Efesliler 2:13 - Мукаддес Китап

¹³ инди болса Иса Месихе дегишлисиңиз. Сиз бирвагтлар Худайдан узакдыңыз, инди болса Иса Месихиң дөкен ганы аркалы Оңа якынсыңыз.

Mukaddes Kitap

¹³ indi bolsa Isa Mesihe degişlisiňiz. Siz birwagtlar Hudaýdan uzakdyňyz, indi bolsa Isa Mesihiň döken gany arkaly Oňa ýakynsyňyz.

Efesliler 2:13 Iomraidhean Croise

Işaýa 11:10

Шол гүн Йышайың көки халклара нышан болар; миллетлер Оңа йүз тутарлар, Онуң месгени шөхратлы болар.

Işaýa 43:6

Демиргазыга: „Олары бер“, гүнорта: „Олары саклама“ диерин; огулларымы узакдан, гызларымы ериң четлеринден,

Işaýa 49:12

Ине, олар узаклардан, кәси демиргазыкдан, кәси гүнбатардан, хатда Синим юрдундан гелерлер.

Işaýa 57:19

Диллеринде өвгини Мен яратдым, узакдакылара-да, якындакылара-да рахатлык, улы рахатлык берерин, олара шыпа берерин».

Işaýa 60:4

Төвереге сер сал, галдыр башыңы, әхлиси үйшүшип, саңа гелйәрлер. Огулларың узакдан гелерлер, гуҗакда гөтерилер гызҗагазларың.

Işaýa 60:9

Адалар Маңа умыт баглаярлар элбетде; Худайың Реббиң, Ысрайылың Мукаддесиниң адының хатырасына Таршыш гәмилери өңүрти гелйәрлер, огулларың күмүшдир алтыныны өзлери билен гетирйәрлер. Реб сени шөхратландырды.

Işaýa 66:19

Мен оларың арасында бир аламат гөркезерин. Оларың арасындан гачып гутуланлары миллетлериң арасына, Таршыша, Пула, яйчы Луда, Тубала, Явана, Мен барада эшитмедик, шөхратымы гөрмедик узакдакы адалара ёлларын. Олар Мениң шөхратымы миллетлериң арасында ыглан эдерлер.

Ýermeýa 16:19

Реб мениң гүйҗүм хем галамдыр, бетбагтлык гүнүнде Пенакәримдир! Дүнйәниң дөрт күнҗүнден миллетлер Сениң хузурыңа гелип: «Бизиң ата-бабаларымыз диңе ялан затлары, өзлерине бирҗик-де пейдасы болмадык бидерек бутлары мирас алдылар» диерлер.

Ёханна 10:16

Мениң бу агылдакылардан башга-да гоюнларым бар. Мен олары хем йыгнамалыдырын. Олар хем Мениң сесими эшидерлер, шонда бир сүри, бир чопан болар.

Resul 15:14

Ине, Симун бизе Худайың илки билен кесеки миллетлере нәхили назар саландыгыны ве оларың арасындан Өзүне бир халк сайлап аландыгыны дүшүндирип берди.

Resul 2:39

Бу вада сизиң өзүңиз ве чагаларыңыз үчин, узакда боланларың әхлиси, ягны Худайымыз Реббиң чагырҗакларының хер бири үчиндир».

Resul 22:21

Реббим Иса маңа: „Бар, Мен сени узакдакы кесеки миллетлериң янына иберйәрин“ дийди».

Resul 26:18

Шонда олар түмлүкден нура, шейтаның хөкмүрованлыгындан Худая тарап өврүлерлер. Маңа иман этмек аркалы оларың гүнәлери багышланып, олар Худайың мукаддес халкы билен биле мирас аларлар“ дийди.

Rimliler 8:1

Шейлеликде, Иса Месихе дегишли боланлар инди асла хөкүм эдилмез.

1 Korintoslylar 1:30

Чүнки сиз Иса Месих билен диңе Худай аркалы биригенсиңиз. Иса Месих бизиң үчин Худайың даналыгыдыр. Биз Ол аркалы акланып пәклендик. Иса Месих бизи Өзүне мукаддес халк эдинип, гүнәлеримизиң җезасындан гутарды.

1 Korintoslylar 12:13

Чүнки биз ким болсак-да: яхудымы, грекми, гулмы, эркинми – тапавуды ёк, барымыз бир беден болмак үчин, бир Мукаддес Руха чүмдүрилдик. Бизиң барымыз бир Мукаддес Рухы кабул этдик.

1 Korintoslylar 6:11

Сизиң-де кәбирлериңиз шолар ялыдыңыз. Йөне сиз Реббимиз Иса Месихиң ады билен Худайымызың Рухы аркалы ювулдыңыз, Худайың мукаддес халкы болдуңыз, акландыңыз.

2 Korintoslylar 5:17

Шоңа гөрә-де, ким Иса Месихе дегишли болса, ол тәзе ярадылышдыр. Көнеси гечип гитди, инди тәзеси гелди!

Галатялылар 3:28

Инди яхуды дәл билен яхудының, гул билен эркин адамың, эркек билен аялың арасында хич бир парх ёкдур. Иса Месихе дегишли боланыңыз үчин, инди барыңыз бирсиңиз.

Efesliler 1:1

Худайың ырадасы билен Иса Месихиң ресулы болан мен Павлусдан Эфесдәки Худайың халкына, ягны Иса Месихе иман эдйәнлере догайы салам!

Efesliler 1:7

Худай чуңңур бай мерхемети билен Оглуның дөкен ганы аркалы гүнәлеримизи багышлап, бизи азат этди.

Efesliler 2:10

Себәби Худай бизи Иса Месих аркалы яратды. Ол бизи овалдан тайярлап гоян ягшы ишлерини этмегимиз үчин яратды.

Efesliler 2:12

Шол вагтлар сиз Месихден айрыдыңыз, Ысрайыл раятлыгындан махрумдыңыз, Худайың вада берип, Өз халкы билен эден әхтлери сизе дегишли дәлди. Сиз бу дүнйәде Худайсыз ве умытсыздыңыз,

Efesliler 2:2

Эдил дүнйәдәки бейлеки адамлар ялы сиз-де гүнәли яшайша эерип, Худая табын болмадыклара хениз-де тәсирини етирйән гөкдәки рухы гүйчлериң хөкүмдарына гуллук эдйәрдиңиз.

Efesliler 2:6

Хава, Худай бизи Месих билен биле дирелтди ве Ол аркалы бизи гөкдәки әлемде отуртды.

Еврейлер 9:18

Шоңа гөрә өңки әхт хем ган дөкүлйәнчә гүйҗе гирмеди.

1 Petrus 3:18

Иса Месих хем бизи Худая гетирмек үчин, бизиң гүнәлеримиз себәпли бир гезек өлди. Өзи догры болса-да, гүнәкәрлер үчин өлди. Ынсан ялы өлдүрилсе-де, Худайың Рухы аркалы Ол дирелдилди.

Аянлык 5:9

Олар тәзе бир айдым айдярдылар: Сен мынасыпсың бу кагызы алмага, хем-де онуң мөхүрлерини дөвмәге. Чүнки Сен дамагың чалнып, Өз ганың билен, хер тиреден, хер дилден, хер халкдан хем-де миллетден Худай үчин адамлары сатын алансың.