Efesliler 2:2 - Мукаддес Китап

² Эдил дүнйәдәки бейлеки адамлар ялы сиз-де гүнәли яшайша эерип, Худая табын болмадыклара хениз-де тәсирини етирйән гөкдәки рухы гүйчлериң хөкүмдарына гуллук эдйәрдиңиз.

Mukaddes Kitap

² Edil dünýädäki beýleki adamlar ýaly siz-de günäli ýaşaýşa eýerip, Hudaýa tabyn bolmadyklara heniz-de täsirini ýetirýän gökdäki ruhy güýçleriň hökümdaryna gulluk edýärdiňiz.

Efesliler 2:2 Iomraidhean Croise

Eýýup 1:16

Ол сөзүни соңламанка, икинҗи бир чапар гелип: «Гөкде йылдырым чакып, гоюнларыңың ве хызматкәрлериңиң барыны якып, күле өвүрди. Саңа шу хабары етирмек үчин диңе мен гачып гутулдым» дийди.

Eýýup 1:7

Реб шейтандан: «Ниреден гелйәрсиң?» дийип сорады. Шейтан Реббе: «Бүтин ер йүзүне айланып, сыяхат эдип гелйәрин» дийип җогап берди.

Eýýup 31:7

Аягым ёлдан чыкан болса, йүрегим гөзүме эерен болса, эллериме гара ёкдуран болсам,

Zebur 17:14

Реб гөклерде гүңлеч гүрледи, Бейик Худай сесини көздүр долы билен чыкарды.

Işaýa 30:1

«Питнечи халкың дат гүнүне! Олар Мениңкини дәл-де, өз ниетлерини берҗай эдйәрлер; Менден сорашман ылалашык баглашып, гүнә үстүне гүнә гошярлар. Муны Реб айдяндыр.

Işaýa 57:4

Кимиң үстүнден гүлйәрсиңиз? Киме гаршы агыз ачып, дилиңизи чыкарярсыңыз? Сиз языклы чагалар дәлмисиңиз? Яланчы несиллер дәлмисиңиз?

Ýermeýa 23:10

Чүнки юрт зынахорлыкдан долудыр, юрт нәлет зерарлы яс тутяр, чөлүң өрүлери гураяр. Адамлар пис ёла дүшүп, гүйчлерини зорлуга сарп эдйәр.

Hoşeýa 10:9

«Эй, Ысрайыл, Гибга гүнлеринден бәри гүнә этдиңиз. Олар шол тайда гүнәлерини довам этдилер. Пислик эдйәнлере гаршы уруш Гибгада сизиң үстүңизи басмазмыка?

Matta 11:19

Ынсан Оглы гелди, Ол иййәрем, ичйәрем, олар Оңа: „Ине, бу хорана, аракхора середиң! Ол салгытчылар ве гүнәкәрлер билен дост болды!“ диййәрлер. Эмма даналык өз амаллары билен тассыкланар».

Matta 13:22

Тикенлигиң арасына дүшен тохум болса сөзи эшидйәр, йөне дүнйәниң гайгылары, баямак хөвеси оны богяр ве сөз хасылсыз галяр.

Matta 13:38

Экин мейданы болса дүнйәдир. Оңат тохум Гөгүң Шалыгының перзентлеридир. Хашал отлар болса шейтаның перзентлеридир.

Mark 4:19

эмма дүнйәниң гайгылары, баямак хөвеси ве башга мейиллер ара гирип, сөзи богяр, шонуң үчин сөз хасыл бермейәр.

Luka 16:8

Хоҗайыны бу хилегәр иш доландырыҗыны угуртапыҗылыгы үчин тарыплады. Бу дүнйәниң адамлары өз неслиниң арасында херекет этмекде нурдакы ынсанлардан парасатлыдыр.

Luka 22:31

Онсоң Иса сөзүни довам эдип: «Эй, Симун, Симун! Шейтан сизи бугдай ялы совурмак үчин диледи.

Ёханна 12:31

Инди бу дүнйә хөкүм чыкарылмалы вагт гелди. Ине, бу дүнйәниң хөкүмдары шейтан ковлуп чыкарылар.

Ёханна 13:2

Агшамлык нахар вагтыды. Иблис эййәм Симуның оглы Юдас Искариодың калбына Иса хайынлык этмек ниетини салыпды.

Ёханна 13:27

Чөреги алан бадына, Юданың ичине шейтан гирди. Иса оңа: «Нәме этҗек болсаң, тизрәк эт» дийди.

Ёханна 14:30

Маңа инди сизиң билен геплешере көп вагт галмады, себәби бу дүнйәниң хөкүмдары шейтан гелйәр. Онуң Мен бабатда хич хили ыгтыяры ёкдур.

