлар аркалы халас болмандыгыңызы билйәнсиңиз.

2 Petrus 2:18

Олар нәдогры ёлдан яңы гачып гутуланлары бош ве гопбамсы сөзлери билен харам кейпе хыҗувландырып, ынсан хөвеслери билен олары дузага дүшүрйәрлер.