Ёханна 15:19

Дүнйәден болан болсадыңыз, дүнйә сизи өзүниңкилер кимин сөерди. Эмма сиз бу дүнйә дегишли дәлсиңиз. Мен сизи бу дүнйәден сайлап алдым. Ине, шонуң үчин хем, дүнйә сизи йигренйәр.

Ёханна 16:11

Хөкүм бабатда айтсам, бу дүнйәниң хөкүмдары шейтан хөкүм эдилендир.

Ёханна 7:7

Дүнйә сизи йигренип билмез, эмма Мени йигренйәр, себәби Мен онуң ишлериниң эрбетдигине шаятлык эдйәрин.

Ёханна 8:23

Иса олара: «Сиз ашакдансыңыз, Мен ёкардандырын; сиз бу дүнйәденсиңиз, Мен болса, бу дүнйәден дәлдирин.

Ёханна 8:44

Сизиң атаңыз иблисдир, сиз онуң ислегини берҗай этмек ислейәрсиңиз. Ол овалдан ганхорды, хич вагт хакыкатың тарапдары болманды, себәби онда хакыкат ёк. Ол ялан сөзләнде, өз-өзүнден сөзлейәр, чүнки ол яланчы, яланың атасыдыр.

Resul 19:35

Шәхер кәтиби мәхелләни көшешдирип, шейле дийди: «Эй, эфеслилер! Бейик Артемис бутханасының ве асмандан инен хейкелиниң горагчысының Эфес шәхеридигини ким билмейәр?!

Resul 5:3

Петрус оңа шейле дийди: «Хананы, нәме үчин сен шейтана калбыңдан орун бердиң? Сен Мукаддес Руха ялан сөзләп, пулуң бир бөлегини өзүңе алып галдың.

Rimliler 12:2

Бу дүнйәниң йөрелгелерине уйгунлашҗак болмаң. Терсине, пикирлериңизи тәзеләп, өзгериң. Шейтсеңиз, Худайың ислегине дүшүнмеги, ягны Оны нәмәниң хошал эдйәндигини, нәмәниң оңат ве кәмилдигини билмеги башарарсыңыз.

1 Korintoslylar 5:10

Йөне мен шейле язанымда бу дүнйәниң адамларыны: азгынлары я-да бетнебислери, кеззаплары я-да бутпаразлары гөз өңүне тутмандым. Бейле болса, сиз бу дүнйәни биреййәм терк этмели болардыңыз.

1 Korintoslylar 6:11

Сизиң-де кәбирлериңиз шолар ялыдыңыз. Йөне сиз Реббимиз Иса Месихиң ады билен Худайымызың Рухы аркалы ювулдыңыз, Худайың мукаддес халкы болдуңыз, акландыңыз.

2 Korintoslylar 4:4

Бу дүнйәниң хөкүмдары шейтан иман этмедиклериң аңыны баглады. Шонуң үчин-де олар Худайың кешби болан Иса Месихиң шөхратының Хош Хабарының нуруны гөрүп билмейәрлер.

Галатялылар 1:4

Атамыз Худайың ырадасына гөрә, Реббимиз Иса бизи шу азгын дөвүрден халас этмекчи болуп, гүнәлеримиз үчин Өзүни гурбан этди.

Efesliler 1:21

Худай Месихи әхли хөкүмдарлыкдан, ыгтыярлыкдан, гүйч-гудратдан ве агалыкдан, шейле хем диңе бу дөвүрде дәл, эйсем гелҗек дөвүрде-де тутулҗак хер бир атдан хас ёкары гойды.

Efesliler 2:11

Шонуң үчин, эй, аслы яхуды дәллер! Өңки ягдайыңызы ядыңыза салың. Бирвагтлар өзлерине «сүннетлилер» диййән яхудылар сизи «сүннетсизлер» дийип атландырярдылар. Эмма оларың агзаян сүннети беден билен баглы йөнекейҗе бир адатдыр.

Efesliler 2:13

инди болса Иса Месихе дегишлисиңиз. Сиз бирвагтлар Худайдан узакдыңыз, инди болса Иса Месихиң дөкен ганы аркалы Оңа якынсыңыз.

Efesliler 2:3

Бизиң хеммәмиз шолар ялы яшамагы адат эдиндик. Биз ынсан тебигатының хөвеслерине, ислеглерине ве пикирлерине эердик. Шейлеликде, биз-де бейлекилер ялы ынсан тебигатымыз зерарлы Худайың газабына дучар болан адамлардык.

Efesliler 4:17

Шонуң үчин Реббиң адындан сизе шуны буюрярын: мундан бейләк кесеки миллетлер ялы бош дүшүнҗелер билен яшамаң.

Efesliler 4:22

Өң өвредилиши ялы, өңки дурмушыңызы, яланчы хөвеслер билен ёлдан чыкаран көне ярадылышыңызы чыкарып ташлаң.

Efesliler 5:6

Хич ким сизи бош сөзлер билен алдамасын. Шу затлар себәпли Худайың газабы Өзүне боюн эгмейәнлериң үстүнден инйәндир.

Efesliler 5:8

Ядыңыздамы, бирвагтлар сиз гараңкылыкдыңыз, йөне инди Реб аркалы нурсуңыз. Шонуң үчин нуруң чагалары болуп яшаң.

Efesliler 6:12

Себәби бизиң сөвешимиз ынсанлара гаршы дәлдир! Терсине, биз түмлүгиң рухы хөкүмдарларына ве эрк-ыгтыярлыларына, шейле-де гөкдәки ёвуз рухы гүйчлере гаршы сөвешйәрис.

Колосиялылар 1:21

Сиз бирвагтлар эден пис ишлериңиз себәпли пикириңизде Худайдан үзңедиңиз, Оңа душмандыңыз.

2 Timoteos 4:10

себәби Дема бу дүнйәни сөенсоң, мени ташлап, Салоникә гитди. Крискис Галатя, Титус хем Далматя гитди.

Ýakup 1:27

Атамыз Худайың назарында пәк хем ногсансыз диндарлык етимлериң ве дулларың кын гүнүнде аладасыны этмекден ыбаратдыр. Шейле хем бу дүнйәниң пислигинден өзүңи пәк сакламакдыр.

Ýakup 1:7

Шейле адам Ребден бир зат аларын өйтмесин.

Ýakup 4:4

Эй, бивепалар, дүнйә билен достлук Худая душман боляндыгыны билмейәрсиңизми? Ким дүнйә билен достлашса, Худая душман боляндыр.

1 Petrus 1:14

Гулак асыҗы чагалар дей болуң, озалкы надан дөврүңиздәки хөвеслериңизе эермәң.

1 Petrus 4:3

Гечмишде бутпаразлыга уюп яшаныңыз етерликдир. Шол дөвүрлери сиз ахлаксызлыкда, харам кейп чекмекде, серхошлыкда, ичгили кейпи-сапада ве йигренҗи бутпаразлыкда гечирдиңиз.

2 Petrus 2:14

Оларың зынадан гөзлери доймаяр, хич вагт гүнәни бес этмейәрлер. Олар дурнуксыз кишилери дузага дүшүрип аздырярлар. Оларың калбы ачгөзлүге югрулып, нәлетленен адамлардыр.

1 Ёханна 3:10

Кимиң Худайың перзендидиги, кимиң болса иблисиңкидиги шундан белли: догры иш этмейән ве доганыны сөймейән адам Худайдан дәлдир.

1 Ёханна 3:8

Гүнә эдйән адам иблисе дегишлидир, себәби иблис башлангычдан бәри гүнә эдип гелйәндир. Эмма Худайың Оглы иблисиң ишлерини ёк этмек үчин гелди.

1 Ёханна 4:4

Эзиз балалар, сиз болса Худайдансыңыз. Сиздәки Рухуң дүнйәдәки рухлардан үстүндиги үчин, сиз галп пыгамберлери еңенсиңиз.

1 Ёханна 5:19

Биз өзүмизиң Худайдандыгымызы, бүтин дүнйәниң болса шейтаның голастындадыгыны билйәрис.

1 Ёханна 5:4

Чүнки Худайың хер бир перзенди дүнйәни еңмеги башаряндыр. Биз дүнйәниң үстүнден бу еңши иманымыз аркалы газанярыс.

Аянлык 12:9

Улы аждарха өз перишделери билен ере ташланды. Хава, бүтин дүнйәни аздырып, иблис я-да шейтан дийип атландырылян бу гадымы йылан ере ташланды.

Аянлык 13:14

Бу җандар биринҗи җандарың адындан аламатлар гөркезип, ер йүзүниң илатыны алдава салярды. Ол гылыч билен өлүм ховплы яра салнандыгына гарамаздан, дирелен җандарың хейкелини ясамагы илата буюрды.

Аянлык 13:8

Ер йүзүнде яшаян хер бир ынсан бу җандара сежде эдер. Бу җандара диңе дүнйә ярадылмаздан өң атлары Яшайыш китабына язылан адамлар сежде этмез. Яшайыш китабы дамагы чалнан Гузыныңкыдыр.

Аянлык 16:17

Единҗи перишде кәсесини хова серпип гойберди. Ыбадатханадакы тагтдан: «Амала ашды!» диен батлы бир сес эшидилди.

Аянлык 20:2

Перишде аждарханы, ягны иблис я-да шейтан дийип атландырылян гадымы йыланы тутды-да, оны мүң йыл мөхлет билен зынҗырлады.